Zeremi 4:16 - WẼNNAAM SEBRE 2014

¹⁶ Keoog-y buud toay-toayã, la y moon n togs Zeruzalɛm nebã yaa: «Bɛɛb n yi tẽn-zãrgẽ n watẽ. Bãmb zẽkda b koees n tãsd Zʋʋda soolem tẽmsã.

SEBR SÕNGO

¹⁶ Wilg-y tẽnga rãmba, wilg-y Zerizalɛɛm dãmba, wilg-y-b tɩ bɛɛba kolgdame la b yii tẽn-zãorgẽ n watẽ, la b teesa Zɩɩda n kelemd b zabr kɛlenga.

Zeremi 4:16 Iomraidhean Croise

A Ezayi 34:1

Buud toay-toayã, kolg-y n kelg-y-yã! Neba, yok-y y tʋb n kelge! Bɩ tẽngã ne bũmb ning fãa sẽn be a pʋgẽ wã kelge, la bɩ dũniyã ne bũmb ning fãa sẽn yit yẽnda pʋgẽ wã kelge!

A Ezayi 39:3

Dẽ, Wẽnnaam no-rɛɛs a Ezayi waa rĩm a Ezekɩyaas nengẽ n wa yeel-a yaa: «Nin-bãmbã wa n yeelame tɩ bõe? La b yii yɛɛnẽ?» A Ezekɩyaas leokame yaa: «Bãmb yii tẽn-zãrga, b yii Babilond soolmẽ wã n wa n na n yãnd maam.»

Zeremi 1:15

Maam a Sẽn-Ka-Saab yetame: Ade, mam na n boola buud toay-toayã sẽn be wĩndg sẽn lʋɩtẽ dɩtg soolem-dãmbã pʋgẽ wã. Bãmb na n waame, la b rĩm-dãmbã ned kam fãa na n vigla a naam geer Zeruzalɛm tẽngã rignoyẽ. B na n gũbga a lalgã ne Zʋʋda tẽms a taabã fãa.

Zeremi 16:6

Nanambs ne nin-tals na n kii tẽn-kãngã pʋga, la b ka na n mum bãmb wall b yãb b yĩng ye. Ned ka na n bog a menga, wall a põng a zug a yĩng ye.

Zeremi 2:15

Gɩgem-poal yik n teedga ne bãmb n kelemdẽ. Bãmb kelemdame tɩ b koees sãta. Bãmb wata ne sãoong b tẽngã pʋgẽ. Bãmb tẽmsã rɩɩ bugum tɩ ned ka leb n be b pʋsẽ ye.

Zeremi 31:10

Buud toay-toayã fãa, kelg-y Sẽn-Ka-Saab goamã, la y moon-a tẽn-zãrsã sẽn be koom sʋkã nebã n yeele: «Soab ning sẽn sãeeg-a Israyɛll nebã na n lebg n tigim-b lame, la b na n gũu Israyɛll nebã wa pe-kɩɩm sẽn gũud a piisi.

Zeremi 39:1

Zʋʋda rĩm a Sedesiyaas sẽn deeg a naamã tɩ yʋʋm-wɛɛlẽ, yʋʋmdã kiuug piig soabã pʋgẽ, Babilond dĩm a Nebukatnedzaar waa Zeruzalɛm ne a tãb-biisã fãa, n gũbg-a n na n zab ne-a.

Zeremi 4:17

B na n gũbga Zeruzalɛm wa gũudb sẽn gũbg pʋʋgo, b sẽn kɩɩs maam a Sẽn-Ka-Saab yĩnga. Maam a Sẽn-Ka-Saab n yeele.

Zeremi 5:15

Maam a Sẽn-Ka-Saab yetame: «Israyɛll nebã, ade, mam na n kɩtame tɩ buud sẽn yit zĩ-zãrgẽ wa zab ne-yã. Yaa buud sẽn tar pãng hal kʋdem-wẽndẽ. Yãmb ka mi b buudã sẽn gomd gomd ning ye, yãmb ka na n wʋm b sẽn gomdã võor me ye.

Zeremi 5:6

Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

Zeremi 50:2

Togs-y buud toay-toayã koe-kãngã! Kɩt-y tɩ b wʋm-a, zẽk-y tãb-kaoore! Kɩt-y tɩ b wʋm-a, la y ra solg-a ye! Yeel-y tɩ b reega Babilonde! Yãnd tara a Bɛlle! A Merodak pɛleng yɩkame! N-yẽe, yãnd tara yẽnda bõn-naandsã, b pɛleng yɩkame!

Zeremi 6:18

Buud a taabã, kelg-y-yã! Yãmb fãa sẽn tigmã, bãng-y bũmb ning sẽn na n paam bãmbã.

Zeremi 6:19

Dũni rãmba, kelg-y-yã! Mam na n kɩtame tɩ toog paam nin-kãense. Na n yɩ b tags-wẽnsã biisi. Bala, bãmb ka kelg mam goamã ye. Bãmb zãgsa m tõodã.

Zeremi 6:22

Sẽn-Ka-Saab yetame: «Ade, neb n yit tẽng ning sẽn be rɩtgã n watẽ. Bu-kãseng n yit dũniyã kɩremsã n watẽ.

Zeremi 6:23

Bãmb zãeesda b tãbdo, la b zãad kãna, Bãmb yaa nin-toos sẽn ka tar nimbãan-zoeer ye. Bãmb bʋrgã wẽnda ko-kãsengã bʋrgo. Bãmb zomba wiidi, bãmb tonga taab wa nin-yende, n wat n na n zab ne foom a Sɩyõ tẽn-neerã.

Zeremi 8:19

Mam wʋmda m nebã m sẽn nongã sẽn be tẽn-zãrgẽ n kelemd n yetẽ: «Sẽn-Ka-Saab ka leb n be Sɩyõ la? Sɩyõ rĩmã ka leb n beẽ la?» La Sẽn-Ka-Saab sokdame: «Bõe yĩng tɩ b waoogd b bõn-naandse, ne bu-zẽmsã yel-yoodã n sãamd m sũuri?»

Ezekiyɛl 21:22

Mam me na n pãba nug-pogse, la m na n basame tɩ m sũ-puugrã maan a tʋʋmd n tãag a tɛka. Mam yaa Sẽn-Ka-Saabo, yaa maam n yeele.› »