Zeremi 44:2 - WẼNNAAM SEBRE 2014

² Ade, maam a Saasẽ-Pãng-Soabã sẽn yaa Israyɛll Wẽnnaamã yetame: Yãmb yãnda mam sẽn kɩt tɩ tood nins fãa paam Zeruzalɛm ne Zʋʋda soolem tẽmsã fãa wã. Tẽn-bãmb lebga raboodo, tɩ ned ka leb n be beenẽ ye.

SEBR SÕNGO

² Dũni fãa Soaala, a Israyɛl Wẽnnaam n togsde: «Yãmb yãee yel-beed niyns fãa mam sẽn tak Zerizalɛɛm la Zɩɩda tẽns fãa zugu. Ade, dũnna b lebga raboodo, neb ka leb n be be yɛs ye.

Zeremi 44:2 Iomraidhean Croise

2 Rĩm-dãmba 21:13

Mam na n sãama Zeruzalɛm wa m sẽn sãam Samaari tẽngã, la m sarm-a wa m sẽn sarem a Akaab roogã. Mam na n nedga Zeruzalɛm wa ned sẽn nedgd wamd n fõgne.

Yikri 19:4

‹Yãmb mens yãnda mam sẽn maan Ezɩpt nebã bũmb ningã. Mam dɩka yãmb ne pa-nand-tugr pɩgsa, n tall yãmb n wa mam nengẽ.

A Ezayi 24:12

Lebga sãoong bal n be tẽngã pʋga, b luba kʋɩlemsã tɩ lebg raboogo.

A Ezayi 6:11

La mam sokame yaa: «Zu-soaba, na n yɩɩ a woto hal tɩ ta dabʋre?» Bãmb leoka maam yaa: Hal tɩ ta wakat ning b sẽn na n sãam tẽmsã tɩ neb ka leb n be b pʋsẽ, la b sẽn na n sãam dotã tɩ neb ka leb n be b pʋsẽ, la b sẽn na n sãam tẽn-gãongã t'a lebg zĩ-vɩʋʋgã,

Zeremi 25:11

Tẽn-kãngã fãa na n lebga raboogo, zĩ-vɩʋʋgo, la b na n yõga bu-kãensã n tɩ kẽes yembd Babilond yʋʋm pis-yopoe.

Zeremi 34:22

Mam na n kõo noor tɩ b lebg n wa tẽn-kãngã pʋgẽ, n zab n deeg-a, n ning-a bugum. Mam na n kɩtame tɩ Zʋʋda tẽmsã lebg raboogo, tɩ ned ka leb n zĩnd beenẽ yɛs ye. Maam a Sẽn-Ka-Saab n yeele.› »

Zeremi 4:7

Gɩgemd fão n yi a gãagẽ, sẽn sãamd-a soolem-dãmbã yi a zĩigẽ n watẽ. A na n sãama y tẽngã, a na n kɩtame tɩ y tẽmsã lebg raboodo. Ned ka na n tol n leb n zĩnd b pʋsẽ ye.› »

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Zeremi 44:23

Yãmb sẽn yõog wisdã yĩnga, la y sẽn maan yel-wẽn n beeg Sẽn-Ka-Saabã yĩnga, la yãmb sẽn ka kelg Sẽn-Ka-Saabã yĩnga, la y sẽn ka sak n tũ bãmb tõogã ne b noyã la b tʋlsmã yĩng n kɩte, tɩ toog a woto paam-yã, la rẽ me n kɩt tɩ ket n yaa a woto hal tɩ ta rũndã wã.»

Zeremi 7:34

Mam na n kɩtame tɩ kɩdeng ne sũ-noog yɩɩla, la pʋg-paal ne pʋg-paal sɩd yɩɩl sɛ Zʋʋda soolem tẽmsã pʋse, ne Zeruzalɛm soayã zutu: tẽngã na n lebga vɩʋʋgo.»

Zeremi 8:3

La bu-wẽn-kãng neb nins fãa sẽn ket n be dũniyã zugã, zĩis nins fãa mam sẽn na n dig-b tɩ b tɩ kẽngã, b na n yeelame tɩ b sẽn kiid n são. Saasẽ-Pãng-Soabã n yeele.»

Zeremi 9:11

Ãnda soab n tar yam n tõe wʋm bõn-kãensã võore? Bɩ Sẽn-Ka-Saab sẽn kõ ned ning bõn-kãens bilgrã togse. Bõe yĩng tɩ tẽngã sãame, n lebg wa we-raoog sẽn dɩ bugum tɩ ned ka leb n tũud be n loogdẽ?

Kʋʋr yɩɩla 1:1

Kayto! Tẽng ning neb wʋsg sẽn dag n be a pʋgã lebga tẽn-vɩʋʋgo. A lebga wa pʋg-kõore. Yẽnda rag n yaa kãseng buudã fãa sʋka, yẽnda rag n yaa rĩm-poaka, n so soolem wʋsgo, la b kẽes-a-la tʋʋm-wɛgl pʋga.

Kʋʋr yɩɩla 1:16

Yaa bãmb yĩng la mam yãbd tɩ m nintãm daagdẽ. Bala, bɛlsd ning sẽn dag n tõe n kɩt tɩ mam vɩɩm yɩ noogã zãaga ne maam. Mam kambã tara sũ-sãanga, bala, bɛyã tõogame.

Kʋʋr yɩɩla 5:18

Bala, Sɩyõ tãngã sãamame, tɩ waas gõod beenẽ.

A Dãniyɛlle 9:12

Wẽnnaam pidsa goam nins bãmb sẽn dag n gom n yeel tɩ b na n sɩbga tõnd ne d nanambs nins sẽn dag n so tõndã. Wẽnnaam kɩtame tɩ to-kãseng paam tõnd a Zeruzalɛm nebã, la saagã tẽngre, toog a woto buud nan zɩ n zĩnd ye.

Maan‑kʋʋre 26:31

Mam na n kɩtame tɩ yãmb tẽmsã lebg raboodo, la mam na n sãeega y pʋʋsgã zĩisi, la m ka na n leb n kok-y maandã yũ-noogã ye.

Maan‑kʋʋre 26:43

La bãmb sẽn yi n bas tẽngã yĩnga, tẽngã na n vʋʋsame, a sẽn lebg vɩʋʋgã yĩnga. Bãmb na n paama b kongrã sɩbgre. Bala, bãmb kɩɩsa mam tõodã, la b kisga mam noyã.

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.

Zakari 1:6

La ne rẽ fãa, goam nins la noy nins mam sẽn dag n kɩt tɩ mam tʋmtʋmdbã sẽn yaa no-rɛɛsdbã togsã, ka ta y yaab-rãmbã sɩda?» Bãmb lebg n waame n wa yeel yaa: «Saasẽ-Pãng-Soaba maana tõnd wa b sẽn dag n yãk yam n na n maanã, b maana tõnd wa sẽn zems d nao-kẽndrã ne d yel-manesmã.»

Yaoolem 29:2

Yaa to-kãsems nins ne bãn ninsi, la bõn-yɛɛsds nins yãmb nifã sẽn yãndã.

Zozuwe 23:3

La yãmb yãnda bũmb nins fãa Sẽn-Ka-Saab sẽn yaa yãmb Wẽnnaamã sẽn maan buud a taabã n sõng yãmbã. Bala, yaa Sẽn-Ka-Saab sẽn yaa yãmb Wẽnnaamã n zab n sõng yãmba.