Zeremi 4:22 - WẼNNAAM SEBRE 2014

²² Sẽn-Ka-Saab yetame: «Sɩd-sɩdã, mam nebã ka tar yam ye. Bãmb ka mi maam ye. Bãmb yaa yalemba, b ka tar bãngr ye. Bãmb sẽn mi yaa wẽng maaneg bala, b ka tol n mi neer maaneg ye.»

SEBR SÕNGO

²² M buuda yaa yalma, m buuda ka mi maam ye.» Yaa Soaalã n gomde. Yaa yãas sẽn ka tar yam ye, b ka wʋmd bũmb ye. B sẽn mi la b sẽn tõe yaa wẽng maaneg bala. Sã n ya maan neerã, b ka mi la b ka tõe fɩ.

Zeremi 4:22 Iomraidhean Croise

Sɩngrẽ 39:16

La pagã bĩnga fuugã a nengẽ, hal t'a Zozɛf soaalã lebg n wa yiri.

2 Sãmwɛlle 13:3

A Amno rag n tara a zoa t'a yʋʋr boondẽ t'a Yonadaabe. A Yonadaab rag n yaa a Davɩɩd kẽem a Simeya biiga, la a rag n tara sɩlem wʋsgo.

Yɩɩn‑sõamyã 36:3

Yẽnda belgda a menga, n ka sakd n deeg a kongr n kisg-a ye.

Yɩɩn‑sõamyã 36:4

Yẽnda noorã goam yaa wẽng la zãmbo. Yẽnda zãgsa sẽn yaa sõama, n ka rat n maan neer ye.

Yɩɩn‑sõamyã 53:4

Bãmb fãa bʋdgame n dɩk wẽng sore. Bãmb ned ba a yembr ka be n maand neer ye. Nin-yɛng meng ka be ye.

Yɩɩn‑sõamyã 82:5

Bãmb ka tar bãngre, b ka tar yam ye. Bãmb kẽnda lik bida pʋgẽ. La tẽn-gãongã yẽbgr fãa rigimdame.

Yelbũna 28:5

Nin-wẽns ka wʋmd no-tũudr võor ye. La sẽn baood-b Sẽn-Ka-Saabã wʋmda a fãa võore.

A Ezayi 1:3

Naaf mi a soaala, la bõang mii zĩig ning yẽnda soaalã sẽn ningd yẽnda rɩɩbã. La Israyɛll ka mi baa fɩ ye, mam nebã yaa tʋb-pa-wʋmdba.

A Ezayi 27:11

Wilã sã n kʋɩ, b kaood-b lame. La pagbã wat n ning-b-la bugum. Bala, bãmb yaa neb sẽn ka mi võor ye. Rẽ kɩtame tɩ b naandã ka zoe bãmb nimbãaneg ye. Sẽn naan-a bãmbã ka paam nimbãan-zoeer b yĩng ye.

Zeremi 10:8

Bãmb fãa yaa yalemb la zɩtba. Bãmb bõn-naandsã yaa raad bala, b ka tõe n wilg ned bũmb ye!

Zeremi 13:23

Kuus ned tõe n teka a yĩn-gãong bɩ? Ãbg tõe n teka a kõbg bɩ? Woto sã n dag n tõeẽ, rẽnd yãmb sẽn minim wẽngã maanegã, y ka tõe n maan neere?

Zeremi 2:8

Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 4:21

Mam na n yãta tãb-kaoore, la m wʋmd baorg peebg hal tɩ ta dabʋre?

Zeremi 5:21

«Kelg-y-yã! Yalemb sẽn ka tar bãngre, yãmb tara nini, la y ka ne ye. Yãmb tara tʋba, la y ka wʋmd ye.»

Zeremi 5:4

Mam dag n yetame tɩ b yaa naong rãmb bala. Bãmb maanda wa neb sẽn ka tar yam. Bãmb ka mi Sẽn-Ka-Saab raabã, la b ka mi b Wẽnnaamã tɩrlem bʋ-kaoorã ye.

Zeremi 9:2

Bãmb rõnega b zɛlmã wa tãpo, n yagd zĩrẽ. Bãmb sẽn tar pãng tẽngã pʋgẽ wã ka sɩd la b maand ye. Bãmb tʋʋmd yaa wẽng woo wẽng maanego, la bãmb ka mi maam ye. Maam a Sẽn-Ka-Saab n yeele.

Zeremi 9:3

Bɩ ned kam fãa gũus a meng ne a to, la bɩ ned ra leb n tẽ a saam-biis me ye. Bala, neb maanda zãmb n belgd b saam-biisi, la zoa kãnegda neb ne taaba.

Zeremi 9:5

Bãmb tʋʋmd yaa zãmbg woo zãmbgo. Bãmb maanda zãmb n ka rat n leb n bãng maam ye. Maam a Sẽn-Ka-Saab n yeele.

Ezekiyɛl 16:30

«Fo sẽn maan bõn-kãensã sẽn yaa pʋg-yood-kãseng tʋʋmdã, fo ka võor ye! Maam a Zu-soab a Sẽn-Ka-Saab n yeele.

A Ooze 4:1

Israyɛll nebã, kelg-y Sẽn-Ka-Saab koɛɛga! Sẽn-Ka-Saab tara yell ne tẽngã nebã, bala, sɩd ne maan-neere, la Wẽnnaam bãngr ka be tẽngã pʋgẽ ye.

A Ooze 4:6

Mam nebã sãamdame, bãngr kaalem yĩnga. Fo sẽn zãgs bãngrã yĩnga, mam me na n zãgsa foom, tɩ f ka leb n yɩ maan-kʋʋd yɛs ye. Fo sẽn yĩm f Wẽnnaamã tõogã yĩnga, mam me na n yĩma f kambã yelle.

A Ooze 5:4

A Israyɛll nebã manesem kɩtame, tɩ b ka tõe n lebg n wa b Wẽnnaamã nengẽ ye, bala yoobã sɩɩg kẽ-b lame, b sẽn ka mi Wẽnnaamã yĩnga.

A Amoose 3:10

Sẽn-Ka-Saab yetame: Bãmb ka mi tɩ maan sɩd ye, bãmb pidsda b pãng zĩisã ne paoong b sẽn deeg ne pãnga.

A Miise 2:1

Toog bee neb nins sẽn tagsd n dat n maan wẽngã zutu. Bãmb gãe b gãagẽ n saagd wẽnga, tɩ beoog sã n vẽeg bɩ b pids-a, bãmb sẽn tar pãn-tõog n tõe n pids-a wã yĩnga.

A Miise 7:3

Bãmb sẽn mi yaa wẽng maaneg bala. Naab ka maand neer tɩ b ka reeg bũmb ye, Bʋ-kaoodã ka kaood bʋʋd t'a ka reeg kũun ye, Nin-kãsemsã wilgda b yão-beedã, la b naagd taab n tʋmd b tʋʋm-beedo.

A Luk Sõng 16:8

La a zu-soaba pẽga a tʋʋmã taoor soab sẽn ka tɩrgã, a sẽn maan yamã yĩnga. Bala, dũni‑kãnga neb maanda yam ne taaba, n yɩɩd vẽenem kambã.

A Zã Sõng 16:3

B na n maana a woto, bala, b ka bãng m ba, wall maam ye.

Rom Dãmba 1:22

Bãmb wukda b mens n yet tɩ b yaa yam dãmbã, la b lebga yalemba.

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye.

Rom Dãmba 16:19

Sã n yaa ne yãmba, nebã fãa mii yãmb sakrã yelle. Mam sũur nooma ne yãmb yellã, la mam nongame tɩ yãmb bãng yam ne bũmb nins sẽn yaa sõama, la y yɩ yɩlma n da maand wẽng ye.

Rom Dãmba 3:11

Ned baa a yembr yam ka weke, baa a yembr ka baood Wẽnnaam ye. Neba fãa menemame, n naag taab n lebg ka-barka.

1 Korẽnt rãmba 14:20

Sã n yaa ne tagsg wɛɛngẽ, bɩ y da yɩ wa kamb ye. Yɩ-y wa kamb wẽng maaneg wɛɛngẽ, la wa raop sẽn bɩ, tagsgã wɛɛngẽ.

Yaoolem 32:28

Bala, bãmb yaa buud sẽn ka tar saagr ye. Bãmb ka mi baa fɩ ye.

Yaoolem 32:6

Yaa woto la yãmb lebsd Sẽn-Ka-Saabo? Buud sẽn yaa yalemb n ka tar yam, ka bãmb n yaa y ba n naan yãmb la? Ka bãmb n naan yãmb la b zĩndg yãmb tẽng zug la?