Zeremi 39:4 - WẼNNAAM SEBRE 2014

⁴ Zʋʋda rĩm a Sedesiyaas ne a tãb-biisã fãa sẽn yã bãmba, b yii tẽngã rignoor ning sẽn be lals a yiib sʋk rĩmã zẽed zĩigẽ wã ne yʋng n zoe n kẽng Araba sẽnẽ.

SEBR SÕNGO

⁴ Zɩɩda dĩm, a Sedesiyas, ne a tãb-biisa fãa sẽn yãend-ba, b zoeeme n tũ dĩma zẽedã n yi tẽngã ne yʋngo; noor n da be lals a yiib sẽn ya bɛd sʋka la be la b tũ n yi n dɩk Zʋrdẽ bãg-faaga.

Zeremi 39:4 Iomraidhean Croise

2 Kibayã 32:5

Woto, a Ezekɩyaas paama raood n lebs n me lalgã zĩis nins sẽn dag n bisã, la me gãsdo. Yẽnda leb n mee lalg a to yɩngã, la a maneg Milo gãsg ning sẽn be a Davɩɩd tẽngã pʋgã, la a kɩt tɩ b maan kãna, la gãn wʋsgo.

A Ezayi 22:11

Yãmb mee ko-baoor lals a yiibã sʋka, n na n dɩk ko-bao-kʋdrã koom n ning be. La yãmb ka wẽnemd y neng n ges soab ning sẽn maan-a bõn-kãensã ye, yãmb ka ne soab ning sẽn dag n deng n naan bãmb hal daar zãrã ye.

A Ezayi 22:3

Fo tãb-biis nanambsã fãa naaga taab n ning tĩiga. Tãb-tãoodbã yõga bãmb n maan yembse. Zeruzalɛm, b kɩtame tɩ fo nebã fãa lebg yembse, bãmb yaool n dag n zoeeme n zãag zĩiga.

A Ezayi 29:2

Mam na n namsa Zeruzalɛm, tɩ lebg sidgr la wõosgo. La tẽngã na n lebga maoong kʋʋb bug-toaalg ne maam.

Zeremi 32:4

Zʋʋda rĩm a Sedesiyaas kõn põs Kalde rãmbã ye. B na n basa yẽnda Babilond dĩma nugẽ. Yẽnda na n yalsa Babilond dĩmã taoore, t'a gom ne yẽnda neng ne nenga.

Zeremi 32:5

Dẽ zugẽ, b na n talla a Sedesiyaas n kẽng Babilonde, t'a pa beenẽ n ta wakat ning mam sẽn na n wa ges a yelle. Yãmb sã n yik zabr ne Kalde rãmbã, y kõn tõog-b ye. Yaa Sẽn-Ka-Saab n yeele.

Ezekiyɛl 12:12

Naab ning sẽn be bãmb sʋkã na n dɩka a teed n palg a bãok ne lik n yi. B na n pooga lalgã n yiis-a beenẽ. Yẽnda na n luda a nengã, sẽn na n yɩlẽ n da ges tẽngã ye.

Ezekiyɛl 12:4

Fo na n yiisa f teedã wĩnto-sʋk bãmb nifẽ, la fo na n yii zaabr n loog bãmb nifẽ, wa yembsã.

Maan‑kʋʋre 26:17

Mam na n wẽnemda m neng n bas yãmba, la yãmb bɛɛbã na n tõoga yãmba. Neb nins sẽn kis yãmbã na n sooga yãmba, la yãmb na n zoeeme tɩ ned ka rigd yãmb ye.

Maan‑kʋʋre 26:36

La yãmb neb nins sẽn na n kell n vɩɩmd b bɛɛbã tẽngẽ wã, mam na n kɩtame tɩ rabeem yõk-ba, la tɩɩg vão-koɛɛng bʋrg na n diga bãmba. Bãmb na n zoee wa b sẽn digd ned ne sʋʋga, la b na n lags n lʋɩɩme tɩ ned ka rigd-b ye.

A Amoose 2:14

Sẽn tõe-a zoees ka na n paam zĩig n soond ye. Pãensã rãmb pãng na n lebga zaalem, la gãndaoog kõn tõog n fãag a meng ye

Yaoolem 28:25

Sẽn-Ka-Saab na n kɩtame tɩ yãmb bɛɛbã tõog yãmba. Yãmb na n tũu sor a ye n tɩ zab ne-ba, la y bɛɛbã na n diga yãmb tɩ y tũ soay a yopoe n zoe. La yãmb na n kẽe dũniyã nebã fãa soolem pʋsẽ n lebg wa bõn-wẽnga.