Zeremi 39:9 - WẼNNAAM SEBRE 2014

⁹ La gũudbã naab a Nebuzaradan peega neb nins sẽn pa tẽngã pʋgẽ wã ne neb nins sẽn dag n yi n dɩk b mens n kõ Babilond dĩmã, la neb a taabã sẽn ketã n kɩt tɩ b tall-b n kẽng Babilonde.

SEBR SÕNGO

⁹ Gũudba tãnsoabã, a Nebuzaradã, talla neb niynsi sẽn da ket tẽngã n kẽng Babilon, n paas neb niynsi sẽn zoe-b n wa kẽ yẽ, la tʋʋm mitbã, a tall-b-la fãa n loog Babilon.

Zeremi 39:9 Iomraidhean Croise

Sɩngrẽ 37:36

Madiyã nebã tɩ koosa a Zozɛf Ezɩpt tẽng ne a Potifaar sẽn dag n yaa Faarõ sõgen-kãsengã, n yaa gũudbã naabã.

2 Rĩm-dãmba 20:18

B na n yõga kom-dibli nins sẽn yaa yãmb meng kom-dogdsã n tall n loog tɩ b tɩ lebg zu-soben-dãmb Babilond dĩmã na-yir pʋga.› »

2 Rĩm-dãmba 25:11

Gũudbã naab a Nebuzaradan talla tẽngã neb nins sẽn kellã, la neb nins sẽn dag n ket tẽngã pʋgẽ wã, ne neb nins sẽn dag n dɩk b mens n kõ Babilond dĩmã, n paas neb-kʋʋngã sʋk neb nins sẽn kellã, n tɩ kẽes yembdo.

2 Rĩm-dãmba 25:20

Gũudbã naab a Nebuzaradan talla bãmb n kẽng Babilond dĩmã sẽn be Ribla tẽngã nengẽ.

A Ezayi 5:13

Yaa rẽ n kɩte, tɩ b na n yiis mam nebã n tɩ kẽes yembdo, b sẽn ka tar bãngrã yĩnga. Kom na n kʋʋ bãmb nanambsã, la ko-yũud na n kʋʋ mam nebã sẽn yaa kʋʋngã.

Zeremi 10:18

Bala, Sẽn-Ka-Saab yetame: «Mam na n lobga tẽngã nebã wa loaabg kugr tɩ b zãage. Mam na n dɩdg-b lame tɩ b ka tõog n põs ye.»

Zeremi 16:13

Mam na n diga yãmb n yiis tẽn-kãngã, tɩ y kẽng tẽng yãmb ne y yaab-rãmbã sẽn ka mi pʋga. Beenẽ, yãmb na n waoogda bu-zẽms wẽnnaam-dãmb wĩntoog ne yʋngo, bala mam ka na n leb n zoe y nimbãaneg ye.»

Zeremi 24:8

Sẽn-Ka-Saab yetame: «Mam na n maana Zʋʋda rĩm a Sedesiyaas ne a nanambsã la Zeruzalɛm neb nins sẽn kell n zĩnd tẽn-kãngã pʋgẽ wã, ne sẽn be-b Ezɩpt tẽngã, wa kankam nins sẽn põog tɩ ned ka tõe n dɩ wã.

Zeremi 38:19

Rĩm a Sedesiyaas yeela a Zeremi yaa: «Zʋʋda nebã sẽn dɩk b mens n kõ Kalde rãmbã rabeem tara maam. Mam zoeta b na n wa rɩk maam n bas Zʋʋda nebã nugẽ tɩ b nams-ma.»

Zeremi 40:1

Sẽn-Ka-Saab goma ne a Zeremi gũudb a naab a Nebuzaradan sẽn wa n kɩt tɩ b yiis-a Rama wã zugẽ. B sẽn wa n yiisd a Zeremi wã, rẽ tɩ b rag n balg-a-la ne bãense, n naag-a ne neb a taabã b sẽn yõg Zeruzalɛm ne Zʋʋda n tar n dabd yembd Babilondã.

Zeremi 40:7

Zʋʋda tãb-biis nanambs nins fãa sẽn dag n be weoogẽ wã, ne b nebã wʋmame tɩ Babilond dĩmã yãka a Ayikam biig a Gedaliya n kɩt t'a lebg tẽngã naaba, n na n soog pagbã ne raopã ne b kambã, la naong rãmbã b sẽn dag n bas tẽngã pʋgẽ n ka yõg n tall n kẽng Babilondã.

Zeremi 52:26

Gũudbã naab a Nebuzaradan talla bãmb n kẽng Babilond dĩmã nengẽ Ribla.

Zeremi 52:27

La Babilond dĩmã kɩtame tɩ b kʋ bãmb Ribla, Hamat soolmã pʋgẽ. Yɩɩ woto la b tall Zʋʋda nebã n tɩ kẽes yembd n zãag ne b tẽngã.

A Dãniyɛlle 2:14

La a Dãniyɛll goma ne rĩmã gũudbã naab a Aryoke ne yam la gũus-m-menga. Bala, yaa Aryok n dag n yi n na n kʋ Babilond bãngdbã.

Maan‑kʋʋre 26:33

Mam na n sãeega yãmb n kẽes buud a taabã sʋka, n kɩt tɩ b rig yãmb ne zabr sʋʋga. Yãmb soolmã na n wãame, tɩ y tẽmsã lebg raboodo.

Yaoolem 4:27

Sẽn-Ka-Saab na n kɩtame tɩ yãmb sãeeg n kẽ buud a taabã fãa tẽms pʋsẽ. La yãmb na n yɩɩ bilf bal buud a taab nins pʋs Sẽn-Ka-Saab sẽn na n tall yãmb n kẽngã sʋka.