Zeremi 44:3 - WẼNNAAM SEBRE 2014

³ La yaa wẽng ning bãmb sẽn maanã yĩnga. Bãmb yõoga wisd n waoog wẽn-sãams bãmb ne yãmb la y yaab-rãmbã sẽn ka mi, n beeg maam.

SEBR SÕNGO

³ Yaa b yel-wẽna n puug mam sũuri. B tɩ kʋʋ maando la b waooga tẽn-zẽng wẽn-naandse. M yaool n da ka ne bũmb ninga sẽn be bãmb ne taab sʋka. Y ka bãng-b pĩnda, y yaab rãmb me ka bãng-ba.

Zeremi 44:3 Iomraidhean Croise

A Neemi 9:33

Yell ning fãa sẽn paam tõndã, wilgdame tɩ yãmb yaa sɩd soaba, bala, yãmb wilgame tɩ y yaa sɩd soaba, la yaa tõnd n maan wẽnem.

A Ezayi 3:8

Ade, Zeruzalɛm lagsdame, la Zʋʋda sirgdame. Bala, bãmb goamã ne bãmb tʋʋmã kɩɩsda Sẽn-Ka-Saabo. La bãmb paoogda Sẽn-Ka-Saab ziirã.

Zeremi 11:17

Saasẽ-Pãng-Soabã sẽn sel yãmb a Israyɛll ne Zʋʋda nebã yetame tɩ toog na n waa yãmb zutu, wẽng ning yãmb sẽn maanã yĩnga. Yãmb yõoga wisd n kõ Baalle, n kɩt tɩ m sũurã puugi.

Zeremi 16:10

Fo sã n togs nin-bãmbã gom-kãensã fãa tɩ b sok foom: «Bõe yĩng tɩ Sẽn-Ka-Saab yãk yam n na n kɩt tɩ to-kãseng a woto paam-do? Tõnd beegrã yaa bõe? Bõe yel-wẽn la tõnd maan n beeg Sẽn-Ka-Saab sẽn yaa tõnd Wẽnnaamã?»

Zeremi 22:9

La b na n leok-b lame n yeele: Yaa tẽn-kãngã nebã sẽn bas Sẽn-Ka-Saab sẽn yaa bãmb Wẽnnaam kaoolã, n wõgemd n waoog buud a taab wẽnnaam-dãmba, la b sak-bã yĩng n kɩt tɩ yaa a woto.

Zeremi 29:19

b sẽn ka kelg mam goamã yĩnga. Maam a Sẽn-Ka-Saab n yeele. Mam yaool n tʋma m tʋmtʋmdbã sẽn yaa no-rɛɛsdbã yãmb nengẽ n ka bas ye. La yãmb ka kelg-b ye. Maam a Sẽn-Ka-Saab n yeele.› »

Zeremi 32:30

«Sɩd me, Israyɛll ne Zʋʋda nebã maana sẽn yaa wẽng mam nifẽ bal hal b yãadem wakate. Israyɛll nebã yika mam sũurã ne b nusã tʋʋmã.

Zeremi 44:23

Yãmb sẽn yõog wisdã yĩnga, la y sẽn maan yel-wẽn n beeg Sẽn-Ka-Saabã yĩnga, la yãmb sẽn ka kelg Sẽn-Ka-Saabã yĩnga, la y sẽn ka sak n tũ bãmb tõogã ne b noyã la b tʋlsmã yĩng n kɩte, tɩ toog a woto paam-yã, la rẽ me n kɩt tɩ ket n yaa a woto hal tɩ ta rũndã wã.»

Zeremi 44:8

Yãmb nusã tʋʋm yikda mam sũuri, y sẽn yõogd wisd n waoogd Ezɩpt wẽnnaam-dãmbã yĩnga. Yãmb yaool n yaa sãamb tẽn-kãng pʋgẽ. Yãmb maana y mens tɩ b na n kʋ-yã, la y lebga kãab-beed ne paoogr bũmb dũniyã soolem-dãmbã fãa sʋka.

Zeremi 5:19

B sã n sok tɩ yaa bõe tɩ Sẽn-Ka-Saab sẽn yaa bãmb Wẽnnaamã maand bãmb woto fãa, bɩ f leok-b tɩ Sẽn-Ka-Saab yetame: «Yãmb sẽn bas maam n tũ bu-zẽms wẽnnaam-dãmb y tẽngã pʋgẽ wã yĩnga, woto me, bu-zẽmsã na n sooga yãmb tẽng a to sẽn ka yãmb dẽnd pʋgẽ.»

Zeremi 5:29

Mam kõn sɩbg nin-bãmbã buud sɩda? Mam kõn dok m sũur ne bu-kãngã sɩda? Maam a Sẽn-Ka-Saab n yeele.

Zeremi 7:19

La maam a Sẽn-Ka-Saab yetame: Rẽ yĩnga, yaa mam sũur la b sãamd sɩda? Ka b mensã sũy la b sãamd n ningd b mens yãnd sɩda?

Kʋʋr yɩɩla 1:8

Zeruzalɛm maana yel-wẽn wʋsgo, rẽ kɩtame t'a lebg bõn-dẽgdo. Neb nins fãa sẽn da waoogd yẽnda wã paoogda yẽnda moasã. Bãmb yãame t'a yaa zaala. La yẽnda meng wẽeda sir n tarda.

Kʋʋr yɩɩla 4:13

Bõn-kãng yaa a no-rɛɛsdbã yel-wẽnã yĩnga, la a maan-kʋʋdbã kongr yĩnga, bãmb sẽn daag nin-tɩrsã zɩɩm a pʋgẽ wã yĩnga!

Ezekiyɛl 9:9

Bãmb leoka maam n yeel yaa: «Israyɛll ne Zʋʋda buudã kongr yaa kãseng tɩ looge. Tẽngã pida ne zɩɩm daagre, la zãmbo, bala, bãmb yetame tɩ Sẽn-Ka-Saab basa tẽngã, la Sẽn-Ka-Saab ka ne baa fɩ ye.

A Dãniyɛlle 9:5

Tõnd kongame, tõnd beegame, d yɩɩ nin-wẽnse la kɩɩsdba, la tõnd wẽnemdame n bas yãmb tõodã ne y noyã.

Yaoolem 13:6

No-rɛɛs-kãng wall zãmsdã soab tog n kiime. Bala, yẽnda zãmsa neb tɩ b zãgs Sẽn-Ka-Saab sẽn yaa yãmb Wẽnnaamã sẽn yiis yãmb Ezɩpt yembd pʋgẽ wã, n dat n kɩt tɩ y bʋdg n bas sor ning Sẽn-Ka-Saab sẽn yaa yãmb Wẽnnaamã sẽn yeel yãmb tɩ y tũ wã. Yaa woto la y na n yiis bũmb ning sẽn yaa wẽngã yãmb sʋka.

Yaoolem 29:25

Bãmb tũu wẽnnaam-dãmb a taab bãmb sẽn dag n ka mi, n wõgemd bãmb taoore, la Sẽn-Ka-Saab yaool n dag n gɩdga bãmb tɩ b ra waoog-b ye.

Yaoolem 29:26

Woto yĩnga, Sẽn-Ka-Saab sũur yika ne tẽngã tɩ kãab-beed nins fãa sẽn gʋls seb-kãngã pʋgẽ wã paam-a.

Yaoolem 32:17

Bãmb maana maand n kõ zĩn-dãmb sẽn ka Wẽnnaam ye, la wẽnnaam-dãmb bãmb sẽn ka mi sẽn yaool n wa, yãmb yaab-rãmb sẽn dag n ka waoogda.

Ebre rãmba 3:16

Yãmb sẽn gesã, yaa ãnda rãmb n wʋm Wẽnnaam koɛɛgã la b kell n bao Wẽnnaam noore, sã n ka neb nins a Moyiis sẽn tall n yiis Ezɩptã?