Zeremi 4:5 - WẼNNAAM SEBRE 2014

⁵ «Moon-y Zʋʋda nebã koe-kãngã la y kɩt tɩ Zeruzalɛm nebã wʋme. Peeb-y baorg tẽngã pʋgẽ, zẽk-y y koees n yeel nebã yaa: ‹Zoe-y n tɩ tigm-y tẽms nins sẽn gũbg ne lalsã pʋsẽ!

SEBR SÕNGO

⁵ Wẽ-y kũnga, a Zɩɩda yĩnga, tãs-y koɛɛg, Zerizalɛɛm yĩnga Peeb-y baorg tẽnga fãa pʋgẽ, tãs-y ne y koɛɛg pãng tɛka. Wilg-y tɩ b wa tigim tãnsoben-dotẽ,

Zeremi 4:5 Iomraidhean Croise

A Ezayi 28:19

A sẽn na n pɩʋʋg wakat ning fãa, a na n kãaga yãmba. Bala, a na n pɩʋʋga yibeoog fãa, la ne wĩndg la yʋngo, la a bʋrgã bal na n kẽesa rabeem.

Zeremi 11:2

«Kelg kaool-kãngã goamã, n dɩk-b n taas Zʋʋda ne Zeruzalɛm nebã!»

Zeremi 35:11

Babilond dĩm a Nebukatnedzaar sẽn wa n yãmb tẽn-kãngã wã, tõnd yãka yam n na n zoe n kẽng Zeruzalɛm, sẽn na yɩl n põs Babilond ne Siiri tãb-biisã! Yaa rẽ n kɩt tɩ tõnd be Zeruzalɛm.

Zeremi 5:20

Togs-y-yã a Zakoob buudã koe-kãngã, la y taas-a Zʋʋda nebã. Yeel-b tɩ maam a Sẽn-Ka-Saab yetame yaa:

Zeremi 6:1

Benzame buudu, zoe-y n yi-y Zeruzalɛm! Tɩ bao-y zĩig n soonde! Peeb-y baorg Tekoa. Zẽk-y tãb-kaoor Bet-Hakerɛm pʋgẽ! Bala, toog yita wĩndg sẽn lʋɩtẽ dɩtg n watẽ, na n yɩɩ sãoon-kãsenga!

Zeremi 8:14

Nebã yeelame: «Yaa bõe tɩ d zĩ zaalem? Wa-y tɩ d lagem taab n yik n kẽng tẽms nins sẽn gũbg ne lalsã n tɩ kẽ be n ki, bala Sẽn-Ka-Saab sẽn yaa tõnd Wẽnnaamã na n kɩtame tɩ tõnd ki. Bãmb yũnuga tõnd koom sẽn tar zẽnem, tõnd sẽn beeg bãmbã yĩnga.

Zeremi 9:12

La Sẽn-Ka-Saab yeela maam yaa: «Yaa bãmb sẽn bas m tõog ning mam sẽn kõ bãmba, n ka kelg m noorã yĩnga.

Ezekiyɛl 7:14

B peebda baorgo, b segl n sɛɛme, la ned ba a yembr ka kẽnd zabr ye. Bala, mam sũ-puug-kãsengã yika ne tẽngã arzegs fãa.

A Ooze 8:1

Rɩk f baorg n peebe. Sɩlg n laand Sẽn-Ka-Saab roogã zugu, bala bãmb kɩɩsa mam kaoolã la b kɩɩsa mam tõogã.

A Zowɛlle 2:1

Peeb-y baorg Sɩyõ! Kelm-y mam tãn-sõngã zugu. Bɩ tẽngã nebã fãa rig ne rabeem! Bala, Sẽn-Ka-Saab daarã watame, la a taame n sɛ.

A Amoose 3:6

Kũng na wẽ tẽng pʋgẽ tɩ neb pɛleng ka yɩke? Yel-beed tõe n paama tẽng tɩ Sẽn-Ka-Saab zɩ tiiri?

A Amoose 3:8

Gɩgemd sã n kelme, ãndã n ka na n yɛɛse? Wẽnnaam Sẽn-Ka-Saab sã n gome, ãnda soab n tõe n ka togs bãmb koɛɛgã?

Sõadga 10:2

«Kɩt tɩ b maan tãntãad a yiib ne wanzuri yeyn-yeyn. Dẽ, y sã n wa rat tɩ nebã tigme, yaa bãmb la yãmb na n peebe. La y sã n wa rat tɩ nebã yik me, leb n yaa bãmb la y peebda.

Sõadga 10:3

La tãntãad a yiibã sã n wa naag taab n peebe, bɩ nebã fãa wa tigim taab fo taoor sɛk roogã noore.

Zozuwe 10:20

A Zozoe ne Israyɛll nebã zaba ne pãng hal n tõog n kʋ-b zãnga. La ned ka kell ye. Yaa neb kẽer sẽn zoe n paam n tɩ kẽ tẽms sẽn gũbg ne lalsã pʋgã bal n põse.