Zeremi 3:8 - WẼNNAAM SEBRE 2014

⁸ Baa ne mam sẽn dig Israyɛll nebã b yoobã fãa yĩng n kõ-b basg sebrã, mam yãame tɩ Zʋʋda nebã sẽn yaa bãmb saam-biisã sẽn yaa zãmb dãmbã ka tol n zoe rabeem ye. Bãmb me kẽnga be n tɩ maan yoobo.

SEBR SÕNGO

⁸ A yãeeme tɩ m da kɩsa a Israyɛl, a long rõaag long sɩɩga, kãadma kaoob sebre, tɩ m da yiis-a lame, a yeebga yĩnga. Mik a yao, a Zɩɩda, mik a Yi-saad, ka zoe rabeem ye; yẽ me saame n yo.

Zeremi 3:8 Iomraidhean Croise

2 Kibayã 21:11

A Zoram tol n kɩtame tɩ b me maoong kʋʋb zĩis Zʋʋda tãmsã zutu, n kɩt tɩ Zeruzalɛm ne Zʋʋda nebã waoog bõn-naandse.

A Ezayi 50:1

Ade, Sẽn-Ka-Saab yetame: «Welgr kaset sebr ning sẽn wilgd tɩ mam diga Zeruzalɛm sẽn yaa yãmb ma wã bee yɛɛnẽ? Bɩ mam dɩka yãmb n koos ne m sam soab a bõe? Yaa yãmb beegrã yĩng la b koos yãmba, la yaa yãmb kongrã yĩng la b sẽn dig yãmb ma wã.

Zeremi 2:19

Bɩ wẽng ning y sẽn maanã rɩ-yã, la bɩ y sẽn bas maamã sɩbgr lʋɩ y zugu, tɩ y bãng tɩ yãmb sẽn bas maam a Sẽn-Ka-Saab sẽn yaa yãmb Wẽnnaam n ka leb n zoet maamã wata ne wẽng la toogo. Saasẽ-Pãng-Soabã n yeele.

Zeremi 3:1

Maam a Sẽn-Ka-Saab yetame: «Ned sã n dig a pag tɩ ned a to rɩk-a, a sɩdã tõe n leb n peeg-a lame sɩda? A sã n leb n peeg-a, a ka na n dẽgem tẽngã zãng sɩda? La yãmb a Israyɛll nebã, yãmb maana wa pʋg-yoodr sẽn tar dolsen-dãmb wʋsgo. Yãmb na n lebg n waa mam nengẽ sɩda?

Zeremi 33:24

Fo ka wʋmd bũmb nins nin-kãensã sẽn yeta la? Bãmb yetame tɩ Sẽn-Ka-Saab zãgsa buud a yiib nins b sẽn dag n yãkã. Yaa woto n kɩte, tɩ b paoogd mam nebã, n yetẽ tɩ bãmb ka leb n yaa soolem yɛs ye.

Zeremi 5:7

Sẽn-Ka-Saab yetame: «Zeruzalɛm nebã, bõn-kãng yĩng la m na n kõ-y sugr bɩ? Yãmb kambã basa maam, n wẽend ne bõn-zaals sẽn ka Wẽnnaam ye. Mam dag n kõo bãmb bũmb fãa tɩ seke, la bãmb baas n maana yoobo. Bãmb wẽdgda taab pʋg-yoaadb rotẽ.

Ezekiyɛl 16:46

Fo kẽem-bi-puglã sẽn be fo nug-goabgã yaa Samaari ne a tẽn-bãoonegã, tɩ fo yao-bi-puglã sẽn be f nug-rɩtgã yaa Sodom ne a tẽn-bãoonegã.

Ezekiyɛl 16:47

Fo rɩka bãmb manesmã, la sẽn paase, fo maana yel-beed nins bãmb sẽn maanã, tɩ rẽ ka sek foom ye, tɩ fo leb n maan tʋʋm-beed f manesmã fãa pʋg n yɩɩd bãmba.

Ezekiyɛl 16:51

La sã n yaa ne Samaari, yẽnda ka maan fo yel-wẽnã pʋɩ-sʋk meng ye. Fo yel-beedã sõor yɩɩ wʋsg n yɩɩd yẽnda rẽndã. La yel-beed nins fãa fo sẽn maanã kɩtame tɩ fo kẽem-bi-puglã ne f yao-bi-puglã sẽn maanã ka baa fɩ ye.

Ezekiyɛl 23:44

Raopã kẽnda bãmb nengẽ, b wata a Ohola la a Oholiba sẽn yaa yoaadbã nengẽ wa b sẽn kẽnd pʋg-yoaadb nengẽ.

Ezekiyɛl 23:9

Yaa woto n kɩt tɩ mam bas yẽnda Asiiri nebã sẽn yaa a rolsen-dãmbã yẽnda sẽn dag n nongã nugẽ.

A Ooze 3:4

Bala, Israyɛll nebã na n kaoosame n ka paam dĩma, wall naaba, wall maoongo, wall kug-vigindga, wall maan-kʋʋr fuugu, wall bõn-naandg ye.

Yaoolem 24:1

Rao sã n peeg pag n wa mik t'a maana yãnd t'a sũur puugi, a na n gʋlsa basg sebr n kõ-a n yeel-a t'a leb a ba-yiri.

Yaoolem 24:3

La yẽnda sẽn tɩ rɩk rao ningã me sã n wa ka leb n dat-a, bɩ a gʋls basg sebr n kõ-a, la a yeel-a t'a loog la a bas zakã. Wall sã n mikame tɩ rao ning sẽn dɩk-a yẽnda wã kiime,