Zeremi 39:3 - WẼNNAAM SEBRE 2014

³ Dẽ, Babilond dĩmã nanambsã kẽngame n tɩ zĩnd tẽngã rignoor ning b sẽn boond tɩ tẽn-sʋk rignoorã. Yaa a Nergall-Saretsɛɛr ne a Samgaar-Nebu, la sõgen-kãseng a Sarsekim ne tãb-biisã na-kãseng a Nergall-Saretsɛɛre, ne Babilond dĩmã nanambs a taabã fãa.

SEBR SÕNGO

³ A Nabikodonozor tãnsoaben-dãmba kẽe tẽngã la b wẽ-la b sika n pẽneg Sʋk dignoorã. Yɩ-la a Nergal-Sarezɛr, b na-kãsengã, n paas a Samgar-Nebo, a Sar-Sekim, dĩma yam sẽn da kẽ a soab n yɩɩdã la tãnsoaben-dãmba fãa.

Zeremi 39:3 Iomraidhean Croise

2 Rĩm-dãmba 17:30

Babilond nebã maana wẽn-naandg a Sukot-Benote, tɩ Kut nebã maan wẽn-naandg a Nergalle, la Hamat nebã maana wẽn-naandg a Asima.

Zeremi 1:15

Maam a Sẽn-Ka-Saab yetame: Ade, mam na n boola buud toay-toayã sẽn be wĩndg sẽn lʋɩtẽ dɩtg soolem-dãmbã pʋgẽ wã. Bãmb na n waame, la b rĩm-dãmbã ned kam fãa na n vigla a naam geer Zeruzalɛm tẽngã rignoyẽ. B na n gũbga a lalgã ne Zʋʋda tẽms a taabã fãa.

Zeremi 21:4

«Sẽn-Ka-Saab sẽn yaa Israyɛll Wẽnnaamã yetame: ‹Mam na n kɩtame tɩ tãb-biisã ra leb n zab ne Babilond dĩmã, la Kalde nebã sẽn gũbg yãmbã ye. Mam na n tigim-b-la tẽngã pʋga.

Zeremi 38:17

Dẽ, a Zeremi yeela rĩm a Sedesiyaas yaa: «Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: Yãmb sã n yi n dɩk y meng n kõ Babilond dĩmã nanambse, y na n fãaga y mense, la b ka na n sãam tẽn-kãngã ne bugum me ye. Yãmb ne y buudã na n kell n vɩɩmdame.

Zeremi 39:13

La gũudbã naab a Nebuzaradan ne sõgen-kãseng a Nebusasban la tãb-biisã na-kãseng a Nergall-Saretsɛɛre, ne Babilond dĩmã nanambsã fãa

Ezekiyɛl 26:10

Yẽnda na n wa ne wed-mo-kʋʋngo, hal tɩ wiidã wubsg lud yãmba, la b wiidi wã ne b saar-dãmbã na n kɩtame tɩ f lalsã rigimdi. La bãmb sã n wa na n tũ tẽnga rignoor n kẽ tẽnga pʋga, tɩ yaa wa tẽng b sẽn zoe n zab n deege.