Zeremi 42:2 - WẼNNAAM SEBRE 2014

² n yeel Wẽnnaam no-rɛɛs a Zeremi yaa: «D wẽed-f-la kãntɩɩga, tɩ f wʋm tõnd se-yõkrã. Pʋʋs Sẽn-Ka-Saab sẽn yaa fo Wẽnnaamã tõnd ne neb nins fãa sẽn ketã yĩnga. Bala, tõnd sõorã rag n yaa wʋsgo, la fo neeme tɩ moasã, yaa tõnd bilf bal n kete.

SEBR SÕNGO

² wa n yeela bãngda a Zeremi: «Wẽnd na sõng tɩ d kosgo kẽ f sũurẽ! Yõk fo Wẽnnaam, Soaala-Wẽnda sɛɛga n kõ-do, yõk b sɛɛg nin-bãmba sẽn keta yĩnga, tɩ wala fo sẽn da ne d sõorã sẽn yɩ zembalã, tõnd sẽn ket bal la woto.

Zeremi 42:2 Iomraidhean Croise

1 Rĩm-dãmbã 13:6

Rĩmã zẽka a koɛɛg n yeel Wẽnnaam daoã yaa: «M kot-y lame tɩ y kos Sẽn-Ka-Saab sẽn yaa fo Wẽnnaamã, la f pʋʋs m yĩng tɩ m nugã tõe n leb n wa a zĩigẽ.» Dẽ, Wẽnnaam daoã pʋʋs n kosa Sẽn-Ka-Saabo, la rĩmã nugã leb n wa a zĩigẽ.

Yɩɩn‑sõamyã 119:170

Bɩ mam kosgã zẽk n ta y nengẽ! Fãag-y maam wa yãmb sẽn kãabã!

Yikri 8:28

La wakat-kãngã, Faarõ leb n kenga a sũur n ka bas nebã tɩ b loog ye.

Yikri 9:28

Dẽ wã, yõk-y Sẽn-Ka-Saab sɛɛga, tɩ b kɩt tɩ sa-tãsã ne sapɩlmã yalse. Woto, m ka na n leb n gɩdg yãmb tɩ y ra loog ye.»

A Ezayi 1:15

Yãmb sã n zẽk y nusã n tees maam, mam mumda m nin n ka rat n yãnd yãmb ye. Baa ne yãmb sẽn pʋʋsd n yɩlemdẽ wã, mam ka kelgd ye. Yãmb nusã pida ne zɩɩm.

A Ezayi 1:9

Saasẽ-Pãng-Soabã sã n dag n ka basẽ tɩ neb bilf põse, tõnd dag n na n lebgẽ-la wa Sodom tẽngã, tõnd dag n na n wẽnegẽ-la Gomoore.

A Ezayi 37:4

Daar ninga, Sẽn-Ka-Saab sẽn yaa yãmb Wẽnnaamã na n wʋma goamã Asiiri rĩmã sõgen-kãsengã b sẽn tʋm t'a wa tʋʋs Wẽnnaam sẽn vɩ wã to-to wã. Tõeeme tɩ Sẽn-Ka-Saab sẽn yaa yãmb Wẽnnaamã na n sɩbg-b-la goam nins yẽnda sẽn gom tɩ bãmb wʋma yĩnga. Woto wã, bɩ y pʋʋs Wẽnnaam neb nins sẽn ketã yĩnga.»

A Ezayi 42:20

Fo yãnda bũmb wʋsgo, la fo ka maan gũusg ye. Fo yoka f tʋb n yaool n ka wʋm ye.

Zeremi 15:11

Sẽn-Ka-Saab yetame: «Hakɩɩka, mam fãaga yãmb y na yɩ neer yĩnga. Hakɩɩka, mam zab n sõnga yãmb toog ne yel-pakr wakate.»

Zeremi 2:27

Bãmb boonda raoog tɩ b ba, la b yeel kugr tɩ yaa yẽnda n dog-ba. Bãmb wẽnemda b nense, la b tud maam b kudg n ka get maam ye. La toogã sã n yaool n paam bãmba, bãmb yetame: «Yik-y n fãag-y-do!»

Zeremi 21:2

D kotame tɩ y sok Sẽn-Ka-Saab n kõ-do. Bala, Babilond dĩm a Nebukatnedzaar zabda ne tõndo. Daarninga, Sẽn-Ka-Saab na n maana bõn-bãnd tõnd yĩng n kɩt t'a lebg n looge.

Zeremi 36:7

Daarninga, b se-yõkrã na n taa Sẽn-Ka-Saab taoore, la b na n basa b manesem-wẽnsã. Bala, Sẽn-Ka-Saab sũ-yikrã ne b sũ-puugrã yaa kãseng nin-kãensã yĩnga.»

Zeremi 37:20

M dĩm la m soaala, m kotame tɩ y kelg maam moasã, n deeg m se-yõkrã. Ra kɩt-y tɩ b leb n tall maam n tɩ kẽes seb-gʋlsd a Zonatã roogẽ wã, tɩ m wa pa be n ki ye!»

Zeremi 37:3

Rĩm a Sedesiyaas tʋma a Selemiya biig a Yukall ne maan-kʋʋd a Maaseya biig a Sofoni, tɩ b tɩ kos Wẽnnaam no-rɛɛs a Zeremi t'a pʋʋs Sẽn-Ka-Saab sẽn yaa bãmb Wẽnnaamã bãmb yĩnga.

Zeremi 38:14

Rĩm a Sedesiyaas kɩtame tɩ b tɩ tall Wẽnnaam no-rɛɛs a Zeremi n wa yẽnda nengẽ, Sẽn-Ka-Saab roogã rignoor a tãabẽ soabã noore. La rĩmã yeela a Zeremi yaa: «Zeremi, mam dat n soka foom bũmbu. Ra sak n solg maam bũmb ba a yembr ye.»

Zeremi 40:15

Dẽ, a Kareyak biig a Yohanan soos n yeela a Gedaliya Mitspa yaa: «M kotame tɩ y bas tɩ m kẽng n tɩ kʋ a Netaniya biig a Ismayɛlle. Ned kõn tol n bãng ye. Bõe yĩng tɩ d na n bas t'a kʋ yãmba? Bõe yĩng tɩ Zʋʋda neb nins fãa sẽn wa n tigim yãmb nengẽ wã na n sãeege, tɩ sẽn ket-bã sãame?»

Zeremi 42:20

Yãmb belgda y mense, bala yãmb tʋma maam Sẽn-Ka-Saab sẽn yaa yãmb Wẽnnaamã nengẽ n yeel yaa: ‹Pʋʋs Sẽn-Ka-Saab sẽn yaa tõnd Wẽnnaamã tõnd yĩnga. La bũmb ning fãa Sẽn-Ka-Saab sẽn yaa tõnd Wẽnnaamã sẽn na n yeel tɩ d maane, tõnd na n maaname!›

Kʋʋr yɩɩla 1:1

Kayto! Tẽng ning neb wʋsg sẽn dag n be a pʋgã lebga tẽn-vɩʋʋgo. A lebga wa pʋg-kõore. Yẽnda rag n yaa kãseng buudã fãa sʋka, yẽnda rag n yaa rĩm-poaka, n so soolem wʋsgo, la b kẽes-a-la tʋʋm-wɛgl pʋga.

Ezekiyɛl 12:16

La mam na n basa bãmb neb kẽer bãmb sʋkã sẽn na n põs zabr sʋʋg ne kom la bãn-longdsã, tɩ bãmb tõe n togs yel-beed nins bãmb sẽn maan bu-zẽms nins bãmb sẽn na n kẽngã sʋka. Woto, bãmb na bãng tɩ mam yaa Sẽn-Ka-Saabo.»

A Ooze 8:10

Baa ne toogã sẽn paam bãmb buudã sʋkã, mam na n tigma bãmba, n kɩt tɩ nanambsã rĩm nams-ba.

Maan‑kʋʋre 26:22

Mam na n tʋma we-rũms tɩ b wa zab ne yãmba, n kʋ yãmb kambã, la b kʋ y rũmsã, la b kɩt tɩ y sõorã lebg bilfu. La yãmb soayã na n lebga vɩɩdo.

A Amoose 7:2

B sẽn wa n dɩt tẽngã moodã zãnga wakate, mam yeelame: Zu-soab a Wẽnnaam, m yõkd-y-la sɛɛga, tɩ y kõ y nebã sugri! A Zakoob yagensã na n maana wãn n põse? Bãmb sõorã ka waoog ye.

A Matiye Sõng 24:22

La da-kãens sõorã sã n dag n ka boogẽ, ned baa a yembr dag n kõn põsẽ ye. La b booga da-kãens sõor nin-tũusdsã yĩnga.

Tʋʋma 8:24

A Sɩmo yeel-b lame yaa: Yãmb mens pʋʋs Zu-soabã mam yĩnga, tɩ bũmb nins yãmb sẽn yeelã ba a yembr da paam maam ye.

Yaoolem 28:62

Yãmb sẽn dag n yaa wʋsg wa yĩngr ãdsã, y na n lebga bilf bala, yãmb sẽn ka sak Sẽn-Ka-Saab sẽn yaa yãmb Wẽnnaamã koɛɛgã yĩnga.

Yaoolem 28:63

Sẽn-Ka-Saab sũur sẽn dag n yɩ noog to-to tɩ b maan yãmb neer n kɩt tɩ y lebg wʋsgã, woto me, Sẽn-Ka-Saab sũur na n leb n yɩɩ noog tɩ b menes yãmba, la b sãam-yã. Sẽn-Ka-Saab na n yiisa yãmb tẽng ning yãmb sẽn na n tɩ kẽ n soogã pʋgẽ.

Yaoolem 4:27

Sẽn-Ka-Saab na n kɩtame tɩ yãmb sãeeg n kẽ buud a taabã fãa tẽms pʋsẽ. La yãmb na n yɩɩ bilf bal buud a taab nins pʋs Sẽn-Ka-Saab sẽn na n tall yãmb n kẽngã sʋka.

Zake 5:16

Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.

1 Sãmwɛlle 12:19

Nebã fãa yeela a Sãmwɛll yaa: «Pʋʋs-y Sẽn-Ka-Saab sẽn yaa y Wẽnnaamã, tõnd sẽn yaa y tʋmtʋmdbã yĩnga, tɩ d ra ki ye. Bala, tõnd paasa d yel-wẽnã sõore, tõnd sẽn kos tɩ d rata rĩmã yĩnga.»

1 Sãmwɛlle 12:23

Mam kõn tol n bas n ka pʋʋs Sẽn-Ka-Saab yãmb yĩnga, n wa beeg bãmb ye. Mam na n zãmsa yãmb sor sẽn yaa sõama, la tɩrga.

1 Sãmwɛlle 7:8

Israyɛll nebã yeela a Sãmwɛll yaa: «Ra sĩnd f noor ye! Kelem n bool Sẽn-Ka-Saab sẽn yaa tõnd Wẽnnaamã n kõ-do, tɩ b fãag-d Filistẽ-dãmbã nugẽ.»