Zeremi 48:7 - WẼNNAAM SEBRE 2014

⁷ Bala, yãmb sẽn dɩk y teegrã n teeg y tʋʋmã ne y arzegsã yĩnga, b na n zab n tõoga yãmb me, la b na n talla wẽn-naandg a Kemoos ne a maan-kʋʋdbã la a nanambsã, n kẽng yembdo.

SEBR SÕNGO

⁷ Yaa sɩda, Moab, fo ra teega f tʋʋma la f arzɛkã, la ade b na n tõoga foom me! B tʋka f wẽnd a Kemos n dabd pa-weere tɩ f maan-kʋʋdba la f na-biisa yãagd-a.

Zeremi 48:7 Iomraidhean Croise

2 Sãmwɛlle 5:21

Filistẽ-dãmbã zoeeme n bas b wẽn-naandsã be, t'a Davɩɩd ne a nebã wʋk n looge.

1 Rĩm-dãmbã 11:33

Bala, bãmb basa maam n waoog Sɩdõ nebã wẽn-naan-poak a Astarte, ne Moaab nebã wẽn-naandg a Kemoose, ne Amo nebã wẽn-naandg a Milkom. La bãmb ka sak n tũ maam, n kẽn wa sẽn zemsd mam tõodã ne m noyã, wa a Salmo ba a Davɩɩd sẽn dag n kẽn to-to wã, n maan sẽn yaa tɩrg mam nifẽ ye.

1 Rĩm-dãmbã 11:7

Dẽ, yẽnda mee maoong kʋʋb zĩig tãng ning sẽn tees Zeruzalɛm tẽngã n kõ Moaab-rãmbã wẽn-yook a Kemoose, la a me maoong kʋʋb zĩig n kõ Amo nebã wẽn-yook a Moloke.

Yɩɩn‑sõamyã 40:4

Bãmb ninga yɩɩn-paalg mam noorẽ, yaa tõnd Wẽnnaamã pẽgr yɩɩlle. Neb wʋsg na n yãnda bãmb tɩ rabeem yõk-ba, la b na n dɩka b teegrã n teeg Sẽn-Ka-Saabo.

Yɩɩn‑sõamyã 52:7

Woto me, Wẽnnaam me na n sãam-f-la wakat fãa yĩnga. B na n lub-f lame, n vuug-f n yiis f fu-roogẽ wã. B na n yiisa foom nin-vɩɩsã sʋka.

Zeremi 13:25

Maam a Sẽn-Ka-Saab yetame: «Fo pʋɩɩr la woto, pʋɩɩr ning mam sẽn kõ foomã la woto, fo sẽn yĩm mam yelle, n tẽ zĩrẽ wã yĩnga.

Zeremi 43:12

Mam na n kɩtame tɩ Ezɩpt wẽnnaam-dãmbã rot rɩ bugum. A na n ning-b-la bugum, n tall-b n kẽng yembdo. Yẽnda na n fãa Ezɩpt nebã zãnga, wa rũm-kɩɩm sẽn kʋʋd a fuug karense, la a na n tõog-b lame.

Zeremi 48:13

Wẽn-naandg a Kemoos yãnd na n yõka Moaab nebã, wa Israyɛll nebã sẽn dag n teeg Betɛll n paam yãndã.

Zeremi 48:46

Yãmb sẽn yaa Moaab nebã, toog bee yãmb zugu! Yãmb a neb nin sẽn dag n waoogd wẽnnaam a Kemoosã menemame! Bala, b yõga y kom-dibli wã ne y kom-pugli wã n tall n loog yembdo.

Zeremi 49:3

Hɛsbõ nebã, wiis-y tɩ Ayi sãamame! Raba kom-pugli, kelm-y-yã! Sẽgen-y bot n yãb-a, la y yeeb goabg la rɩtgo! Bala b yõka bãmb dĩmã ne a maan-kʋʋdbã la a nanambsã, n dabd yembdo.

Zeremi 49:4

Raba tẽn-neere, bõe yĩng tɩ f wukd f meng f tãn-londã sẽn kõt bɩle sõama wã yĩnga? Fo rag n teega f paoongã n yetẽ tɩ ãndã n tõe n wa zab ne foom?

Zeremi 9:23

Ned sã n dat n maan sũ-noogo, bɩ a maan sũ-noog a sẽn tar yam la a mi maam, la a miẽ tɩ mam yaa Sẽn-Ka-Saab sẽn tʋmd ne nonglem la tɩrlem ne zemsg dũniyã zugã yĩnga. Bala, yaa bõn-kãens n noom maam.» Maam a Sẽn-Ka-Saab n yeele.

A Ooze 10:13

Yãmb bʋda wẽnga, n tigs zãmbo, Yãmb dɩɩ zĩrẽ yagb rɩɩbo. Israyɛlle, fo sẽn teeg f meng pãngã, la f teeg f gãndaadã sõorã yĩnga,

Sõadga 21:29

Moaab nebã, yãmb paama toogo! Wẽn-naandg a Kemok pʋʋsdba, yãmb yaa kũum! Bãmb kɩtame tɩ b kom-dibli wã lebg zoɛtba, N kɩt tɩ b kom-pugli wã, Lebg Amoor tẽng naab a Sihon yembse.

1 Tɩmote 6:17

Yeel neb nins sẽn tar arzegs dũni‑kãngã pʋgẽ wã tɩ b ra maan wilg-m-menga, la b da rɩk b teegrã n teeg arzegs b sẽn ka tar a hakɩɩk ye. Bɩ b teeg Wẽnnaam, tɩ b kõta bũmb fãa tɩ seke, tɩ tõnd tõe n tall n maan sũ-noog ne.

Vẽnegre 18:7

Yẽnda sẽn waoog a meng n kẽ nagma pʋgẽ n ta zĩig ningã, kɩt-y t'a toogã ne a sũ-sãangã ta a boto. Bala, a yeta a sũurẽ yaa: Mam zĩi wa rĩm-poaka, mam ka pʋg‑kõore, la mam kõn tol n paam kũum sũ-sãang ye.

Bʋ-kaoodba 11:24

Yãmb Wẽnnaam a Kemoos sẽn deeg tẽms ning n kõ yãmb tɩ y kẽedẽ wã ka yãmb n so la? Dẽ wã, Sẽn-Ka-Saab sẽn yaa tõnd Wẽnnaamã me sẽn deeg tẽms nins n kõ tõnd tɩ d soogã yaa tõnd dẽnda!