Zeremi 32:9 - WẼNNAAM SEBRE 2014

⁹ Dẽ, mam daa pʋʋgã sẽn be Anatotã ne a Anameyɛlle, n yao wanzuri wakɩ-koeems piig la a yopoe.

SEBR SÕNGO

⁹ Woto wã m da-la a Anameyɛl pʋʋga sẽn da be Anatot n yao ligdi. Yɩɩ wakɩ koeems piig la a yopoe.

Zeremi 32:9 Iomraidhean Croise

Sɩngrẽ 24:22

Yʋgma wã sẽn yũ n sɛ, raoã yãka sãnem tʋblond zɩslem sẽn ta wakɩ-koɛɛng pʋɩ-sʋk zɩslem, la a bao zũy a yiibu, b zɩslem sẽn zems wakɩ-koeems piig zɩslem, n kõ pʋg-sadã.

Sɩngrẽ 37:28

Woto, Madiyã toandbã sẽn wa n loogdẽ wã, bãmb yiisa a Zozɛf bulgẽ wã, n koos-a ne Ismayɛll buudã neb wanzuri ligd pisi, la b talla a Zozɛf n kẽng Ezɩpt tẽnga.

1 Rĩm-dãmbã 20:39

La rĩmã wa n loogda beenẽ, tɩ Wẽnnaam no-rɛɛsã kelem n yeel-a yaa: «N-na! Mam dag n kẽnga zabre, la ned n yi zabrã zĩigẽ n tall ned n wa kɩs maam n yeele: Gũ nin-kãngã t'a ra zoe ye. Fo sã n bas-a t'a meneme, yaa foom la b na n kʋ n lebse. Ka rẽ, bɩ f yao wanzuri ligd-koeems tus a tã!

A Neemi 5:15

Gʋvɛrneer-dãmb a taabã sẽn deng maam n zĩndã rag n namsda nebã, n modgd-b tɩ b wat ne rɩɩbo, reezẽ rãam, n paas wanzuri wakɩ-koeems pis-naase. Gʋvɛrneerã tʋmtʋmdbã me rag n soo nebã ne pãnga. La mam sẽn zoet Wẽnnaamã yĩnga, mam zɩ n maan bũmb a woto ye.

A Ɛstɛɛre 3:9

A sã n taa rĩmã yam, bɩ b yãk tõog n kɩt tɩ b sãam-ba. La mam na n sõda Talã ligd tus-piig n ning rĩmã tʋmtʋmdb nins sẽn n get-b soolmã nugẽ, tɩ b tɩ ning rĩmã laog bĩngr zĩigẽ.

Yikri 21:32

Loalgã sã n tãag yem-daoog bɩ yem-poaka, loalgã soab na n yaoo yem-poakã bɩ yem-daoogã soaalã wanzuri ligd pis-tã, la b lob loalgã kug n kʋ.

A Ezayi 55:2

Bõe yĩng tɩ yãmb dɩkd y ligd n daad bũmb ning sẽn ka rɩɩbo? Bõe yĩng tɩ yãmb namsd y mens bũmb sẽn ka pit pʋg yĩnga? Dẽ wã, kelg-y maam tɩ y na n dɩɩ rɩ-sõngo, la yãmb na n paama rɩ-nood n dɩ n tɩge.

Ezekiyɛl 4:10

Fo na n magda f rɩɩbã n dɩtẽ. La daar fãa, na n yɩɩ sutg pʋgẽ dɩɩb la fo na n dɩt wakat-kãng fãa pʋgẽ.

A Ooze 3:2

Dẽ, mam yaoo wanzuri wakɩ-koeems piig la a nu, ne Oorz peoog la pʋɩ-sʋka, n peeg m pagã.