Zeremi 34:2 - WẼNNAAM SEBRE 2014

² «Maam a Sẽn-Ka-Saab sẽn yaa Israyɛll Wẽnnaamã yetame: ‹Kẽng Zʋʋda rĩm a Sedesiyaas nengẽ n tɩ yeel-a tɩ maam a Sẽn-Ka-Saab yetame yaa: Mam na n dɩka tẽn-kãngã n ning Babilond dĩmã nugẽ, t'a sãam-a ne bugum.

SEBR SÕNGO

² «Maam, a Israyɛl Wẽnnaam, maam n kot-f tɩ f kẽng n tɩ yãend a Sedesiyas, Zɩɩda dĩma la f yeel-a: Kelg Soaala koɛɛga: ‹M na n dɩka tẽn-kãnga n sagl Babilon dĩma nugẽ la a na n sãam-a-la ne bugum.

Zeremi 34:2 Iomraidhean Croise

2 Rĩm-dãmba 25:1

A Sedesiyaas sẽn deeg a naamã tɩ yʋʋm wɛɛlẽ, kiuug piig soabã rasem piig daare, Babilond dĩm a Nebukatnedzaar yika ne a tãb-biisã fãa n zab ne Zeruzalɛm. Yẽnda tilga a tãb-sikã n gũbg tẽngã, la b tu bok n gilg-a zĩig zãnga.

2 Rĩm-dãmba 25:9

Yẽnda ninga Sẽn-Ka-Saab roogã ne rĩmã zakã, la Zeruzalɛm dotã fãa bugum. Yẽnda ninga ro-bɛdã fãa bugum.

Zeremi 21:10

Bala, mam wẽnemdeda m neng n tees tẽn-kãngã, la ka a neer yĩng ye, yaa sẽn na n yɩlẽ tɩ toog paam-a. B na n basa tẽngã Babilond dĩmã nugẽ, t'a ning-a bugum.» Sẽn-Ka-Saab n yeele.

Zeremi 21:4

«Sẽn-Ka-Saab sẽn yaa Israyɛll Wẽnnaamã yetame: ‹Mam na n kɩtame tɩ tãb-biisã ra leb n zab ne Babilond dĩmã, la Kalde nebã sẽn gũbg yãmbã ye. Mam na n tigim-b-la tẽngã pʋga.

Zeremi 27:22

‹B na n talla te-bãmb fãa n kẽng Babilonde, la b na n paa be, hal n tãag daar ning mam meng sẽn na n tall-b n lebg n wa zĩ-kãngã.› Maam a Sẽn-Ka-Saab n yeele.»

Zeremi 32:3

Zʋʋda rĩm a Sedesiyaas yõka a Zeremi n page. Bala, rĩmã yeelame tɩ bõe yĩng t'a Zeremi togs pĩnd-n-bãngr goam n yeel tɩ Sẽn-Ka-Saab yeelame tɩ b na n basa tẽn-kãngã Babilond dĩmã nugẽ t'a soog-a.

Zeremi 34:22

Mam na n kõo noor tɩ b lebg n wa tẽn-kãngã pʋgẽ, n zab n deeg-a, n ning-a bugum. Mam na n kɩtame tɩ Zʋʋda tẽmsã lebg raboogo, tɩ ned ka leb n zĩnd beenẽ yɛs ye. Maam a Sẽn-Ka-Saab n yeele.› »

Zeremi 38:23

B na n talla y pagbã ne y kambã fãa n tɩ kõ Kalde nebã, la yãmb ka na n põs bãmb ye. Babilond dĩmã na n yõka yãmba, la a ning tẽn-kãngã bugum.»

Zeremi 39:8

Kalde nebã ninga na-yirã ne nebã rot bugum, la b lub lals nins sẽn gũbg Zeruzalɛmã.