Zeremi 49:1 - WẼNNAAM SEBRE 2014

¹ Sẽn kẽed ne Amo nebã wɛɛngẽ: Sẽn-Ka-Saab yetame: Israyɛll nebã ka tar kom-dibli la? Bãmb ka tar kom-dibli sẽn na n wa soog b tẽngã la? La yaa bõe tɩ wẽnnaam a Milkom reeg Gaad buudã tẽng n sooge, t'a nebã soog Gaad tẽmsã?

SEBR SÕNGO

¹ A Amon kamba poorẽ, Soaala gomda woto: «Sɩngame tɩ bõe tɩ wẽnd a Milkom wa so Gad tẽn-peelem? Sɩngame tɩ bõe tɩ Amonitsa wa so Israyɛl tẽnse? A Israyɛl konga kamb bɩ, kamb sẽn na n welg b ba raboog bɩ?»

Zeremi 49:1 Iomraidhean Croise

Sɩngrẽ 19:38

Yao-bi-puglã me roga bi-ribla, n pʋd a yʋʋr t'a Bɛn-Ami. Yaa yẽnda n yaa Amo-rãmbã sẽn be rũndã wã yaaba.

2 Rĩm-dãmba 10:33

Bãmb zab n tõoga Israyɛll nebã n deeg b soolmã tẽmse, sẽn sɩng ne Zʋrdẽ kʋɩlgã yaangã. Yaa Galaad ne Gaad nebã tẽmse, la Rubɛn nebã ne Manaase nebã tẽmse. Leb n yaa sẽn sɩng ne Arowɛɛr sẽn be Arno ko-soogã noorã hal tɩ ta Galaad ne Basan.

2 Rĩm-dãmba 24:2

Dẽ, Sẽn-Ka-Saab kɩtame tɩ Kalde ne Siiri la Moaab ne Amo nin-fãadbã na n wa zab ne a Yoyakim. Sẽn-Ka-Saab tʋma bãmb tɩ b kẽng n tɩ zab ne Zʋʋda nebã n sãam b tẽngã wa Sẽn-Ka-Saab sẽn dag n kɩt tɩ bãmb no-rɛɛsdbã togsã.

2 Kibayã 20:1

Bõn-kãens zugẽ, Moaab nebã, ne Amo nebã, n paas Mao nebã, waame n na zab ne a Zozafate.

2 Kibayã 20:23

Amo ne Moaab nebã naaga taab n zab ne neb nins sẽn yit-b Seyɩɩr soolem ning sẽn be tãms sʋkã, n kʋ-b zãnga. Bãmb sẽn kʋ Seyɩɩr nebã zãng n sɛ, bãmb wẽnemdame n kʋ taaba.

A Neemi 2:19

La Horon dao a Sãmbalat ne a tʋmd-n-taag a Tobiza sẽn yaa Amo nedã, ne Araab a Gesɛm sẽn wʋm kiba-kãngã, b sɩngame n paoog tõndo, la b yaal tõndo. Bãmb rag n sokda tõnd ne paoogr goam a woto: «Yaa bõe la yãmb maanda? Yãmb yik n dat n kɩɩsa rĩmã la?»

A Neemi 4:7

Dẽ, mam welga nebã roog-roogo, n ning-b londã sẽn be lalgã poorã tɩ b guudẽ, la b rag n zãada b zabr sʋʋse, b kãnã, la b tãbdo.

Yɩɩn‑sõamyã 83:7

Yaa Edom nebã ne Ismayɛll buudã, la Moaab nebã la Hagaar yagensã.

Yɩɩn‑sõamyã 9:6

Yãmb lengda bu-zẽmsã, n kɩtdẽ tɩ nin-wẽns sãamdẽ. Yãmb menesda b yʋʋr wakat sẽn kõn sa yĩnga.

Zeremi 12:14

Ad Sẽn-Ka-Saab sẽn yet mam yag-wẽnsã fãa sẽn sãamd tẽng ning mam sẽn pʋɩ n kõ Israyɛll buudã sẽn yaa mam nebã wɛɛngẽ. Woto yĩnga, mam na n diga bãmb n yiis-b b tẽngẽ wã, la m na n yiisa Zʋʋda nebã bãmb sʋka.

Zeremi 25:21

la Edom ne Moaab la Amo nebã,

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 27:3

Maan a taab n tʋm koe-toagsdb nins sẽn wa Zeruzalɛm Zʋʋda rĩm a Sedesiyaas nengẽ wã, tɩ b tɩ kõ Edom dĩmã ne Moaab rĩmã, la Amo nebã rĩmã ne Tɩɩr dĩmã, la Sɩdõ rĩmã.»

Zeremi 48:1

Koɛɛg Moaab yĩnga. Saasẽ-Pãng-Soabã sẽn yaa Israyɛll Wẽnnaamã yetame: «Toog paama Nebo tẽngã! B sãam-a lame! Yãnd tara Kiriyatayim tẽngã, bala, b zab n deeg-a lame! Yãnd tara Misgaab nebã, la b pɛleng yɩkame.

Zeremi 49:23

Koɛɛg Damaas wɛɛngẽ. Yãnd tara Hamat ne Arpaad nebã, bala b wʋma koe-beedo, tɩ b gĩin maage. B yaa wa ko-kãsengã koom sẽn lengde, n ka leb n tõe n yals sɩɩ ye.

Zeremi 49:28

Sẽn kẽed ne Kedaar la Hatsoor soolem-dãmbã, Babilond dĩm a Nebukatnedzaar sẽn zab ne n tõogã wɛɛngẽ. Ade, Sẽn-Ka-Saab yetame: Yik-y n zab-y ne Kedaar nebã. Sãam-y buud sẽn be yaangã!

Zeremi 49:7

Koɛɛg Edom wɛɛngẽ. Ade, Saasẽ-Pãng-Soabã sokdame yaa: Teman nebã ka leb n tar yam la? Sẽn tar-b bãngrã ka leb n kõt sagls la? Bãmb yamã menemame la?

Ezekiyɛl 21:25

Tuk sor zabr sʋʋgã sẽn na n tũ n wa Raba sẽn yaa Amo nebã tẽngẽ wã ne Zʋʋda la Zeruzalɛm sẽn yaa tẽng sẽn gũbg ne lalsã.

Ezekiyɛl 25:1

Sẽn-Ka-Saab yeela maam yaa:

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Yaoolem 2:19

Yãmb sã n kẽ Amo nebã tẽngẽ, ra zab-y ne-ba, la y ra bao b noor ye. Bala, mam ka na n kõ yãmb bãmb tẽngã baa bilf tɩ y soog ye. Yaa a Lot yagensã la mam kõ tẽn-kãng tɩ b sooge.

Yaoolem 23:3

Tãmpĩir ka tõe n kẽ Sẽn-Ka-Saab tiging pʋgẽ ye. Baa yẽnda yagens ne a yagen-tʋb-ra-kẽes n tɩ tãag zamaan piig ka tõe n kẽ beenẽ ye.

Yaoolem 23:4

Amo nebã ne Moaab nebã ka tõe n kẽ Sẽn-Ka-Saab nebã tiging zĩigẽ ye. Baa bãmb yagens ne a yagen-tʋb-ra-kẽes n tɩ tãag zamaan piig ka tõe n kẽ beenẽ ye. Bõn-kãng na n yɩɩ woto wakat fãa.