Zeremi 4:10 - WẼNNAAM SEBRE 2014

¹⁰ La mam yeelame: «Kayto! Zu-soabã Sẽn-Ka-Saabo, yãmb belga nin-bãmbã! Yãmb belga Zeruzalɛm nebã zãnga. Yãmb yeela bãmb tɩ b na n zĩnda ne bãane, la sʋʋg yaool n zoe n bee koakoayẽ!»

SEBR SÕNGO

¹⁰ B na n yeelame: «Soaala-Wẽnde, sɩda yãmb belga buud kãnga, yãmb belga Zerizalɛɛm, n yeel-a tɩ fãa na n zemsame, tɩ sʋʋg yaool n pẽneg d kokore!»

Zeremi 4:10 Iomraidhean Croise

Yikri 5:22

Dẽ, a Moyiis lebg n kẽnga Sẽn-Ka-Saab nengẽ n tɩ yeele: «M Soaala, yaa bõe tɩ yãmb maan nin-bãmbã wẽnga? Yaa bõe tɩ yãmb tʋm maam?

Yikri 9:14

Tɩ bala, so-kãngã, mam na n tʋma m toodã fo mengã zugu, la fo tʋmtʋmdbã ne nebã zugu, tɩ fo bãng tɩ mam ka tar to dũniyã zug ye.

A Ezayi 30:10

Bãmb yeta yãtbã yaa: «Bɩ y ra leb n paam pĩnd-n-bãngr goam ye!» La b yet sẽn paamd-b vẽnegrã yaa: «Da leb-y n paam-y vẽnegr sẽn zems tõnd yĩng ye. Gom-y ne tõnd gom-noodo, la y paam vẽnegr sẽn ka sɩd ye!

A Ezayi 37:35

Mam na n kogla tẽn-kãngã n fãag-a, mam mengã yʋʋrã yĩnga, la m tʋmtʋmd a Davɩɩd yĩnga.›

A Ezayi 63:17

Sẽn-Ka-Saabo, bõe yĩng tɩ yãmb bas tõnd tɩ d yeebd n zãag ne yãmb soayã? Bõe yĩng tɩ yãmb kɩt tɩ tõnd yaa tõatb n ka leb n zoet yãmba? Bɩ y lebg n wa tõnd sẽn yaa yãmb tʋmtʋmdbã yĩnga, lebg-y n wa-y buud ning sẽn yaa yãmb dẽndã yĩnga!

Zeremi 1:6

La mam yeelame yaa: ‹Kayto! Zu-soabã Sẽn-Ka-Saabo, mam ka mi goam ye. Mam yaa yãaga!

Zeremi 23:17

Bãmb tol n yeta neb nins sẽn paoogd Sẽn-Ka-Saab goamã yaa: «Bũmb kõn maan yãmb ye!» Bãmb yeta neb nins fãa sẽn keng b sũyã yaa: «Toog kõn paam yãmb ye!»

Zeremi 32:17

«Wẽnnaam Sẽn-Ka-Saabo, yãmb n tẽeg y nug n naan yĩngr la tẽng ne y pãn-kãsengã. Bũmb ka be yãmb sẽn ka tõe ye.

Zeremi 4:18

Yaa y manesmã ne y tʋʋmã n kɩt tɩ bõn-kãng na n paam-yã. Yaa tʋʋm-wẽnsã y sẽn maanã n kɩt tɩ to-kãngã na n paam yãmba, n kẽ yãmb n tãag y sũyã.»

Zeremi 5:12

Bãmb kɩɩsame tɩ b ka mi Sẽn-Ka-Saab ye. Bãmb yeelame: «Sẽn-Ka-Saab ka tõe n maan fɩ ye. Toog ka na n paam tõnd ye. Tõnd ka na n yãnd zabr bɩ kom ye!

Zeremi 6:14

Bãmb ka tɩpd mam nebã poglg sõama ye. B yetame tɩ laafɩ beeme, tɩ laafɩ yaool n ka be ye.

Zeremi 8:11

Bãmb ka tɩpd mam nin-nongdsã poglg sõama ye. Bãmb yetame tɩ laafɩ beeme, tɩ laafɩ yaool n ka beẽ ye.

Kʋʋr yɩɩla 2:21

Nin-kẽembã ne kom-pogdã gãee tẽngã soay zutu. B kʋʋ mam da-sãmbã ne m pʋg-sadbã ne zabr sʋʋga. Yaa yãmb n kʋ bãmb yãmb sũ-puugrã daare. Yãmb kooda bãmb n ka bas ba a yembr ye.

Ezekiyɛl 11:13

Dẽ, mam sẽn ket n togsd pĩnd-n-bãngr goamã wakate, la a Benaya biig a Pelatɩya sẽn be kũumẽ. Mam lʋɩ n fõgna m neng tẽng n kelem n yeele: «Kayto! Zu-soab a Sẽn-Ka-Saabo, yãmb meng n na n baas Israyɛll bu-kellã!»

Rom Dãmba 1:24

Yaa woto yĩng n kɩt tɩ Wẽnnaam bas-b tɩ b kẽ rẽgd pʋgẽ, wa b sũyã sẽn data, tɩ b paoog b yĩnsã b toore.

Rom Dãmba 1:26

Dẽ n kɩt tɩ Wẽnnaam bas-b tɩ b maan yĩng ratem sẽn paoogd neda. Bala, bãmb pagbã basa gãag ning sẽn zems Wẽnnaam sẽn seglã n maand sẽn ka segd ye.

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye.