Zeremi 34:3 - WẼNNAAM SEBRE 2014

³ La fo ka na n tõog n põs yẽnda ye. B na n yõka foom n kõ-a. Foom ne Babilond dĩmã na n yãnda taab neng ne nenga. Yẽnda na n goma ne foom, la fo na n kẽnga Babilonde.

SEBR SÕNGO

³ La foom, Zeremi, fo kõn põs ye; b na n yõka foom n n kɩs dĩma. F na tõog n ges Babilon naaba ne f nini; f na n leok a sokre, f meng f toore, n yaool n dɩk Babilon sore.

Zeremi 34:3 Iomraidhean Croise

Zeremi 21:7

Sẽn-Ka-Saab yetame: «Dẽ poore, mam na n basa Zʋʋda rĩm a Sedesiyaas ne a tʋmtʋmdbã, la neb nins sẽn põs bã-longdsã ne komã la zabr sʋʋgã, Babilond dĩm a Nebukatnedzaar ne bãmb bɛɛb nins sẽn baood bãmb n dat n kʋ wã nugẽ. Babilond dĩmã na n kʋʋ bãmb ne sʋʋs n ka bas bãmb tɩ b põse, wall b zoe b nimbãaneg ye.»

Zeremi 27:22

‹B na n talla te-bãmb fãa n kẽng Babilonde, la b na n paa be, hal n tãag daar ning mam meng sẽn na n tall-b n lebg n wa zĩ-kãngã.› Maam a Sẽn-Ka-Saab n yeele.»

Zeremi 32:28

Woto yĩnga, mam na n ninga tẽngã Kalde rãmbã ne Babilond dĩm a Nebukatnedzaar nugẽ, t'a soog-a. Maam a Sẽn-Ka-Saab n yeele.

Zeremi 32:3

Zʋʋda rĩm a Sedesiyaas yõka a Zeremi n page. Bala, rĩmã yeelame tɩ bõe yĩng t'a Zeremi togs pĩnd-n-bãngr goam n yeel tɩ Sẽn-Ka-Saab yeelame tɩ b na n basa tẽn-kãngã Babilond dĩmã nugẽ t'a soog-a.

Zeremi 32:4

Zʋʋda rĩm a Sedesiyaas kõn põs Kalde rãmbã ye. B na n basa yẽnda Babilond dĩma nugẽ. Yẽnda na n yalsa Babilond dĩmã taoore, t'a gom ne yẽnda neng ne nenga.

Zeremi 34:21

Mam na n basa Zʋʋda rĩm a Sedesiyaas ne a nanambsã b bɛɛbã sẽn dat n kʋ bãmbã nugẽ. Mam na n basa bãmb Babilond tãb-biisã sẽn zoe n zãag ne yãmbã nugẽ.

Zeremi 34:4

La bɩ f kelg Sẽn-Ka-Saab sẽn yet foom a Sedesiyaas sẽn yaa Zʋʋda rĩmã!› Ad Sẽn-Ka-Saab sẽn yet fo wɛɛngẽ: ‹Fo ka na n pa tãpẽ ye.

Zeremi 37:17

Rĩm a Sedesiyaas tʋmame tɩ b tɩ tall a Zeremi n wa, la yẽnda sẽn ta rĩmã nengẽ, rĩmã soos n soka yẽnda yaa: «Sẽn-Ka-Saab kõo foom koɛɛg tɩ f togs maam bɩ?» La a Zeremi leokame tɩ n-yẽe, la a yeele: «B na n basa yãmb Babilond dĩmã nugẽ.»

Zeremi 38:18

La yãmb sã n ka sak n yi n dɩk y meng n kõ Babilond dĩmã nanambse, Kalde rãmbã na n tõoga tẽn-kãngã n ning-a bugum, la yãmb ka na n põs ye.»

Zeremi 38:23

B na n talla y pagbã ne y kambã fãa n tɩ kõ Kalde nebã, la yãmb ka na n põs bãmb ye. Babilond dĩmã na n yõka yãmba, la a ning tẽn-kãngã bugum.»

Ezekiyɛl 12:13

Mam na n tẽega m gãmbrã yẽnda zugu, la yẽnda na n lʋɩɩ mam bẽdga pʋga. Mam na n talla yẽnda n kẽng Babilonde, Kalde rãmbã tẽngẽ. La yẽnda nif ka na n yãnd tẽngã ye, a na paa beenẽ n ki.

Ezekiyɛl 17:15

La rĩmã tõdgame n kɩɩs-a, la a tʋm neb Ezɩpt tɩ b tɩ kos wiidi, ne tãb-biis wʋsg n wa kõ-a. Ned ning sẽn maand a woto wã na n tõogame sɩda? A na n tõog n põsame? Yẽnda ka tõe n sãam kaoolã n tõog n põs ye!

Ezekiyɛl 17:16

Maam a Zu-soab a Sẽn-Ka-Saab sẽn vɩ wã wẽendame n yetẽ: «Hakɩɩka! Yaa rĩm ning sẽn kɩt tɩ yẽnda lebg rĩmã tẽngẽ, soab ning wẽeneg yẽnda sẽn sãbse, n sãam kaoolã, yaa nin-kãng nẽngẽ Babilond la a na n ki.

Ezekiyɛl 21:25

Tuk sor zabr sʋʋgã sẽn na n tũ n wa Raba sẽn yaa Amo nebã tẽngẽ wã ne Zʋʋda la Zeruzalɛm sẽn yaa tẽng sẽn gũbg ne lalsã.