Zeremi 4:4 - WẼNNAAM SEBRE 2014

⁴ Zʋʋda ne Zeruzalɛm nebã, Kẽes-y y mens bãong Sẽn-Ka-Saab yĩnga, la y yiis y sũurã rẽgdã, tɩ m sũurã ra wa n puug n wɩng wa bugum, n dɩ yãmb y tʋʋm-wẽnsã yĩnga, tɩ ned ka be n na n kiis-a ye.»

SEBR SÕNGO

⁴ Ade, sã n yaa mam yĩnga la y zãag y sũura ne a rẽgdã, Zɩɩda rãmba, Zerizalɛɛm kẽedba, bɩ y kell n dɩk y mens n kõ maam. Y ka maan boto, y tʋʋm yooda yĩnga, m sũura na n widga wa bugum, bugum sẽn pa tõe n kiisi, bugum sẽn na n dɩ-y zãnga.

Zeremi 4:4 Iomraidhean Croise

2 Kibayã 34:25

La yaa bãmb sẽn bas maam n yõog wisd n kõ wẽn-naandsã yĩnga, la b maan tʋʋm-wẽns buud fãa n beeg maamã yĩng n kɩt tɩ mam sũurã yik ne tẽn-kãngã, n ka na n tol n sig ye.»

A Ezayi 10:17

Israyɛll vẽenemã na n lebga bugum, tɩ yẽnda Pʋ-Peelem Soabã lebg bug-witim, n dɩ Asiiri gõosã ne a gõpayãndsã n sãam-b zãng daar a yembr pʋgẽ.

A Ezayi 30:33

Bala, b zoe n segla wʋngã n sɛ. B vigla wʋngã rĩmã yĩnga, wʋngã zulmame, a yalmame. Yẽnda wʋngã pida ne bugum la raad wʋsgo. Sẽn-Ka-Saab vʋʋsmã rɩt-a-la wa kidbr ko-soogo.

A Ezayi 51:17

Zeruzalɛm, neke, bɩ f nek n yiki! Fo yũu Sẽn-Ka-Saab sũ-puugr dãamã sẽn be b nugẽ wã, fo yũ-a lame n tãag wamdã sɛɛga, tɩ f neng yilimdẽ!

Zeremi 15:14

Mam na n kɩtame tɩ y lebg y bɛɛbã yembse, tẽng yãmb sẽn ka mi pʋgẽ. Bala, mam sũurã na n puuga hal wʋsgo, n dɩ yãmb wa bugum.»

Zeremi 21:12

A Davɩɩd yagense, Sẽn-Ka-Saab yetame: Bʋ-y bʋʋdã tɩrg yibeoog fãa. Fãag-y b sẽn fãad a soabã namsdã nugẽ, tɩ y tʋʋm-wẽnsã ra wa kɩt tɩ m sũurã yik wa bugum, tɩ ned ka be sẽn na n kiis-a ye.

Zeremi 21:5

La mam mengã n na n tẽeg m nug sẽn tar pãngã n zab ne yãmb ne sũ-yikri, la sũ-puugri ne sũ-kãbr wʋsgo.

Zeremi 23:19

Ade, yaa Sẽn-Ka-Saab sobg n fugdi. Yaa sũ-puug-kãsenga, a bee nin-wẽnsã zut n gõnemdẽ.

Zeremi 36:7

Daarninga, b se-yõkrã na n taa Sẽn-Ka-Saab taoore, la b na n basa b manesem-wẽnsã. Bala, Sẽn-Ka-Saab sũ-yikrã ne b sũ-puugrã yaa kãseng nin-kãensã yĩnga.»

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Zeremi 9:25

Yaa Ezɩpt ne Zʋʋda la Edom ne Amo nebã, la Moaab ne we-raoogã neb nins sẽn kõogd b yɛɛmã. Bala, buud toay-toayã fãa ka kẽ bãong ye, la Israyɛll buudã fãa sũyã ka kẽ bãong ye.»

Kʋʋr yɩɩla 4:11

Sẽn-Ka-Saab basame tɩ b sũurã fudg n tãag a tɛka. Bãmb kiiga b sũ-puugrã tʋʋlem n widg bugum Sɩyõ tẽngã pʋgẽ, tɩ bugmã rɩ a yẽbgrã fãa zãnga.

Ezekiyɛl 16:38

Mam na n kaoo fo bʋʋd wa b sẽn kaood pʋg-yoaadbã, ne pagb nins sẽn daagd-b zɩɩmã bʋʋdo. La mam na n daaga fo zɩɩm, m sũ-yikrã ne m sũ-kiirã pʋga.

Ezekiyɛl 18:31

Zãag-y mens ne kɩɩsg nins fãa y sẽn kɩɩsã. Palm-y y sũyã, la y paam yam-paalga. Israyɛll buudu, bõe yĩng tɩ y na n ki?

Ezekiyɛl 20:33

Maam a Zu-soab a Sẽn-Ka-Saab sẽn vɩ wã wẽendame n yetẽ, hakɩɩka, mam na n sooga yãmb ne pãnga, la m tẽeg m nugã n sɩbg-y ne sũ-yikri.

Ezekiyɛl 21:17

Ninsaala, yãb n wiisi. Bala, b wõoga sʋʋgã n na n sɩbg m nebã. B wõog-a lame n na n sɩbg Israyɛll nanambsã fãa. B naaga bãmb ne m nebã n kʋ ne sʋʋgã. Dẽ yĩngã, bɩ f pĩis f ger ne sũ-sãanga.

Ezekiyɛl 24:13

Zeruzalɛm, fo rẽgdã pʋga, yãn-tʋʋm n be beenẽ. Mam dag n dat n yɩlga foom, la fo sẽn kell n ka lebg yɩlemdã, fo kõn leb n paam f rẽgdã yɩlgre, hal tɩ mam wa sik m sũ-puugrã fo zugu.

Ezekiyɛl 24:8

Mam sũ-yikrã pʋga, mam doka m sũur n daag yẽnda zɩɩm pĩig zug tɩ b ra tõog n bus-a ye.»

Ezekiyɛl 44:7

Yãmb basame tɩ sãamb sẽn ka sakd maam, la sẽn ka kẽ bãong kẽed mam zĩig ning sẽn welg toorã pʋgẽ, n dẽgemd mam doogã. Wakat ning y sẽn wat ne mam burã ne nem-kaamã, la ne zɩɩmã, yãmb sãama m kaoolã, n maand y yel-beedã fãa.

Ezekiyɛl 6:12

Sẽn be-a zĩ-zãrgẽ na n kii ne bã-loangdga, la sẽn pẽ-a na n kii ne zabr sʋʋga, la sẽn na n põs-a n ka ki, kom n na n kʋ-a. Mam na n basame tɩ m sũ-puugrã maan a tʋʋmd ne bãmb n tãag a tɛka.

Ezekiyɛl 8:18

Mam na n sɩbg-b-la ne sũ-puugri. Mam ka na n zoe bãmb nimbãanega, la m ka na bas bãmb ned ba a yembr t'a põs ye. Bãmb sã n wa zẽk b koees n kelem n bool maam, mam ka na n kelg-b ye.»

Maan‑kʋʋre 26:28

mam me na n basa yãmb ne sũ-puugri, la yãmb yel-wẽnã yĩnga, mam na n sɩbga yãmb naoor a yopoe n yɩɩda.

Maan‑kʋʋre 26:41

Yaa rẽ tɩ mam me bas-b n tall-b n tɩ kẽes b bɛɛbã tẽngẽ. Woto, bãmb kɩɩsgã yĩnga, b na n paama paoogre, n deeg b kongrã yaood sẽn yaa sɩbgre.

A Amoose 5:6

Bao-y Sẽn-Ka-Saab n paam n vɩɩmde, tɩ b ra wa kɩt tɩ bugum dɩ a Zozɛf buudã, n sãam-a zãnga, tɩ Betɛll ned ba a ye ka tõog n kiis-a ye.

Sofoni 2:2

sẽn deng yam-yãkrã daar sẽn na n wa ling yãmbã, sẽn deng daarã sẽn na n wa loog wa sobg sẽn dɩkd wudgu, la sẽn deng Sẽn-Ka-Saab sũ-puug-kãsengã daar sẽn na n wa sig yãmb zugã, ne sẽn deng Sẽn-Ka-Saab sũ-puugrã daar sẽn na n wa sig yãmb zugã!

Rom Dãmba 2:25

Sɩda, bãong yaa bũmb sẽn be yõodo, fo sã n sakda tõogã. La fo sã n kɩɩs tõogã, fo bãongã lebga moonem bala.

Yaoolem 10:16

Bao-y yam sõama n kõ y mense, la y ra yɩ tõatb ye.

Yaoolem 30:6

Sẽn-Ka-Saab sẽn yaa yãmb Wẽnnaamã na n teka yãmb ne y yagensã sũy tɩ y nong Sẽn-Ka-Saab sẽn yaa yãmb Wẽnnaamã ne y sũyã fãa, la ne y yamã fãa n tõog n vɩɩmde.

Yaoolem 32:22

Bala, mam sũ-puugrã bugum widgame. A na n dɩɩme hal n ta kɩɩm-kulgu. A na n dɩɩ tẽngã ne a koodã fãa. A na n dɩɩ n tãaga tãmsã yẽbgrẽ.

Kolos Rãmba 2:11

Bãmb pʋgẽ me, b kẽesa yãmb bãongo, la ka bãong sẽn kẽes ne ninsaalb nus ye, rat n togs tɩ yaa Kiris bãong sẽn kɩt tɩ yãmb bas y yĩngã ratmã.