Zeremi 48:10 - WẼNNAAM SEBRE 2014

¹⁰ Kãab-wẽng bee ned ning sẽn maand Sẽn-Ka-Saab tʋʋmdã ne rok-m-zugẽ wã zugu! Ned ning sʋʋg zɩɩm sẽn ka madã na n paama kãab-wẽnga!

SEBR SÕNGO

¹⁰ Sẽn maanda Soaala tʋʋma yood-yoodo, bɩ Wẽnd yãk a soab barka! Bɩ Wẽnd yãk a soab barka, ned ninga sẽn kɩta t'a sʋʋg kong zɩɩm!

Zeremi 48:10 Iomraidhean Croise

1 Rĩm-dãmbã 20:39

La rĩmã wa n loogda beenẽ, tɩ Wẽnnaam no-rɛɛsã kelem n yeel-a yaa: «N-na! Mam dag n kẽnga zabre, la ned n yi zabrã zĩigẽ n tall ned n wa kɩs maam n yeele: Gũ nin-kãngã t'a ra zoe ye. Fo sã n bas-a t'a meneme, yaa foom la b na n kʋ n lebse. Ka rẽ, bɩ f yao wanzuri ligd-koeems tus a tã!

1 Rĩm-dãmbã 20:40

La mam wa n basa raoã gũub n maand tʋʋm a taaba, la a zoe n menemame.» Tɩ Israyɛll rĩmã leok-a yaa: «Foom n kao f meng bʋʋdo.»

1 Rĩm-dãmbã 20:42

Dẽ, Wẽnnaam no-rɛɛsã yeela Israyɛll rĩmã yaa: «Ade, Sẽn-Ka-Saab yetame: ‹Fo sẽn bas ned ning mam sẽn kãab t'a tog n kiime wã t'a põsã, b na n kʋʋ foom n lebse, la b kʋ fo nebã n led yẽnda nebã zĩigẽ.› »

2 Rĩm-dãmba 13:19

Wẽnnaam dao a Eliize sũurã yika ne rĩmã t'a yeele: «Yãmb dag n kõn wẽe naoor a nu bɩ a yoobe. Woto, yãmb dag n na n tõog n menesa Siiri nebã zãnga. La moasã wã, yãmb na n tõog-b-la naoor tãab bala.»

Zeremi 11:3

Yeel bãmb tɩ Sẽn-Ka-Saab sẽn yaa Israyɛll Wẽnnaamã yetame: «Kãab-wẽng bee ned ning fãa sẽn ka sakd kaool-kãngã goamã zugu!»

Zeremi 47:6

Kayto! Sẽn-Ka-Saab sʋʋga, fo na n vargame n tɩ tek zĩ-bʋg n ka tol n vʋʋse? Leb f wʋʋgẽ, pa be n vʋʋs la f bas woto.

Zeremi 47:7

La f na n yɩ a wãn n vʋʋse? Yaa Sẽn-Ka-Saab n kõ-a noor t'a kẽng Askelon ne ko-kãsengã sẽnẽ! Yaa beenẽ la b yeel-a t'a teese!

Zeremi 50:25

Sẽn-Ka-Saab paka b zab-teedã bĩngr zĩig n yiis b sũ-puugr zab-teedã. Zu-soabã sẽn yaa Saasẽ-Pãng-Soabã rat n maana tʋʋmd Kalde rãmbã tẽngẽ.

Zeremi 50:27

Kʋ-y bãmb gãndaadã wa lols b sẽn tar n dabd kʋʋb zĩigẽ. Toog bee bãmb zugu! Bãmb daarã taame, bãmb sɩbgrã daar taame.

Zozuwe 10:19

La bɩ yãmb da yals ye. Pʋgl-y y bɛɛbã, n gɩdg-ba, tɩ b ra tõog n kẽ b tẽmsẽ wã ye. Bala, Sẽn-Ka-Saab sẽn yaa yãmb Wẽnnaamã ning-b-la yãmb nusẽ.»

Bʋ-kaoodba 5:23

Sẽn-Ka-Saab malɛɛkã yeelame: «Kãab-y Merooz tẽngã wẽnga, kãab-y-yã a nebã wẽnga! Bala, b ka wa sõng Sẽn-Ka-Saab ye. Bãmb ka wa n naag gãndaadã n sõng Sẽn-Ka-Saab ye.

1 Sãmwɛlle 15:3

Moasã, bɩ f kẽng n tɩ zab ne Amalɛk nebã, n sãam bũmb nins b sẽn tarã zãnga. Da zoe-y b nimbãaneg ye. Kʋ-y pagbã ne raopã, kambã ne kom-peelsã, niigã ne piisã, la yʋgma wã ne bõensã fãa.»

1 Sãmwɛlle 15:9

La a Sayull ne nebã basa a Agaag n ka kʋ ye. La b basa rũm-bãoonegã ne rũm-bɛd nins fãa sẽn yaa sõama n yɩɩdã. Bãmb ka sak n sãam rũm-kãens ye. La yaa rũms nins fãa sẽn yaa wag n ka tar yõodã bal la b kʋ zãnga.