Zeremi 39:8 - WẼNNAAM SEBRE 2014

⁸ Kalde nebã ninga na-yirã ne nebã rot bugum, la b lub lals nins sẽn gũbg Zeruzalɛmã.

SEBR SÕNGO

⁸ Kalde rãmba ninga naaba zak bugum, la b yõoga neb a taab me roto; b wãa Zerizalɛɛm lal-gũbrã.

Zeremi 39:8 Iomraidhean Croise

2 Rĩm-dãmba 25:8

Babilond dĩm a Nebukatnedzaar sẽn deeg a naamã tɩ yʋʋm piig la a wɛɛlẽ, kiuug a nu soabã rasem a yopoe daare, a Nebuzaradan sẽn dag n yaa Babilond dĩmã gũudb naabã, n yaa Babilond dĩmã sõgen-kãsengã waa Zeruzalɛm.

2 Kibayã 36:19

La a yõoga Wẽnnaam doogã bugum, n wã Zeruzalɛm lalgã, la b yõog na-yiyã fãa, la b sãam te-sõamy wã fãa.

A Neemi 1:3

Dẽ, bãmb leoka maam yaa: «Neb nins b sẽn ka yõg n kẽes yembdã wa n bee Zʋʋda soolmẽ wã, la b bee nimbãan-kãseng ne yãnd pʋga. Bala, Zeruzalɛm lalgã lebga weds n gilgi, t'a kʋɩlemsã fãa rɩ bugum.»

Yɩɩn‑sõamyã 79:7

Bala, bãmb kʋ a Zakoob yagensã, la b sãam b soolmã.

A Ezayi 5:9

Ad wẽeneg ning Saasẽ-Pãng-Soabã sẽn wẽen tɩ mam wʋme: «Hakɩɩka, ro-bãmbã sẽn yaa wʋsgã na n sãamame, ned kõn leb n zĩnd ro-bɛd-bãmbã sẽn yaa neebã pʋs ye.

Zeremi 17:27

La yãmb sã n ka kelg maam, y sã n ka kɩt tɩ vʋʋsg daarã yɩ daar sẽn welg toore, y sã n kɩɩs n tʋk zɩɩb n tũ Zeruzalɛm tẽngã rignoyẽ wã vʋʋsg daarã n kẽ, mam na n ninga tẽngã rignoy bugum, la bugmã na n dɩta Zeruzalɛm na-yiyã, n ka tol n kiidẽ ye.› »

Zeremi 21:10

Bala, mam wẽnemdeda m neng n tees tẽn-kãngã, la ka a neer yĩng ye, yaa sẽn na n yɩlẽ tɩ toog paam-a. B na n basa tẽngã Babilond dĩmã nugẽ, t'a ning-a bugum.» Sẽn-Ka-Saab n yeele.

Zeremi 32:29

Kalde rãmbã sẽn zabd ne tẽn-kãngã wã na n kẽ a pʋgẽ, n ning-a bugum. B na n yõo rot nins sẽn tar gãsd tɩ b rag n kɩɩsd maam n dʋʋd b zut n yõogd wisd a Baall yĩnga, la b kõt bu-zẽmsã wẽnnaam-dãmbã bõn-yũudl kũun b pʋsẽ wã.»

Zeremi 34:2

«Maam a Sẽn-Ka-Saab sẽn yaa Israyɛll Wẽnnaamã yetame: ‹Kẽng Zʋʋda rĩm a Sedesiyaas nengẽ n tɩ yeel-a tɩ maam a Sẽn-Ka-Saab yetame yaa: Mam na n dɩka tẽn-kãngã n ning Babilond dĩmã nugẽ, t'a sãam-a ne bugum.

Zeremi 34:22

Mam na n kõo noor tɩ b lebg n wa tẽn-kãngã pʋgẽ, n zab n deeg-a, n ning-a bugum. Mam na n kɩtame tɩ Zʋʋda tẽmsã lebg raboogo, tɩ ned ka leb n zĩnd beenẽ yɛs ye. Maam a Sẽn-Ka-Saab n yeele.› »

Zeremi 37:10

Bala, baa yãmb sã n dag n tõogẽ Kalde tãb-biisã sẽn zabd ne yãmbã fãa, baa sã n dag n yaa sãmpoagb bal n kelle, bãmb ned kam fãa na n yik n yi a fu-roogẽ n ning tẽn-kãngã bugum.»

Zeremi 38:18

La yãmb sã n ka sak n yi n dɩk y meng n kõ Babilond dĩmã nanambse, Kalde rãmbã na n tõoga tẽn-kãngã n ning-a bugum, la yãmb ka na n põs ye.»

Zeremi 5:10

Rʋ-y b lalsã n kẽ n sãam b reezẽ tɩɩsã pʋto, la y ra sãam-b zãng ye. Kɛ-y b wilã, bala, bãmb ka maam a Sẽn-Ka-Saab rẽnd ye.

Zeremi 7:20

Bõn-kãng yĩng kɩtame tɩ maam a Sẽn-Ka-Saab sẽn yaa Zu-soabã yetẽ: «Ade, mam sũ-puug-kãsengã na n siga zĩ-kãngã zugu, la a sig nebã ne rũmsã, la tɩɩsã ne pʋtã la tẽngã bɩle zugu. A na n dɩɩ wa bugum sẽn ka kiida.»

Kʋʋr yɩɩla 1:10

Bɛyã tẽega a nug n deeg Zeruzalɛm bõn-sõama wã. Buud a taabã waa n kẽe yẽnda zĩ-sõngã pʋgẽ. Yaa buud ning yãmb sẽn yeel tɩ b ra wa yãmb nebã tiging pʋgẽ wã.

Kʋʋr yɩɩla 2:2

Zu-soabã sãama a Zakoob yagensã yiyã fãa n ka zoe bãmb nimbãaneg ye. Bãmb sũ-yikrã pʋga, bãmb luba Zʋʋda tẽn-neerã pãng zĩisi. Bãmb sika soolmã ne a nanambse, n kɩt tɩ b ta tẽng ne paoogre.

Kʋʋr yɩɩla 2:7

Sẽn-Ka-Saab yam yii ne bãmb tẽn-kugrã, bãmb ka leb n nand bãmb sɛk-zĩigã. Bãmb dɩka Sɩyõ na-yirã lalsã n bas ne bɛyã. Kelems yika Sẽn-Ka-Saab roog pʋgẽ wa tigr daare.

Ezekiyɛl 16:41

Bãmb na n ninga f rotã bugum, n sɩbg foom pagb kʋʋng nifẽ. Mam na n kɩtame tɩ f yoobã sɛ, la fo ka na n leb n yao f rolsen-dãmbã ned ba a yembr ye.

Ezekiyɛl 23:47

Bɩ kʋʋn-kãng lob-b ne kug la b kʋ-b ne zabr sʋʋse. Bɩ b kʋ b kom-dibli wã ne b kom-pugli wã, la b ning b rotã bugum.

Ezekiyɛl 33:21

Tõnd sẽn wa n be yembdã tɩ yʋʋm piig la a yiibu, kiuug piig soabã rasem a nu daarã, la ned a yembr paam n põs n yi Zeruzalɛm n wa mam nengẽ n yeel maam yaa: «B reega tẽngã!»

A Amoose 2:5

Mam na n kɩtame tɩ bugum sig Zʋʋda zugu, la m kɩt tɩ Zeruzalɛm pãng zĩisã rɩ bugum.

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.