Zeremi 4:7 - WẼNNAAM SEBRE 2014

⁷ Gɩgemd fão n yi a gãagẽ, sẽn sãamd-a soolem-dãmbã yi a zĩigẽ n watẽ. A na n sãama y tẽngã, a na n kɩtame tɩ y tẽmsã lebg raboodo. Ned ka na n tol n leb n zĩnd b pʋsẽ ye.› »

SEBR SÕNGO

⁷ We-naaba yi-la a tʋgrẽ, dũni wã tẽn-wãada yikame n dɩk sore; a yi-la a sẽn da sorẽ la a wat n na n zɛ-la y tẽnsã. Y tẽnsa na n lebga raboodo, ned ba a ye kõn le pa b pʋgẽ ye.

Zeremi 4:7 Iomraidhean Croise

2 Rĩm-dãmba 24:1

Yaa a Yoyakim zamaanẽ la Babilond dĩm a Nebukatnedzaar wa n na n zab ne Zʋʋda nebã. Naab a Nebukatnedzaar sooga a Yoyakim ne a nebã yʋʋm a tãabo, t'a Yoyakim yaool n na n yik n yeel t'a ka sak ye.

2 Rĩm-dãmba 25:1

A Sedesiyaas sẽn deeg a naamã tɩ yʋʋm wɛɛlẽ, kiuug piig soabã rasem piig daare, Babilond dĩm a Nebukatnedzaar yika ne a tãb-biisã fãa n zab ne Zeruzalɛm. Yẽnda tilga a tãb-sikã n gũbg tẽngã, la b tu bok n gilg-a zĩig zãnga.

A Ezayi 1:7

Yãmb tẽngã sãama zãnga. B yõoga yãmb tẽmsã bugum, sãamb wa n sãamda yãmb tẽn-gãongã y nifẽ. Yaa sãoong sẽn wẽnd sãamb sẽn wa n sãame.

A Ezayi 5:9

Ad wẽeneg ning Saasẽ-Pãng-Soabã sẽn wẽen tɩ mam wʋme: «Hakɩɩka, ro-bãmbã sẽn yaa wʋsgã na n sãamame, ned kõn leb n zĩnd ro-bɛd-bãmbã sẽn yaa neebã pʋs ye.

A Ezayi 6:11

La mam sokame yaa: «Zu-soaba, na n yɩɩ a woto hal tɩ ta dabʋre?» Bãmb leoka maam yaa: Hal tɩ ta wakat ning b sẽn na n sãam tẽmsã tɩ neb ka leb n be b pʋsẽ, la b sẽn na n sãam dotã tɩ neb ka leb n be b pʋsẽ, la b sẽn na n sãam tẽn-gãongã t'a lebg zĩ-vɩʋʋgã,

Zeremi 2:15

Gɩgem-poal yik n teedga ne bãmb n kelemdẽ. Bãmb kelemdame tɩ b koees sãta. Bãmb wata ne sãoong b tẽngã pʋgẽ. Bãmb tẽmsã rɩɩ bugum tɩ ned ka leb n be b pʋsẽ ye.

Zeremi 22:6

Ad Sẽn-Ka-Saab sẽn yet Zʋʋda na-yirã wɛɛngẽ: «Fo yaa neer wa Galaad ne Libã tãngã. Mam yaool n na n kɩtame tɩ f lebg we-raoogo, la m kɩt tɩ f lebg tẽng ned sẽn ka leb n be a pʋgẽ ye.

Zeremi 22:7

Mam yãka sãamdb tɩ b wat n na n zab ne-yã. Bãmb ned kam fãa zãada a zab-teoogo. Bãmb na n kɛɛ yãmb sɛɛdr tɩɩs nins sẽn ya-b neeb n yɩɩdã n yõog bugum.

Zeremi 25:38

Sẽn-Ka-Saab basa bãmb tẽngã, wa gɩgem-poll sẽn bas a gãag zĩiga. Bala, Sẽn-Ka-Saab sũ-yikrã sẽn wat ne sãoongã yĩnga, bãmb sũ-puug-kãsengã kɩtame tɩ b tẽngã lebg zĩ-vɩʋʋgo.»

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 26:9

Bõe yĩng tɩ fo togsd pĩnd-n-bãngr goam ne Sẽn-Ka-Saab yʋʋre, n yetẽ tɩ ro-kãngã na n yɩɩ wa Sɩlo, tɩ la tẽn-kãngã na n lebga raboog tɩ ned ka leb n zĩnd a pʋgẽ?» Dẽ, nebã fãa gũbga a Zeremi Sẽn-Ka-Saab roogã pʋgẽ.

Zeremi 27:8

Buud wall soolem sã n yeel t'a ka sak t'a Nebukatnedzaar soog-a, mam na n sɩbga bu-kãng ne zabr sʋʋga, la ne kom la bã-longdse. Mam na n sãam-a-la zãng ne mam mengã nugu. Maam a Sẽn-Ka-Saab n yeele.

Zeremi 33:10

Maam a Sẽn-Ka-Saab yetame: «Yãmb yetame tɩ zĩ-kãngã yaa vɩʋʋgo, tɩ ned wall rũng ka leb n be beenẽ ye. Zʋʋda tẽmsã pʋse, ne Zeruzalɛm soayã sẽn yaa vɩɩdã zutu, b na n leb n wʋma

Zeremi 34:22

Mam na n kõo noor tɩ b lebg n wa tẽn-kãngã pʋgẽ, n zab n deeg-a, n ning-a bugum. Mam na n kɩtame tɩ Zʋʋda tẽmsã lebg raboogo, tɩ ned ka leb n zĩnd beenẽ yɛs ye. Maam a Sẽn-Ka-Saab n yeele.› »

Zeremi 4:29

Sɩyõ nebã sẽn wʋm saar-dãmbã ne tãb-tãoodbã rãamdã, b fãa zoeeme. B zoe n tɩ soonda tuudẽ, b zoe n tɩ rʋʋ pĩis zutu. Tẽmsã lebga vɩɩdo, ned ka leb n be b pʋsẽ ye.

Zeremi 44:2

Ade, maam a Saasẽ-Pãng-Soabã sẽn yaa Israyɛll Wẽnnaamã yetame: Yãmb yãnda mam sẽn kɩt tɩ tood nins fãa paam Zeruzalɛm ne Zʋʋda soolem tẽmsã fãa wã. Tẽn-bãmb lebga raboodo, tɩ ned ka leb n be beenẽ ye.

Zeremi 46:18

Maam a rĩm ning yʋʋr sẽn boond tɩ Saasẽ-Pãng-Soabã yetame: «Bɛ wã waoong ka na n vaal ye. Na n yɩɩ wa Taboor tãngã sẽn be tãms a taabã sʋkã, la wa Karmell tãngã sẽn zẽk n tʋʋg ko-kãsengã!

Zeremi 49:19

Mam na n waa wa gɩgemd sẽn yit Zʋrdẽ kʋɩlgã noor weoogã pʋgẽ, n dig Edom nebã tɩ b fão n yi n bas b tẽngã wakat-yɛng pʋgẽ. La mam na n kɩtame tɩ m sẽn yãk-a soabã soog Edom. Bala, ãnda soab n zem maam? Ãnda soab n tar noor ne maam? La na-bʋg n tõe n yals mam taoore?

Zeremi 5:6

Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

Zeremi 50:17

Israyɛll yaa wa pe-menemdg gɩgmã sẽn digi. Sẽn yɩ-a pipi n wãb yẽnda yaa Asiiri rĩmã, la sẽn yɩ-a yaoolem n kao yẽnda kõabã yaa Babilond dĩm a Nebukatnedzaare.

Zeremi 50:44

Mam na n waa wa gɩgemd sẽn yit Zʋrdẽ kʋɩlgã noor kãgrã pʋgẽ, n dig Babilond nebã tɩ b fão n yi n bas b tẽngã wakat-yɛng pʋgẽ. La mam na n kɩtame tɩ m sẽn yãk-a soabã soog Babilonde. Bala, ãnda soab n zem maam? Ãnda soab n na sok maam tɩ bõe la m maanda? La na-bʋg n tõe n yals mam taoore?

Zeremi 8:16

Tõnd wʋmda d bɛɛbã wiidi sɛsg Dan sẽnẽ. B wed-raadã sã n kelme, tẽn-gãongã fãa rigimdidame. Bãmb watame n na n sãam tẽngã ne bũmb nins fãa sẽn be a pʋgẽ wã, la tẽngã nebã fãa.»

Zeremi 9:11

Ãnda soab n tar yam n tõe wʋm bõn-kãensã võore? Bɩ Sẽn-Ka-Saab sẽn kõ ned ning bõn-kãens bilgrã togse. Bõe yĩng tɩ tẽngã sãame, n lebg wa we-raoog sẽn dɩ bugum tɩ ned ka leb n tũud be n loogdẽ?

Ezekiyɛl 12:20

Tẽms nins neb sẽn be b pʋsẽ wã na n lebga raboodo, la tẽngã na n sãamame. Woto, yãmb na bãng tɩ mam yaa Sẽn-Ka-Saabo.»

Ezekiyɛl 21:31

Zu-soab a Sẽn-Ka-Saab yetame: «Yãk a zug peen-vindgã, fõk a naam maanfã. Bũmbã fãa na n tekame! Sẽn zẽkã na n paama sikri, la sẽn sikã na n paama zẽkre.

Ezekiyɛl 32:2

«Ninsaala, pʋd sũ-sãang yɩɩll Faarõ sẽn yaa Ezɩpt rĩmã yĩng n yeel yaa: ‹Fo bee bu-zẽmsã sʋk wa gɩgem-polle, la fo yaa wa wag-bɛɛg sẽn be ko-kãsemsã pʋse, fo rag n be f kʋɩlsã pʋs n lisd n pukdẽ, fo naoã rag n bendgda koomã, fo rag n dãmbda b ko-wĩisã.›

A Dãniyɛlle 5:19

La Wẽnnaam sẽn dag n zẽk bãmb tɩ b lebg rĩm-kãsengã yĩng kɩtame, tɩ buudã fãa, ne soolem toay-toayã fãa, ne nebã buud fãa sẽn gomd goam buud toor-toorã rigd bãmb taoor ne rabeem. Rĩm a Nebukatnedzaar dag n kʋʋda a sẽn dat-a soaba, la a basd a sẽn dat-a soaba. Bãmb dag n zẽkda b sẽn dat-a soaba, la b sikd b sẽn dat-a soaba.

A Dãniyɛlle 7:4

Pipi rũngã ra wẽnda wa gɩgemde, la a rag n tara sɩlg pɩgsa. La mam sẽn ket n getẽ, mam yã b sẽn võ a pɩgsã. La b yik-a lame n yals yĩngr a naoã zutu, wa ninsaal sẽn yas to-to wã, la b kõo yẽnda ninsaal yam.

Maan‑kʋʋre 26:31

Mam na n kɩtame tɩ yãmb tẽmsã lebg raboodo, la mam na n sãeega y pʋʋsgã zĩisi, la m ka na n leb n kok-y maandã yũ-noogã ye.

Maan‑kʋʋre 26:33

Mam na n sãeega yãmb n kẽes buud a taabã sʋka, n kɩt tɩ b rig yãmb ne zabr sʋʋga. Yãmb soolmã na n wãame, tɩ y tẽmsã lebg raboodo.