Zeremi 39:5 - WẼNNAAM SEBRE 2014

⁵ La Kalde tãb-biisã riga bãmb n tɩ yõk a Sedesiyaas Zeriko tẽn-nabd-koɛɛngẽ wã n tall n kẽng Babilond dĩm a Nebukatnedzaar nengẽ Ribla sẽn be Hamat tẽngã pʋgẽ wã, t'a bʋ a bʋʋdo.

SEBR SÕNGO

⁵ Kalde rãmba tãb-biis pʋg-b lame, la b tɩ paama a Sedesiyas Zeriko sẽnẽ. B sẽn paam-a n yõke, b tall-a lame n kẽng Ribla, Amat tẽnga, Babilon dĩm a Nabikodonozor nengẽ. A Nabikodonozor kẽes-a-la bʋʋdo, n paalg-a.

Zeremi 39:5 Iomraidhean Croise

2 Sãmwɛlle 8:9

Hamat rĩm a Toyi sẽn wʋm t'a Davɩɩd tõoga a Adadezɛɛr tãb-biisã fãa wã,

2 Rĩm-dãmba 17:24

La Asiiri rĩmã kɩtame tɩ Babilond ne Kuta la Ava ne Hamat ne Sefarvayim neb wa kẽ Samaari tẽmsã pʋs n zĩnd be, n led Israyɛll nebã zĩigẽ. Bãmb sooga Samaari tẽngã n zĩnd a tẽmsã pʋse.

2 Rĩm-dãmba 23:33

Ezɩpt rĩm a Faarõ Neko yõka a Zoakaaz n balg bãens Ribla sẽn be Hamat-rãmbã tẽng pʋgã tɩ yẽnda ka leb n yaa Zeruzalɛm naab ye. La a yaoolga tẽngã yaoodo, n yeel tɩ b yao wanzuri kɩlo tus a tã, ne sãnem kɩlo pis-tã.

2 Rĩm-dãmba 25:6

Kalde rãmbã yõka rĩmã n tall-a n kẽng Babilond dĩmã nengẽ Ribla tẽnga, la b bʋʋ rĩm a Sedesiyaas bʋʋdo.

2 Kibayã 33:11

Dẽ, Sẽn-Ka-Saab kɩtame tɩ Asiiri tẽngã tãb-biis nanambsã wa zab ne bãmb n yõk a Manaase, n gaag a lemdã ne leoose, n balg-a ne bãens n tall-a n kẽng Babilonde.

A Ezayi 22:3

Fo tãb-biis nanambsã fãa naaga taab n ning tĩiga. Tãb-tãoodbã yõga bãmb n maan yembse. Zeruzalɛm, b kɩtame tɩ fo nebã fãa lebg yembse, bãmb yaool n dag n zoeeme n zãag zĩiga.

Zeremi 21:7

Sẽn-Ka-Saab yetame: «Dẽ poore, mam na n basa Zʋʋda rĩm a Sedesiyaas ne a tʋmtʋmdbã, la neb nins sẽn põs bã-longdsã ne komã la zabr sʋʋgã, Babilond dĩm a Nebukatnedzaar ne bãmb bɛɛb nins sẽn baood bãmb n dat n kʋ wã nugẽ. Babilond dĩmã na n kʋʋ bãmb ne sʋʋs n ka bas bãmb tɩ b põse, wall b zoe b nimbãaneg ye.»

Zeremi 24:8

Sẽn-Ka-Saab yetame: «Mam na n maana Zʋʋda rĩm a Sedesiyaas ne a nanambsã la Zeruzalɛm neb nins sẽn kell n zĩnd tẽn-kãngã pʋgẽ wã, ne sẽn be-b Ezɩpt tẽngã, wa kankam nins sẽn põog tɩ ned ka tõe n dɩ wã.

Zeremi 38:18

La yãmb sã n ka sak n yi n dɩk y meng n kõ Babilond dĩmã nanambse, Kalde rãmbã na n tõoga tẽn-kãngã n ning-a bugum, la yãmb ka na n põs ye.»

Zeremi 38:23

B na n talla y pagbã ne y kambã fãa n tɩ kõ Kalde nebã, la yãmb ka na n põs bãmb ye. Babilond dĩmã na n yõka yãmba, la a ning tẽn-kãngã bugum.»

Zeremi 4:12

Sob-toaag ning maam a Sẽn-Ka-Saab sẽn kɩt tɩ watẽ wã yɩɩda bũmb a woto. Moasã, mam meng n na n kao bãmb bʋʋdo.»

Zeremi 44:30

Ad maam a Sẽn-Ka-Saab sẽn yeta: Mam na n basa Ezɩpt rĩm a Faarõ Hofra a bɛɛbã sẽn dat n kʋ-a wã nugẽ, wa m sẽn dag n bas Zʋʋda rĩm a Sedesiyaas Babilond dĩm a Nebukatnedzaar sẽn yaa yẽnda bɛ n dag n baood n kʋ-a wã nugẽ wã.»

Zeremi 49:23

Koɛɛg Damaas wɛɛngẽ. Yãnd tara Hamat ne Arpaad nebã, bala b wʋma koe-beedo, tɩ b gĩin maage. B yaa wa ko-kãsengã koom sẽn lengde, n ka leb n tõe n yals sɩɩ ye.

Kʋʋr yɩɩla 1:3

B namsa Zʋʋda n yiis-a n kẽng tẽng a to n tɩ kẽes yembd sẽn yaa toog pʋga. Yẽnda zĩnda buud a taab sʋk n ka yã vʋʋsg ye. Neb nins sẽn da rigd yẽnda wã paama yẽnda a sũ-sãangã pʋga.

Kʋʋr yɩɩla 4:20

Sẽn-Ka-Saab sẽn yãk a soab t'a yaa tõnd vɩɩmã gũudã lʋɩɩ bãmb bogdã pʋsẽ. Yẽnda yaa soab ning tõnd sẽn dag n gomd a yell n yetẽ tɩ tõnd na n zĩnda yẽnda maasmẽ n vɩɩmd buud a taabã sʋkã.

Ezekiyɛl 23:24

Bãmb na n waa ne zab-teed sẽn yaa saar-dãmb la ne zab-teed sẽn bilimdi, la ne neb kʋʋng wʋsgo, n wa zab ne foom. Bãmb na n yii zĩig zãng n wa zab ne foom ne gãn-bɛd la gãn-bi ne kut pugli. Mam basa bʋ-kaoorã ne bãmba, la bãmb na n kaoo fo bʋʋd wa sẽn zems bãmb tõodã.

Abakuk 1:7

Bu-kãng yaa bu-toaaga, la b seka zoeese. Yẽnda viginda a meng tɩrlem ne a naam.

Sõadga 13:21

B sẽn tʋm-b rãmbã kẽngame n tɩ ges tẽngã, sẽn sɩng ne Sĩn weoogã, hal n tɩ tãag Rehoob sẽn be Lebo-Hamat tẽngã noorã.

Zozuwe 13:5

la ne Geball rãmbã tẽnga, ne Libã yaang tẽmsã, sẽn sɩng ne Baall-Gaad sẽn be Hɛrmo tãngã pendã n tɩ tãag Hamat tẽngã noore,

Zozuwe 4:13

Raop sõor sẽn kolg tus pis-naas n bob b zab-teedo, n lʋɩ Sẽn-Ka-Saab kaoolã koglg taoore, n dabd Zeeriko tẽn-nabdrã sẽnẽ.

Zozuwe 5:10

Israyɛll nebã siga Gilgalle, n maan Pakã tigr kiuugã rasem piig la a naas daarã zaabre, Araba tẽn-nabdrã sẽn be Zeeriko sẽnẽ wã.

Bʋ-kaoodba 3:3

Bãmb sẽn bas buud nins tẽngẽ wã la woto, yaa Filistẽ-dãmbã soolem nanambs a nu wã, ne Kana-rãmba fãa, la Sɩdõ nebã, ne Hevi-rãmbã sẽn dag n be Libã tãmsã sʋkã, sẽn sɩng ne Baall-Hɛrmo tãngã n tɩ tãag Lebo-Hamate.