Zeremi 32:5 - WẼNNAAM SEBRE 2014

⁵ Dẽ zugẽ, b na n talla a Sedesiyaas n kẽng Babilonde, t'a pa beenẽ n ta wakat ning mam sẽn na n wa ges a yelle. Yãmb sã n yik zabr ne Kalde rãmbã, y kõn tõog-b ye. Yaa Sẽn-Ka-Saab n yeele.

SEBR SÕNGO

⁵ Dẽ poore b na n talla a Sedesiyas n kẽng Babilon t'a tɩ pa be n ta wakat ning m sẽn na n wa ges-a. Maam, Naaba-Wẽnd n gomde la m paasdame tɩ ba yãmb sã n ket n maand zabre ne Babilon me, y kõn tõog-a bada.»

Zeremi 32:5 Iomraidhean Croise

2 Kibayã 13:12

La ade, Wẽnnaam n yaa tõnd naaba, la tõnd tara bãmb maan-kʋʋdbã ne tãntãadã sẽn tar n peebdẽ wã n na n peeb n zab ne yãmba. Dẽ, Israyɛll kamba bɩ y ra zab-y ne Sẽn-Ka-Saab sẽn yaa yãmb yaab-rãmb Wẽnnaamã ye. Bala, yãmb ka na n tõog ye.»

2 Kibayã 24:20

Woto, Wẽnnaam Sɩɩgã kẽe maan-kʋʋd a Zehozada biig a Zakari, t'a yik n yals nebã fãa taoor n yeel yaa: «Yaa bõe tɩ yãmb kɩɩsd Sẽn-Ka-Saab tõodã? Ade, yãmb ka na n tõog ye! La yãmb sẽn bas Sẽn-Ka-Saabã yĩnga, bãmb me na n basa yãmba.»

Yelbũna 21:30

Ninsaal yam ne a bãngre, la a saglg yaa zaalem Sẽn-Ka-Saab taoore.

Zeremi 2:37

Yãmb na n kʋka y zut n yi Ezɩpte. Bala, Sẽn-Ka-Saab basa yãmb sẽn teeg-b rãmbã. Nin-bãmb ka na n tõog n sõng yãmb ye.

Zeremi 27:22

‹B na n talla te-bãmb fãa n kẽng Babilonde, la b na n paa be, hal n tãag daar ning mam meng sẽn na n tall-b n lebg n wa zĩ-kãngã.› Maam a Sẽn-Ka-Saab n yeele.»

Zeremi 32:24

B zamda tom-dʋy n na n deeg tẽngã. B na n basa tẽngã Kalde rãmbã sẽn zabd ne-a wã nugẽ. B na n tõog-a-la ne zabr sʋʋga, la ne kom la bã-longdse. Yãmb meng neeme tɩ y sẽn dag n gom bũmb ning yellã pidsg wakat taame.

Zeremi 32:6

La a Zeremi yeelame: Sẽn-Ka-Saab goma ne maam n yeele:

Zeremi 33:5

‹Kalde nebã sã n wa na n zab ne tẽn-kãngã, b na n pids-a-la ne neb nins mam sẽn na n kʋ m sũ-yikrã pʋgẽ wã kũum. Bala, mam solga m neng ne tẽn-kãngã nebã, b wẽngã fãa yĩnga.

Zeremi 37:10

Bala, baa yãmb sã n dag n tõogẽ Kalde tãb-biisã sẽn zabd ne yãmbã fãa, baa sã n dag n yaa sãmpoagb bal n kelle, bãmb ned kam fãa na n yik n yi a fu-roogẽ n ning tẽn-kãngã bugum.»

Zeremi 39:4

Zʋʋda rĩm a Sedesiyaas ne a tãb-biisã fãa sẽn yã bãmba, b yii tẽngã rignoor ning sẽn be lals a yiib sʋk rĩmã zẽed zĩigẽ wã ne yʋng n zoe n kẽng Araba sẽnẽ.

Zeremi 39:5

La Kalde tãb-biisã riga bãmb n tɩ yõk a Sedesiyaas Zeriko tẽn-nabd-koɛɛngẽ wã n tall n kẽng Babilond dĩm a Nebukatnedzaar nengẽ Ribla sẽn be Hamat tẽngã pʋgẽ wã, t'a bʋ a bʋʋdo.

Zeremi 39:7

n yaool n kɩt tɩ b kɩɩd a Sedesiyaas ninã, la b sẽb-a ne zũud bãens n tall-a n kẽng Babilonde.

Kʋʋr yɩɩla 1:14

Bãmb nugã wʋga mam beegrã mam beegrã kala taaba, b zẽkdame n yẽt mam koakoayã. Bãmb kɩtame tɩ mam pãngã sɛ. Sẽn-Ka-Saab rɩka maam n kõ mam sẽn ka tõe-b rãmbã.

Ezekiyɛl 12:12

Naab ning sẽn be bãmb sʋkã na n dɩka a teed n palg a bãok ne lik n yi. B na n pooga lalgã n yiis-a beenẽ. Yẽnda na n luda a nengã, sẽn na n yɩlẽ n da ges tẽngã ye.

Ezekiyɛl 12:13

Mam na n tẽega m gãmbrã yẽnda zugu, la yẽnda na n lʋɩɩ mam bẽdga pʋga. Mam na n talla yẽnda n kẽng Babilonde, Kalde rãmbã tẽngẽ. La yẽnda nif ka na n yãnd tẽngã ye, a na paa beenẽ n ki.

Ezekiyɛl 17:15

La rĩmã tõdgame n kɩɩs-a, la a tʋm neb Ezɩpt tɩ b tɩ kos wiidi, ne tãb-biis wʋsg n wa kõ-a. Ned ning sẽn maand a woto wã na n tõogame sɩda? A na n tõog n põsame? Yẽnda ka tõe n sãam kaoolã n tõog n põs ye!

Sõadga 14:41

Dẽ, a Moyiis soka bãmb yaa: «Yaa bõe la yãmb sẽn maandã? Yaa Sẽn-Ka-Saab noor la yãmb sẽn kɩɩsdã, la y ka na n tõog n maan y sẽn dat n maanã ye.