Zeremi 48:3 - WẼNNAAM SEBRE 2014

³ B wʋmda kelems sẽn yit Horonayim! Yaa sabaab ne sãoon-kãsenga!

SEBR SÕNGO

³ Kɛlenga n yit Oronayim: Yaa yel-beedo, yaa wãab menga!

Zeremi 48:3 Iomraidhean Croise

A Ezayi 15:2

B rabda pʋʋsg roogẽ wã ne Dibõ, la b kẽnd maoong kʋʋb zĩisẽ wã n na n tɩ yãbe. Moaab yãbd n wiisda Nebo tẽngã, ne Medba tẽngã yĩnga. Zutã fãa põngame, la toeemsã fãa wõrsame.

A Ezayi 15:5

Mam kelemda Moaab yĩnga. Neb n zoe n ta hal Soaar tẽnga, b taa hal Eglat-Selisiya tẽnga. Bala, bãmb bee Luyit tãngã rʋʋdg zugu, n kẽnd la b yãbda. Bãmb bee Horonayim tẽngã sor zug n kẽnd la b wiisd sãoongã yĩnga.

A Ezayi 15:8

Bala, kelemsã pida Moaab soolmã gilli. Yẽnda kelemsã zẽk n tata hal Eglayiim tẽnga, a kelemsã zẽkame n tat Beer-Elim tẽnga.

A Ezayi 22:4

Rẽ n kɩte tɩ mam yetẽ: «Wẽnemd-y y nens n da leb n ges maam ye. Bas-y maam tɩ m yãb n wiisi. Da bao-y tɩ bels maam, Zeruzalɛm sẽn yaa mam nin-nongdsã sãoong yĩng ye.

Zeremi 20:16

Bɩ nin-kãng yɩ wa tẽms nins Sẽn-Ka-Saab sẽn sãam n ka zoe b nimbãanegã! Bɩ a wʋm toog kelems yibeoogo, la zabr kelems wĩnto-sʋka.

Zeremi 47:2

Sẽn-Ka-Saab yetame: Ade, koom zẽka wĩntoog sẽn lʋɩtẽ dɩtg tẽngã sẽnẽ, a lebga ko-zoetem sẽn tar pãnga. A fõtame n limd tẽngã ne bũmb nins fãa sẽn be a pʋgẽ wã, a lima tẽngã ne a nebã fãa. Nebã kelemdame, tẽngã nebã fãa wiisdame,

Zeremi 48:34

Hɛsbõ nebã kelems zẽkd n tata Eleyale ne Yahaatse, la sẽn sɩng ne Sowaar tɩ ta Honorayim, hal n tãag Eglat-Selisiya. Baa Nimrim koomã kʋɩɩme.

Zeremi 48:4

Moaab sãamame! B wʋmda a kambã kelemse.

Zeremi 48:5

Bala, kelemsã zẽkdame n tũud Luyit tãngã rʋʋdga, la b wʋmda neb nins sũy sẽn sãam tɩ b yãbdã bɛɛb kelemse, Horonayim tãngã sigdgẽ.

Zeremi 51:54

B wʋmda kelems Babilond tẽngã pʋgẽ. Sãoong kãseng bʋrg yita Kalde nebã tẽngẽ.