Zeremi 3:9 - WẼNNAAM SEBRE 2014

⁹ Bãmb maana yoob ne kug la raad tɩ yaa n loog nugu, n dẽgem tẽngã.

SEBR SÕNGO

⁹ Yẽ me saame n yo ne wẽn-naandse, sẽn pees ne raoog bɩ kugri. A rẽgma tẽngã.

Zeremi 3:9 Iomraidhean Croise

A Ezayi 57:3

Yãmb a pʋg-bag-bʋgd kambã, pʋg-koos-m-meng kambã, yãmb dãmb sẽn maand yoobo, kolg-y ka!

A Ezayi 57:6

Yãmb pʋɩɩrã bee ko-soogã kug-saalã sʋka, yãmb pʋɩɩr la rẽndã. Yãmb daagda maand koom bãmb yĩnga, la y kõt bãmb maand sẽn yõogd bugum kũuni. Sẽn-Ka-Saab sokdame yaa: «Bõn-kãensã fãa tõe n belsa mam sũur sɩda?»

Zeremi 10:8

Bãmb fãa yaa yalemb la zɩtba. Bãmb bõn-naandsã yaa raad bala, b ka tõe n wilg ned bũmb ye!

Zeremi 16:18

Pipi bũmbu, mam na n dola bãmb b kongrã ne b yel-wẽnã naoor a yiibu, bala bãmb dẽgma mam tẽngã, n pids m soolmã ne b yel-yoodã kũum la b tʋʋm-beedã.»

Zeremi 2:27

Bãmb boonda raoog tɩ b ba, la b yeel kugr tɩ yaa yẽnda n dog-ba. Bãmb wẽnemda b nense, la b tud maam b kudg n ka get maam ye. La toogã sã n yaool n paam bãmba, bãmb yetame: «Yik-y n fãag-y-do!»

Zeremi 2:7

La mam talla bãmb n wa tẽng sẽn tar tɩ-womds tɩ b tõe n dɩ a biisi, ne a bõn-sõamyã. La bãmb wa n dẽgma m tẽngã n kɩt tɩ m sẽn so wã fãa lebg wẽnga.

Zeremi 3:2

Zẽk-y y nens n ges tãn-bɛɛlã zutu. Rẽ yĩnga, tãng bee bãmb sʋkã yãmb sẽn ka maan wa yoaadb a zug sɩda? Yãmb yasa sor noor n gũud y rolsen-dãmba, wa Araab sẽn gũud neb we-raoog pʋgẽ. Yãmb dẽgma tẽngã ne y yoobã, la ne y wẽngã maanego.

Ezekiyɛl 16:17

Fo rɩka f fan-teedã sẽn maan ne sãnem la wanzuri wã mam sẽn dag n kõ foomã, n maan bõn-naands sẽn wẽnd daopa, n maan yoob ne-ba.

Ezekiyɛl 23:10

Bãmb n yees a futã n bas-a a zaala. Bãmb n yõg a kom-dibli wã ne a kom-pugli wã, la b kʋ yẽnda mengã ne zabr sʋʋga. Yẽnda yɩɩ mamsg pagb a taabã yĩnga. Bãmb sɩbga yẽnda.»

Ezekiyɛl 23:21

Fo leb n sɩnga f pʋg-sademdẽ wakatẽ yãn-tʋʋmã maanego, wakat ning Ezɩpt nebã sẽn dag n saagd f yãoogã, tɩ f pʋg-sadem-bĩisã yamleoog yõk-bã.

Ezekiyɛl 23:3

Bãmb koosa b mens Ezɩpt tẽnga, bãmb koosa b mens b pʋg-sademdã wakate. B wẽbsa bãmb bĩis Ezɩpt tẽnga, b saaga bãmb pʋg-sademdẽ yãoogã beenẽ.

A Ooze 2:2

Wakat-kãnga, Zʋʋda nebã ne Israyɛll nebã na n lagma taaba, la b na n yãka naab a yembr t'a soog-ba. Bãmb na n sooga tẽngã, bala, Zɩzreyell daarã na n yɩɩ ra-kãsenga.

A Ooze 4:12

Mam nebã sokda raad b sẽn peese. Bãmb dasaarã n gomd ne-ba. Yoobã sɩɩg kẽes-b-la moogo, n kɩt tɩ b zãag ne b Wẽnnaamã.

A Zowɛlle 1:19

Sẽn-Ka-Saabo, yaa yãmb la m boonda! Bala, bugmã rɩɩ we-raoogã yamd zãnga, tɩ bug-witmã rɩ pʋtã pʋsẽ tɩɩsã fãa.

Abakuk 2:19

Toog bee ned ning sẽn gomd-a ne ra-giig n yetẽ: «Yik n yalse!» La a yet kugr sẽn ka gomdã: «Nek n yiki!» Rẽ yĩnga, yẽnda tõe n kõo ned bãngr sɩda? B bolg-a-la ne sãnem la wanzuri bala, la vɩɩm yaool n ka be a pʋgẽ ye.

A Matiye Sõng 5:32

La mam yeta yãmb tɩ ned sẽn basd a pag tɩ ka yoob yĩnga, a kɩtdame t'a kẽ yoobo. La ned ning fãa sẽn dɩkd pag b sẽn bas maanda yoobo.