Zeremi 48:2 - WẼNNAAM SEBRE 2014

² Moaab ziirã sɛɛme! Neb bee Hɛsbõ n segend n na n wa maan-a wẽnga. Wa-y tɩ d kɩt tɩ Moaab menem buud a taabã sʋka! Madmen tẽng nebã, zabr sʋʋg na n kɩtame tɩ b ka leb n wʋm yãmb me rãamd ye. B rigda yãmb ne zabr sʋʋga.

SEBR SÕNGO

² A ka leb n ya Moab zu-zẽkr bũmb ye! Esbõ tẽnga, b baoome n na n sãam a yelle: Ad-b sẽn yete: Aya! D kɩt t a menem zãnga, tɩ b ra le gom a yell abada! Foom me, Madmena, fo yell me na n sãamame, tɩ bala fo ka na n põs sʋʋg ye.

Zeremi 48:2 Iomraidhean Croise

A Ezayi 15:1

Sɩbgr koɛɛg Moaab tẽngã yĩnga. B sãam-a-la yʋn-yɛng bala! Aar-Moaab lebga sɩddd... B sãam-a-la yʋn-yɛng bala! Kɩɩr-Moaab lebga sɩddd...

A Ezayi 15:5

Mam kelemda Moaab yĩnga. Neb n zoe n ta hal Soaar tẽnga, b taa hal Eglat-Selisiya tẽnga. Bala, bãmb bee Luyit tãngã rʋʋdg zugu, n kẽnd la b yãbda. Bãmb bee Horonayim tẽngã sor zug n kẽnd la b wiisd sãoongã yĩnga.

A Ezayi 16:14

La moasã Sẽn-Ka-Saab yetame: «Yʋʋm a tãab sẽn wate, wa sẽn zems yʋʋm sõor ning tʋmtʋmd sẽn tʋmd yaood yĩngã, Moaab ziirã na n lebga paoogre. Baa yẽnda neb kʋʋngã sẽn yaa to-to wã, neb nins sẽn kellã na n yɩɩ bilf bala, la b ka na n zeng bũmb ye.»

A Ezayi 25:10

Bala, Sẽn-Ka-Saab nugã bee tãn-kãngã zugu!» B na n taba Moaab zĩig pʋgẽ, wa b sẽn tabd mood bir-bok pʋga.

Zeremi 25:15

Bala, Sẽn-Ka-Saab sẽn yaa Israyɛll Wẽnnaamã yeela maam yaa: Reeg reezẽ rãam wam-kãngã sẽn be mam nugẽ, n pid ne sũ-puugr dãamã, n tɩ yũnug buud nins fãa mam sẽn tʋmd foom b nengẽ wã.

Zeremi 25:17

Dẽ, mam deega wamdã Sẽn-Ka-Saab nugẽ n tɩ yũnug buud nins fãa Sẽn-Ka-Saab sẽn dag n tʋm maam b nengẽ wã.

Zeremi 31:36

Sẽn-Ka-Saab yetame: «Mam sã n wa sak tɩ tõ-kãensã mam sẽn vigl tɩ be wakat fãa wã ka leb n beẽ, Israyɛll nebã me kõn leb n yɩ mam buud wakat fãa ye.»

Zeremi 33:24

Fo ka wʋmd bũmb nins nin-kãensã sẽn yeta la? Bãmb yetame tɩ Sẽn-Ka-Saab zãgsa buud a yiib nins b sẽn dag n yãkã. Yaa woto n kɩte, tɩ b paoogd mam nebã, n yetẽ tɩ bãmb ka leb n yaa soolem yɛs ye.

Zeremi 46:28

Foom a Zakoob sẽn yaa mam tʋmtʋmdã, da zoe rabeem ye! Bala, mam bee ne foom. Mam na n menesa buud nins fãa mam sẽn dag n dig yãmb tɩ y tɩ zĩnd b sʋkã, la sã n yaa ne foom, mam ka na n sãam-f ye. La baoosgo, mam n na n demsa foom wa sẽn zemse. Mam ka na n bas foom taal ye. Maam a Sẽn-Ka-Saab n yeele

Zeremi 48:17

Yãmb fãa sẽn gũbg Moaab tẽngã, yãmb fãa sẽn mi a yʋʋrã, yãb-y-yã-a yĩng n yeele: «Kayto! A naam dasaarã sẽn tar pãng la ziirã kaoome.

Zeremi 48:42

Moaab na n sãamame, a ka na n leb n zĩnd n yɩ buud ye. Bala, a wuka a meng ne Sẽn-Ka-Saabo.

Zeremi 48:45

Zoɛtbã pãng sɛɛme, tɩ b yalsd Hɛsbõ n dat n soonde. La bugum zẽkda Hɛsbõ tẽngã pʋga. Bug-vɩlens yita Sɩhon na-yirã sẽn beẽ wã, n dɩt Moaab tãmsã seese, la a rɩt neb nins sẽn nong zabrã.

Zeremi 49:3

Hɛsbõ nebã, wiis-y tɩ Ayi sãamame! Raba kom-pugli, kelm-y-yã! Sẽgen-y bot n yãb-a, la y yeeb goabg la rɩtgo! Bala b yõka bãmb dĩmã ne a maan-kʋʋdbã la a nanambsã, n dabd yembdo.

Zeremi 49:37

Mam na n kɩtame tɩ Elam nebã rig rabeem b bɛɛbã taoore. Bãmb na n diga rabeem neb nins sẽn baood n kʋ bãmbã taoore. Mam sũ-puugrã pʋga, mam na n kɩtame tɩ toog paam bãmba. Maam a Sẽn-Ka-Saab n yeele. Mam na n kɩtame tɩ b rig bãmb ne zabr sʋʋga, hal n kʋ bãmb zãnga.

Sõadga 32:37

La a Rubɛn yagensã yik n lebs n mee Ɛsbon, ne Eleyale, la Kiriyatayim tẽmsã.