Zeremi 44:1 - WẼNNAAM SEBRE 2014

¹ Ad goam nins Sẽn-Ka-Saab sẽn togs a Zeremi, sẽn kẽed ne Zʋʋda neb nins fãa sẽn be Ezɩpte, Migdolle, Takpaneese, la Nof ne Patroos tẽngã wɛɛngẽ:

SEBR SÕNGO

¹ Koɛɛg a Zeremi sẽn deege n na n taas Zɩɩda rãmb fãa sẽn be Ezipt tẽnga, sẽn kẽed-b Migdol, Tapanɛs, Memfis la Patros tẽnga. A Zeremi goma ne b woto:

Zeremi 44:1 Iomraidhean Croise

Sɩngrẽ 10:14

ne Patroos la Kaslu buudã, yaa bãmb sʋk la Filistẽ-dãmbã ne Kaftoor-dãmbã yi yã.

Yikri 14:2

«Yeel Israyɛll nebã tɩ b lebg n leb poorẽ n tilg tãb-sikã Pi-Hahirot taoore, Migdoll ne ko-kãsengã sʋka, zĩig ning sẽn teesd Baall-Sefondã. Yãmb na n tilga y tãb-sikã ko-kãsengã noor n tees zĩ-kãnga.

A Ezayi 11:11

Badaare, Sẽn-Ka-Saab na n leb n tẽega b nug n fãag b buud ning sẽn kellã, yaa neb nins sẽn pa Asiiri ne Ezɩptã, la sẽn pa-b Patroos ne Kuusã, la Elam ne Sineyaar la Hamatã, ne tẽms nins koom sẽn gũbg tɩ b be ko-kãsengã sʋkã.

A Ezayi 19:13

Sowan tẽng nanambsã ka tar yam ye. Noof tẽng nanambsã belgda b mense. Yẽnda buudã taoor dãmbã kẽesda Ezɩpt nebã moogo.

Zeremi 2:16

Baa Memfiis ne Takpanees nebã põngda yãmb zutu.

Zeremi 24:8

Sẽn-Ka-Saab yetame: «Mam na n maana Zʋʋda rĩm a Sedesiyaas ne a nanambsã la Zeruzalɛm neb nins sẽn kell n zĩnd tẽn-kãngã pʋgẽ wã, ne sẽn be-b Ezɩpt tẽngã, wa kankam nins sẽn põog tɩ ned ka tõe n dɩ wã.

Zeremi 43:13

Yẽnda na n wãa Bɛt-Semees kug-vigindsã sẽn be Ezɩptã, la a ning Ezɩpt wẽnnaam-dãmbã rot bugum.› »

Zeremi 44:15

Raop nins fãa sẽn dag n mi tɩ b pagbã rag n yõogda wisd n kõt wẽn-sãamsã, la pagb nins sẽn dag n tigim be wʋsgã, ne neb nins fãa sẽn dag n be Patroos Ezɩpt soolmã pʋgẽ wã leoka a Zeremi yaa:

Zeremi 46:14

«Moon-y-yã-a Ezɩpt tẽngã pʋgẽ, togs-y-yã-a Migdoll nebã, togs-y-yã-a Nof ne Takpanees nebã n yeel-b yaa: ‹Segl-y y mens tɩ ned fãa yik n yals a zĩigẽ, bala, zabr sʋʋg gũbga yãmb n vargdẽ!

Zeremi 46:19

Ezɩpt sẽn yaa tẽn-neerã nebã, segl-y y teed tɩ y na n looga yembdo! Bala, Nof na n sãamame, bugum na n dɩ-a lame, la ned kõn leb n zĩnd a pʋgẽ ye.»

Ezekiyɛl 29:10

Woto n kɩt tɩ mam zabd ne foom ne f Nill kʋɩlgã ko-soayã fãa. Mam na n kɩtame tɩ Ezɩpt tẽngã lebg raboogo. A na n yɩɩ raboogo, la zĩ-vɩʋʋgo, sẽn sɩng ne Migdoll n tɩ tãag Sɩyɛnde, ne Kuus todsã.

Ezekiyɛl 29:14

Mam na n lebsa Ezɩpt tẽngã a zĩigẽ. Mam na n leb n talla bãmb n wa Patroose, tẽng ning bãmb sẽn yitẽ wã, la beenẽ, bãmb na n vigla soolem sẽn ka pãnga.

Ezekiyɛl 30:13

Ade, Zu-soab a Sẽn-Ka-Saab yetame: «Mam na n menesa wẽn-naandsã la m yiis zĩrẽ wẽnnaam-dãmbã sẽn be Nof tẽngã pʋgã. Naab kõn leb n zĩnd Ezɩpt tẽngã pʋg ye. Mam na n kɩtame tɩ rabeem kẽ Ezɩpt tẽngã.

Ezekiyɛl 30:14

Mam na n sãama Patros tẽngã, la m ning Soan tẽngã bugum, la m sɩbg No tẽngã neb kʋʋngã.

Ezekiyɛl 30:16

Mam na n ninga Ezɩpt tẽngã bugum. Sĩn tẽngã nebã na n diga ne rabeem. B na n wãa No tẽng lalsã, la bɛɛbã na n zab n deega Nof tẽngã wĩnto-sʋka.

Ezekiyɛl 30:18

Daar ning mam sẽn na n sãam balgr ning Ezɩpt sẽn balg nebã, n kɩt t'a sẽn wukd a meng ne pãng ningã sɛ wã, Takpanees tẽngã na n lebga lik bida. Sawad-taok n na n lud Takpaneese, la b na n talla a tẽmsã neb n tɩ kẽes yembdo.

A Ooze 9:6

Bala, sãoongã yĩnga, bãmb zoetame, la Ezɩpt tẽngã na n deega bãmba, la b na n muma bãmb Memfis tẽnga. Mood na n dɩɩ bãmb paoongã, la gõos na n yii bãmb sik zĩisẽ wã.