Zeremi 40:3 - WẼNNAAM SEBRE 2014

³ La b sɩd kɩtame t'a yɩ wa b sẽn dag n yeelã, yãmb sẽn beeg Sẽn-Ka-Saab n ka kelg bãmb noorã yĩnga. Bũmb ning b sẽn dag n yeelã n paam yãmba.

SEBR SÕNGO

³ la b sɩd waa ne-a. Soaala maana waa b sẽn da wilgi, tɩ yãmb ka kelg b goama ye. Dẽ n so tɩ yell kãnga paam yãmba.

Zeremi 40:3 Iomraidhean Croise

A Neemi 9:28

La bãmb sẽn wa n paam vʋʋsgã, bãmb leb n sɩngame n maand wẽngã yãmb taoore. Dẽ, yãmb leb n bas-b lame tɩ b bɛɛbã tõog-ba, n nams-ba. La bãmb leb n kelmame yɛs n bool yãmba, tɩ yãmb zĩnd saasẽ n wʋm b kɛlengã, la y nimbãan-zoeerã sẽn yaa kãsengã yĩnga, yãmb fãaga bãmb naoor wʋsgo.

A Neemi 9:33

Yell ning fãa sẽn paam tõndã, wilgdame tɩ yãmb yaa sɩd soaba, bala, yãmb wilgame tɩ y yaa sɩd soaba, la yaa tõnd n maan wẽnem.

Zeremi 11:17

Saasẽ-Pãng-Soabã sẽn sel yãmb a Israyɛll ne Zʋʋda nebã yetame tɩ toog na n waa yãmb zutu, wẽng ning yãmb sẽn maanã yĩnga. Yãmb yõoga wisd n kõ Baalle, n kɩt tɩ m sũurã puugi.

Zeremi 22:8

Buud wʋsg na n tũu tẽn-kãngã sɛɛgẽ n looge.» Bãmb na n sokda taaba: Bõe yĩng tɩ Sẽn-Ka-Saab maan tẽn-kãsen-kãngã a woto?

Zeremi 39:16

«Kẽng n tɩ yeel Kuus rao a Ebɛɛd-Melɛk tɩ maam a Saasẽ-Pãng-Soabã sẽn yaa Israyɛll Wẽnnaamã yetame: ‹Ade, mam na n kɩtame tɩ bũmb ning mam sẽn dag n yeel tẽn-kãngã wɛɛngẽ wã paam pidsgu, la ka na n yɩ a manegr yĩng ye, na n yɩ a sãoong yĩnga.› La daar ning sẽn yaa bõn-kãng pidsgã daarã na n yɩɩ fo nifẽ.

Zeremi 44:23

Yãmb sẽn yõog wisdã yĩnga, la y sẽn maan yel-wẽn n beeg Sẽn-Ka-Saabã yĩnga, la yãmb sẽn ka kelg Sẽn-Ka-Saabã yĩnga, la y sẽn ka sak n tũ bãmb tõogã ne b noyã la b tʋlsmã yĩng n kɩte, tɩ toog a woto paam-yã, la rẽ me n kɩt tɩ ket n yaa a woto hal tɩ ta rũndã wã.»

Zeremi 50:7

Sẽn seg-a bãmb yõgd-b lame n wãbdẽ, la b bɛɛbã rag n yetame: Tõnd ka beeg ye. La nin-bãmbã maana yel-wẽn n beeg Sẽn-Ka-Saab sẽn yaa tɩrlem soabã. Bãmb beega Sẽn-Ka-Saabo, soab ning bãmb yaab-rãmbã sẽn dag n teegã.

Kʋʋr yɩɩla 2:17

Sẽn-Ka-Saab maana bãmb sẽn dag n dat n maan bũmb ningã. Bãmb pidsa b gomdã bãmb sẽn dag n togs hal kʋdem-wẽndẽ wã. Bãmb sãamda yãmb tɩ nimbãan-zoeer kaẽ ye. Bãmb kɩtame tɩ yãmb bɛɛbã maan sũ-noog yãmb sãoongã yĩnga. Bãmb paasa yãmb namsdbã pãnga.

Rom Dãmba 2:5

La ne fo sũurã riglingã la f sũurã sẽn ka baood tekrã, fo tigsda sũ-puugr n bĩngd f meng Wẽnnaam sũ-puugrã daar yĩnga, daar ning bãmb bʋ-kaoorã sẽn zemsã sẽn na n pukã,

Rom Dãmba 3:19

Tõnd yaool n miime tɩ bũmb ning fãa tõogã sẽn yetã, a yeta neb nins fãa sẽn loe ne tõogã, tɩ noyã fãa na mume, tɩ nebã na bãng tɩ Wẽnnaam nifẽ, nebã fãa yaa bɛɛgdba.

Yaoolem 29:25

Bãmb tũu wẽnnaam-dãmb a taab bãmb sẽn dag n ka mi, n wõgemd bãmb taoore, la Sẽn-Ka-Saab yaool n dag n gɩdga bãmb tɩ b ra waoog-b ye.