Zeremi 4:26 - WẼNNAAM SEBRE 2014

²⁶ Mam gesame la ade, zĩig ning sẽn dag n tar tɩɩsã lebga zĩ-peen-daaga. La Sẽn-Ka-Saab sũ-puugrã yĩnga, zĩ-kãng tẽmsã fãa sãamame.

SEBR SÕNGO

²⁶ Mam gesame: tẽnga sẽn da bĩm wa zẽedã lebga zĩ-peen-daaga, tẽn bɛda fãa lebga raboodo. La rẽ yaa Soaala-Wẽnd tʋʋmde, yaa b sũ-fõora tʋʋmde.

Zeremi 4:26 Iomraidhean Croise

Yɩɩn‑sõamyã 107:34

Bãmb n leb n tõe tɩ zĩig ning sẽn sakd bɩle lebg ware, b tẽngã nebã wẽnemã yĩnga.

Yɩɩn‑sõamyã 76:7

A Zakoob Wẽnnaamã sẽn tãsã, wed-rʋʋdbã ne wiidã fãa kii kɩɩmde.

Zeremi 12:13

Bãmb dag n bʋda bɩle, la b na n kẽeba gõose. B namsa b meng zaalem bala, Yãmb koodã yãnd tar-y lame, Sẽn-Ka-Saab sũ-puug-kãsengã yĩnga.

Zeremi 12:4

Warã na n zĩnda tẽngã pʋg hal tɩ ta dabʋre? Pʋtã mood na n kʋɩta a woto hal tɩ ta dabʋre? Rũmsã ne bõn-yɩgdɩ wã kiime, tẽn-kãng nebã sẽn maan wẽng n yeel tɩ Wẽnnaam ka na n yãnd b manesmã yĩnga.

Zeremi 25:11

Tẽn-kãngã fãa na n lebga raboogo, zĩ-vɩʋʋgo, la b na n yõga bu-kãensã n tɩ kẽes yembd Babilond yʋʋm pis-yopoe.

Zeremi 7:34

Mam na n kɩtame tɩ kɩdeng ne sũ-noog yɩɩla, la pʋg-paal ne pʋg-paal sɩd yɩɩl sɛ Zʋʋda soolem tẽmsã pʋse, ne Zeruzalɛm soayã zutu: tẽngã na n lebga vɩʋʋgo.»

Zeremi 9:10

Mam na n kɩtame tɩ Zeruzalɛm lebg kug-rʋre, la we-baas yiri. Mam na n kɩtame tɩ Zʋʋda tẽmsã lebg zĩ-vɩɩdo, tɩ ned ka leb n zĩnd beenẽ yɛs ye.

Kʋʋr yɩɩla 2:7

Sẽn-Ka-Saab yam yii ne bãmb tẽn-kugrã, bãmb ka leb n nand bãmb sɛk-zĩigã. Bãmb dɩka Sɩyõ na-yirã lalsã n bas ne bɛyã. Kelems yika Sẽn-Ka-Saab roog pʋgẽ wa tigr daare.

Maan‑kʋʋre 26:31

Mam na n kɩtame tɩ yãmb tẽmsã lebg raboodo, la mam na n sãeega y pʋʋsgã zĩisi, la m ka na n leb n kok-y maandã yũ-noogã ye.

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.

Sofoni 1:18

Bãmb wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Sẽn-Ka-Saab sũ-yikrã bugum na n dɩɩ dũniyã fãa, bala, na n yɩɩ to-kãseng daare, la Sẽn-Ka-Saab na n sãama dũniyã nebã zãnga.