Zeremi 3:6 - WẼNNAAM SEBRE 2014

⁶ Rĩm a Zoziyaas zamaanẽ, Sẽn-Ka-Saab yeela maam yaa: «Fo yãnda Israyɛll nebã sẽn maan wa pʋg-yoodrã bɩ? Bãmb basa maam n dʋ tãms nins fãa sẽn yaa lug-lugã zutu, la b kẽng tɩɩs nins fãa sẽn tar maasmã tẽngre, n tɩ maan yoobo.

SEBR SÕNGO

⁶ Soaala-Wẽnd yeela maam, naab a Zoziyas zamaanẽ: «Fo yãenda a Israyɛl, a long rõaag long sɩɩga, sẽn maana bɩ? A saa n yoo tãn-bɛda fãa zutu la tɩɩg fãa sẽn tob tẽngre.

Zeremi 3:6 Iomraidhean Croise

1 Rĩm-dãmbã 14:23

Bãmb me mee tẽn-kuga, la maoong kʋʋb zĩisi, la b pees kug-viginds ne ra-lugds n vigl kunkubã fãa zutu, ne tɩɩs nins sẽn tar maasmã tẽngre.

2 Kibayã 34:1

Rĩm a Zoziyaas sẽn wa n na n deeg naamã t'a tara yʋʋm a nii, la a rɩɩ naamã yʋʋm pis-tã la a ye Zeruzalɛm.

Yɩɩn‑sõamyã 106:39

Bãmb maana tʋʋm-dẽgd n dẽgem b mense. Bãmb manesmã yaa wa yoobo.

A Ezayi 57:3

Yãmb a pʋg-bag-bʋgd kambã, pʋg-koos-m-meng kambã, yãmb dãmb sẽn maand yoobo, kolg-y ka!

A Ezayi 57:7

Yãmb dɩgla y gãas tãms sẽn zẽk n yaa lug-lug zutu. Yãmb dʋʋda beenẽ n maand maando.

Zeremi 1:2

Sẽn-Ka-Saab goma ne a Zeremi wakat ning a Amon biig a Zoziyaas sẽn dag n yaa Zʋʋda rĩmã. Wakat-kãng tɩ yaa a Zoziyaas sẽn deeg a naamã tɩ yʋʋm piig la a tãablẽ.

Zeremi 11:10

Bãmb leb n maana yel-wẽn nins b yaab-rãmbã sẽn dag n kɩɩs mam noor n maanã. Bãmb baoo buud a taab wẽnnaam-dãmbã n waoog-ba. Israyɛll ne Zʋʋda nebã sãama kaool ning mam sẽn dag n maan ne b yaab-rãmbã.

Zeremi 17:2

Woto yĩnga, bãmb kambã na n tẽegda b tẽn-kugã yelle, ne b wẽn-naan-poak a Aseera ra-lugdsã sẽn be kunkubã zut tɩɩs nins sẽn tar-b maasmã tẽngrã.

Zeremi 3:8

Baa ne mam sẽn dig Israyɛll nebã b yoobã fãa yĩng n kõ-b basg sebrã, mam yãame tɩ Zʋʋda nebã sẽn yaa bãmb saam-biisã sẽn yaa zãmb dãmbã ka tol n zoe rabeem ye. Bãmb me kẽnga be n tɩ maan yoobo.

Zeremi 31:22

Bi-tõtre, fo na n yeeba a woto tɩ ta dabʋre? Bala, bõn-paalg la Sẽn-Ka-Saab maan dũniyã zugu. Pag n baood rao a toore!

Zeremi 5:11

Bala, Israyɛll ne Zʋʋda nebã, zãmba maam zãnga.» Maam a Sẽn-Ka-Saab n yeele.

Zeremi 7:24

La bãmb ka sak n kelge, bãmb yẽda b tʋba. Bãmb maana wa sẽn zems b sũ-keglmã, n tõdg b na ges maam n tud b kudga.

Ezekiyɛl 16:31

Fo sẽn wa n me f rotã soayã fãa noyã, la f me f zĩ-zãonglsã raasã fãa pʋsẽ wã, fo ka tol n deeg yaood wa pʋg-yoaadb a taabã ye.

Ezekiyɛl 16:35

Woto yĩnga, pʋg-yoodre, kelg Sẽn-Ka-Saab koɛɛga!

Ezekiyɛl 20:28

Mam talla bãmb n ta tẽng ning mam sẽn dag n zẽk m nug n wẽen tɩ m na n kõo bãmbã pʋga, la bãmb wẽnemd n gesa kunkub nins fãa sẽn zẽkã, la b ges tɩɩg ning sẽn tar maasem wʋsgã. Bãmb maana b maandã beenẽ, la b wa ne b kũun n yik m sũuri. Bãmb waa ne kũun toor-toor sẽn tar yũ-noogo, la b raag b bõn-yũudl kũunã.

Ezekiyɛl 23:11

Yẽnda tão-poak a Oholiba yãnda bõn-kãense, la yẽnda sẽn dag n nong a rolsen-dãmbã to-to wã yɩɩga a kẽema. Yẽnda koos-m-mengã yɩɩga a kẽemã rẽndã.

Ezekiyɛl 23:4

Kãsmã yʋʋr dag n boondame t'a Ohola, tɩ yao wã yʋʋr boondẽ t'a Oholiba. Bãmb b yiibã rag n yaa mam pagba, la b roga kom-dibli la kom-pugli. Sã n yaa ne bãmb yʋyã wɛɛngẽ, a Ohola yaa Samaari, t'a Oholiba yaa Zeruzalɛm.

A Ooze 11:7

Mam nebã ka rat n bas b kɩɩsgã ye. B boonda bãmb tɩ b naag taab n yiki, La bãmb ka yik ye.

A Ooze 4:13

Bãmb maanda maand tãmsã zutu, bãmb yõogda wisd kunkubã zutu, la sɛn tɩɩse, ne pepliye tɩɩse, la terebẽnt tɩɩs sẽn tar maasem wʋsg tẽngre. Woto yĩngã, yãmb kom-pugli na n yoome, la yãmb bi-pagbã na n yɩɩ yoaadba.

Bʋ-kaoodba 2:17

La Israyɛll nebã kell n ka sak b bʋ-kaoodbã me ye. Bala, Israyɛll nebã basa Sẽn-Ka-Saabo, n koos b mens ne wẽnnaam-dãmb a taab n wõgemd b taoore. Bãmb wẽnemda tao-tao n bas b yaab-rãmbã sẽn dag n tũud sor ning n sakd Sẽn-Ka-Saab tõodã. Bãmb ka sak Sẽn-Ka-Saab tõodã wa b yaab-rãmbã sẽn dag n maanã ye.