Zeremi 3:3 - WẼNNAAM SEBRE 2014

³ Yaa woto n kɩt tɩ saag ka ni sigri, la sẽoog me ye. La baoosgo, yãmb nensã yaa wa pʋg-yoodr nenga. Yãnd ka tar yãmb ye.

SEBR SÕNGO

³ Yaa rẽ yĩng la m mong-f saaga n mong-f sa-yaoose, la f zãgsame n kell n tar yoobo, n zãgs tɩ f kõn deeg f kongr ye.

Zeremi 3:3 Iomraidhean Croise

Sɩngrẽ 19:34

La vẽkembeoogo, bi-pugl-kãsmã yeela a yao-bi-puglã yaa: «Yʋngẽ, mam kẽe ne m baaba. Wa tɩ d leb n yũnug-b rãam yʋngã tɩ fo kẽng n tɩ kẽ ne-ba, sẽn na yɩl tɩ d ba wã paam yagense.»

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

Yelbũna 21:29

Nin-wẽng maanda gãndaalem la nin-tɩrg manegda a soay tɩ yaa sõma.

A Ezayi 5:6

Mam na n kɩtame t'a lebg raboogo. B ka na n leb n yos-a wall b ko-a ye. Gõos ne gõpayãnds n na n yi a pʋga. Mam na n kõo sawatã noore, n kɩt tɩ b ra leb n bas saag t'a ni beenẽ ye.

Zeremi 14:1

Sẽn-Ka-Saab goma ne a Zeremi warã wakat n yeel-a yaa:

Zeremi 14:22

Bu-zẽmsã zĩrẽ wẽnnaam-dãmbã sʋka, bʋg n tõe n kɩt tɩ saag ni? Yaa sa-gãongã n kɩtd tɩ saagã niid bɩ? Ka yãmb a Sẽn-Ka-Saab sɩda? Yãmb la d teeg yã! Bala, yãmb la bõn-kãens fãa naanda.

Zeremi 14:3

Nanambsã tʋma neb nins b sẽn so wã tɩ b tɩ bao koom n wa. Bãmb kẽnga kʋɩlsẽ wã, la b ka yã koom ye. Bãmb lebg n waa ne yʋ-vɩɩdo. Yãnd tar-b lame tɩ b sulg b zutu.

Zeremi 14:4

Tẽngã sẽn pusã yĩnga, la saag me sẽn ka leb n niid tẽngã pʋgẽ wã yĩnga, yãnd tara koaadbã tɩ b sulg b zutu.

Zeremi 36:2

«Rɩk seb-pindg n gʋls goam nins fãa mam sẽn togs foom Israyɛll ne Zʋʋda la bu-zẽmsã wɛɛngẽ, sẽn sɩng ne a Zoziyaas zamaanã, daar ning mam sẽn gom ne foomã, hal tɩ ta rũndã.

Zeremi 5:24

Bãmb ka yete: «Wa-y tɩ d zoe Sẽn-Ka-Saab sẽn yaa tõnd Wẽnnaamã, bala, bãmb n kõt tõnd sigr saag ne yaoolem saaga, la b kõt-d bõn-bɩʋʋng fãa wã» ye.

Zeremi 5:25

Yaa yãmb kongrã n kɩt tɩ bõn-kãens vaale. Yaa y yel-wẽnã n gɩdg tɩ y ka paam naar ye.

Zeremi 5:3

Sẽn-Ka-Saabo, rẽ yĩnga, ka pʋ-peelem dãmb la yãmb baood sɩda? Yãmb wẽ-b lame la ka zab bãmb ye. Yãmb dag n dat n sãam-b lame, la b ka sak n deeg remsg ye. Bãmb kenga b nens n yɩɩg pĩig kugri. Bãmb ka sak n na n lebg n wa yãmb nengẽ ye.

Zeremi 6:15

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Zeremi 8:12

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Zeremi 9:12

La Sẽn-Ka-Saab yeela maam yaa: «Yaa bãmb sẽn bas m tõog ning mam sẽn kõ bãmba, n ka kelg m noorã yĩnga.

Ezekiyɛl 3:7

La Israyɛll buudã ka na n dat n kelg foom ye, bãmb sẽn ka rat n kelg maamã yĩnga. Bala, Israyɛll buudã fãa yaa tõatba, n yaa sũ-keglem dãmba.

Maan‑kʋʋre 26:19

Mam na n kɩtame tɩ y sẽn tar pãng n wɩkdẽ wã sɛ, la m kɩt tɩ saagã lebg wa kutu, tɩ y tẽn-gãongã lebg wa zũudu.

A Amoose 4:7

Kiuug a tãab sẽn deng tigsgã wakate, mam mong-y-la saaga. Mam kɩtame tɩ saag ni tẽng a yembre, n bas a yembre. Tẽng a yembr pʋgẽ, mam kɩtame tɩ saag ni zĩig a yembre, n bas a yembre, la war kẽe zĩig ning sẽn ka paam-a saagã,

A Amoose 4:8

Tẽms a yiib wall a tãab neb yeebdame, n dabd tẽng a yembr pʋgẽ, n na n bao koom n yũ, la b lebg n waa ne ko-yũudu. La ne rẽ fãa, yãmb ka lebg n wa mam nengẽ ye. Yaa Sẽn-Ka-Saab n yeele.

Sofoni 2:1

Buud sẽn ka zoet yãnde, tigm-y taab n tagse,

Sofoni 3:5

La Sẽn-Ka-Saab yaool n bee tẽngã pʋga, n yaa tɩrlem soaba, la b ka maand sẽn ka zems ye. Yibeoog fãa, bãmb pukda b tɩrlmã n ka basdẽ ye. La nin-wẽng ka mi yãnd ye.

A Aaze 1:11

Mam kɩtame tɩ war kẽ tẽngã, tɩ tãmsã zut kʋɩ, tɩ bɩle wã, ne reezẽ rãamã la kaamã sɛ, la m kɩt tɩ tẽn-gãongã bõn-koaadl kʋɩ, tɩ ninsaalb ne rũms namsdẽ, la y tʋʋmã fãa yɩɩ zaalem.

Yaoolem 28:23

Saasã sẽn be y zugẽ wã na n lebga wa zũudu, tɩ tẽngã yãmb sẽn tabdã lebg wa kutu.

Ebre rãmba 12:25

Maan-y gũusgu! Ra tõdg-y n ka kelg ned ning sẽn gomd-a ne yãmbã ye. Bala, neb nins sẽn tõdg n ka kelg a soab sẽn dag n keoogd bãmb tẽng zug ka wã sã n ka põse, tõnd n ka na n põs n yɩɩda, tõnd sã n tõdg n ka kelg ned ning sẽn be arzãn n keoogd tõndã.