Zeremi 30:3 - WẼNNAAM SEBRE 2014

³ Maam a Sẽn-Ka-Saab yetame: ‹Wakat n wate, tɩ mam na n maneg Israyɛll ne Zʋʋda nebã yellã tɩ lebg sõama. Mam na n tall-b lame n lebg n wa tẽng ning mam sẽn dag n kõ b yaab-rãmbã pʋgẽ, tɩ b soog-a.› Yaa maam a Sẽn-Ka-Saab n yeele.»

SEBR SÕNGO

³ Wakat n wate tɩ m neba yelle, a Israyɛl la a Zɩɩda yelle, na n teeme. Mam na n leb n tall-b lame n wa tẽng ninga mam sẽn da kõ b ba rãmba la b na n le soog-a lame. Dẽ yaa Soaala gomde.»

Zeremi 30:3 Iomraidhean Croise

Esdras 3:1

Yʋʋmdã kiuug a yopoe soabã sẽn ta, Israyɛll nebã sẽn dag n be b tẽmsã pʋsẽ wã fãa tigma taab Zeruzalɛm, n lebg noor a yembre.

Esdras 3:12

La maan-kʋʋdbã sʋk neb wʋsgo, ne Leevi buudã sʋk neb wʋsgo, la buudã taoor dãmb sʋk neb wʋsg sẽn yaa nin-kẽembã sẽn dag n yãnd pipi roogã, zẽka b koɛɛg n yãb wakat ning b sẽn wa n yẽbgd Wẽnnaam doogã bãmb nifẽ wã. La neb wʋsg rag n kaasda ne sũ-noogo.

Esdras 3:8

Bãmb sẽn yi yembdã pʋg n wa Wẽnnaam doogã sẽn be Zeruzalɛm pugẽ wã tɩ yʋʋm yiiblẽ, kiuug a yiibẽ soabã pʋgẽ, a Seyaltiyɛll biig a Zorobabɛll ne a Yosadak biig a Zozoe, ne b saam-biisã sẽn ketã sẽn yaa maan-kʋʋdbã, la Leevi buudã, ne neb nins fãa sẽn yi yembdã weoog n wa wã yikame n sɩng tʋʋmã. Bãmb tũusa Leevi buudã neb nins sẽn tar yʋʋm pisi, la sẽn yɩɩd woto wã, n yeel-b tɩ b ges Sẽn-Ka-Saab roogã meeb yelle.

Yɩɩn‑sõamyã 126:4

Sẽn-Ka-Saabo, leb-y n lebs-y tõnd d zĩigẽ wã, wa yãmb sẽn kɩt tɩ Negɛɛv kʋɩlsã leb n paam koomã.

Yɩɩn‑sõamyã 53:6

Woto yĩnga, rabeem na n yõka bãmba, tɩ yaool n dag n ka sek rabeem ye. Wẽnnaam na n sãeega sẽn zabd-b ne foomã kõaba. Fo na n ning-b-la yãnde, bala, Wẽnnaam bas-b lame.

Zeremi 16:15

Bãmb na n wẽena ne Sẽn-Ka-Saab sẽn vɩ wã yʋʋre, soab ning sẽn yiis-a Israyɛll nebã nug-rɩtg tẽngẽ wã, la tẽms nins fãa mam sẽn kɩt tɩ b sãeeg n kẽngã pʋgẽ wã! Mam na n kɩtame tɩ b lebg n wa tẽng ning mam sẽn dag n kõ b yaab-rãmbã pʋgẽ.»

Zeremi 23:5

Sẽn-Ka-Saab yetame: «Ade, wakat n wate, tɩ mam na n kɩt t'a Davɩɩd yageng a yembr sẽn yaa nin-tɩrg lebg rĩm n dɩ naam, n soog nebã ne yam, la a kaood buudã ne zemsg la ne tɩrlem tẽngã pʋgẽ.

Zeremi 27:11

La tẽng ning sẽn na n sak-a tɩ Babilond dĩmã balg a yublã la a sak n tũ a raabo, mam na n bas-a lame t'a zĩnd a tẽngẽ ne bãane, n ko. Maam a Sẽn-Ka-Saab n yeele.› »

Zeremi 27:22

‹B na n talla te-bãmb fãa n kẽng Babilonde, la b na n paa be, hal n tãag daar ning mam meng sẽn na n tall-b n lebg n wa zĩ-kãngã.› Maam a Sẽn-Ka-Saab n yeele.»

Zeremi 29:10

Maam a Sẽn-Ka-Saab yetame: «Yãmb sẽn na n zĩnd Babilondã sã n wa pid yʋʋm pis-yopoe, mam na n sõnga yãmba, n pids kãab-noog ning m sẽn dag n kãab yãmbã, n kɩt tɩ y lebg n wa zĩ-kãngã.

Zeremi 29:14

Maam a Sẽn-Ka-Saab yetame: Mam na n basame tɩ y yãnd-ma, la m na n leb n manega yãmb yellã. Mam na n kɩtame tɩ y yi soolem ninsi, la tẽms nins fãa mam sẽn dag n dig yãmb tɩ y kẽngã. Mam na n talla yãmb n lebg n wa zĩ-kãngã m sẽn dag n kɩt tɩ b yiis yãmb n tɩ kẽes yembdã.

Zeremi 3:18

Wakat-kãense, Zʋʋda buudã na n naaga Israyɛll buudã, tɩ b tũ taab n yi tẽng ning sẽn be rɩtgã, n kẽng tẽng ning mam sẽn dag n kõ b yaab-rãmbã.»

Zeremi 30:10

Sẽn-Ka-Saab leb n yetame: ‹La foom a Zakoob sẽn yaa mam tʋmtʋmdã, da zoe rabeem ye! Israyɛll nebã, da bas-y tɩ y pɛleng yɩk ye! Bala, mam na n fãaga yãmb tẽn-zãrg ning y sẽn beẽ wã, la m fãag y yagensã tẽng ning b sẽn be yembd pʋgẽ wã. Israyɛll nebã na n lebg n waame, la b na n leb n zĩnda yam-gãneg ne vɩ-bãan pʋga, la ned kõn zĩnd sẽn na n kẽes-b rabeem ye.

Zeremi 30:18

Ade, maam a Sẽn-Ka-Saab yetame: «Mam na n lebs n manega a Zakoob yagensã fu-rot nins sẽn sãamã. Bãmb rotã nimbãaneg tara maam. B na n lebs n mee bãmb tẽmsã b raboodã zĩigẽ, la b lebs n me b ro-neebã b zĩ-kʋdẽ wã.

Zeremi 30:4

Ad goam nins Sẽn-Ka-Saab sẽn gom Israyɛll ne Zʋʋda nebã wɛɛngẽ:

Zeremi 31:16

Sẽn-Ka-Saab yetame: «Sĩnd la f ra leb n yãb ye. Yẽes f nintãm. Bala, f na n paama keoor f tʋʋmã yĩnga. Maam a Sẽn-Ka-Saab yetame: Fo kambã na n yii b bɛɛbã tẽngẽ n lebg n wa.»

Zeremi 31:23

Saasẽ-Pãng-Soabã sẽn yaa Israyɛll Wẽnnaamã yetame: mam sã n wa lebs n maneg Israyɛll nebã yelle, ad b sẽn na n leb n gom goam nins Zʋʋda tẽmsã pʋsẽ: Sɩyõ tãn-sõng sẽn yaa tɩrlem zĩiga, bɩ Sẽn-Ka-Saab ning fo zug barka!

Zeremi 31:27

Maam a Sẽn-Ka-Saab yetame: «Wakat n wate, tɩ mam na n pids Israyɛll ne Zʋʋda tẽmsã ne neb la rũmsi.

Zeremi 31:31

Sẽn-Ka-Saab yetame: «Ade, wakat n wate, tɩ mam na n maan kaool-paalg ne Israyɛll buudã, la ne Zʋʋda buudã.

Zeremi 31:38

Sẽn-Ka-Saab yetame: Wakat n wate, tɩ nebã na n lebs n me Zeruzalɛm tẽngã Sẽn-Ka-Saab yĩnga, sẽn sɩng ne Hananeyɛll gãosgã n tãag rignoor ning sẽn be tẽngã lalg gõdrẽ wã.

Zeremi 32:37

«Mam na n yiis-b-la tẽms nins mam sẽn dag n dig-b ne m sũ-yikrã la m sũ-puug-kãsengã tɩ b kẽngã, n wa tigim zĩ-kãngã. Mam na n kɩtame tɩ b zĩnd ne bãane.

Zeremi 32:44

Benzame buudã tẽngẽ, ne Zeruzalɛm tẽn-kɩremsã pʋse, la Zʋʋda tẽmsã pʋse, ne tẽms nins sẽn be tãms sʋkã pʋse, la sẽn be-b kunkub sʋkã pʋse, ne sẽn be-b Negɛɛvã pʋse, b na n daada pʋt ne ligdi, la b gʋlsd raab kaset sɛb n pagdẽ, la b baood kaset dãmba. Bala, mam na n lebs n manega b yellã. Maam a Sẽn-Ka-Saab n yeele.»

Zeremi 33:26

Woto yĩnga, mam ka tõe n zãgs a Zakoob ne m tʋmtʋmd a Davɩɩd yagensã, n ka yãk a Davɩɩd yagensã sʋk neb nins sẽn na n soog a Abrahaam ne a Izak la Zakoob yagensã ye. Mam na n kɩtame tɩ b lebg n wa b tẽngẽ, bala mam zoeta b nimbãanega.

Zeremi 51:60

A Zeremi gʋlsa sebr n wilg tood nins fãa sẽn na n paam Babilondã, la goam nins fãa sẽn kẽed ne Babilond wɛɛngẽ wã.

Ezekiyɛl 20:42

Mam sã n tall yãmb n lebg n leb Israyɛll tẽngẽ wã, tẽng ning mam sẽn dag n zẽk m nug n wẽen n yeel tɩ m na n kõ y yaab-rãmbã, yãmb na yaool n bãng tɩ mam yaa Sẽn-ka-Saabo.

Ezekiyɛl 34:13

M na n yiisa bãmb buud a taabã sʋka, n tigim bãmb tẽmsã fãa pʋsẽ, n tall bãmb n wa b tẽngẽ wã. M na n wãbnega bãmb Israyɛll tãmsã zutu, la bãg-faansã pʋse, la tẽngã zĩis nins fãa sẽn tõe n zĩndã pʋse.

Ezekiyɛl 36:24

Mam na n yiisa yãmb bu-zẽmsã sʋka, mam na n tigim-y-la tẽmsã fãa pʋs n tall-y n lebg n wa y tẽngẽ wã.

Ezekiyɛl 47:14

Tẽngã na n yɩɩ yãmb soolem, wa mam sẽn dag n zẽk m nug n wẽen n yeel tɩ m na n kõ y yaab-rãmbã. Dẽ, tẽngã yaa yãmb pʋɩɩre.

A Zowɛlle 3:1

Rẽ zugẽ, mam na n sika m Sɩɩgã ninsaalbã buud fãa zugu: yãmb kom-dibli la y kom-pugli na n yɩɩ no-rɛɛsdba, yãmb nin-kẽembã na n paama zãmsdo, tɩ yãmb kom-bɩɩsã paam vẽnegre.

Sofoni 2:7

Soolem-kãng na n lebga Zʋʋda roogã bu-kellã rẽnda. Bãmb na n tɩ wãbna b rũmsã beenẽ, la zaabre, bãmb na n tɩ gãanda Askalon rotã pʋse. Bala, Sẽn-Ka-Saab sẽn yaa bãmb Wẽnnaamã na n wa n sõnga bãmb n lebs n maneg b yellã.»

Sofoni 3:20

Wakat-kãnga, mam na n tall-y lame n lebg n wa, Wakat-kãnga, mam na n tigm-y lame. Bala, mam na n kɩtame tɩ yãmb yʋʋrã yi, la m kɩt tɩ y paam waoogr dũniyã buud fãa sʋka. Wakat ning mam sẽn na n lebs yãmb y zĩigẽ wã, yãmb mensã nin na n yãndame. Yaa maam a Sẽn-Ka-Saab n yeele.

A Luk Sõng 17:22

La a Zeezi yeela b karen-biisã yaa: Wakat n wat tɩ yãmb na n dat n yãnd Ninsaal Bi-riblã rayã daar a yembr la yãmb kõn yã ye.

A Luk Sõng 19:43

Wakat n wat tɩ fo bɛɛba na n me bõn-yood n gilg foom. B na n gũbga foom n dɩdg-f zĩiga fãa.

A Luk Sõng 21:6

Day n wate, tɩ bũmb ningã yãmb sẽn ne wã, kugr baa a yembr kõn pa a to zug b sẽn kõn leeb n lub ye.

Yaoolem 30:3

Sẽn-Ka-Saab sẽn yaa yãmb Wẽnnaamã na n zoee yãmb nimbãaneg n yiis yãmb yembdã pʋgẽ, buud nins fãa Sẽn-Ka-Saab sẽn dig yãmb tɩ y kẽng b nengẽ wã sʋka.

Yaoolem 30:5

Sẽn-Ka-Saab sẽn yaa yãmb Wẽnnaamã na n talla yãmb n wa tẽng ning yãmb yaab-rãmbã sẽn dag n so wã n kõ yãmb tɩ y sooge. Sẽn-Ka-Saab sẽn yaa yãmb Wẽnnaamã na n maana yãmb neere, n kɩt tɩ y lebg wʋsg n yɩɩg y yaab-rãmbã.

Ebre rãmba 8:8

Wẽnnaam goamã wilgame tɩ b lenga b nebã. B yeelame yaa: Sɩd me, Zu-soabã yetame tɩ day n wate, tɩ bãmb na n maan kaool-paalg ne Israyɛll buudã la ne Zʋʋda buudã.