Zeremi 3:23 - WẼNNAAM SEBRE 2014

²³ Sɩda, pʋʋsg ning sẽn maand kunkubã zutã, ne bʋrg ning sẽn yit tãmsã zutã yaa zĩrẽ bala. Sɩd-sɩdã, Israyɛll nebã fãagr yita Sẽn-Ka-Saab sẽn yaa tõnd Wẽnnaamã nengẽ.

SEBR SÕNGO

²³ Sɩda, tõnd basame tɩ b belg-do ne d sẽn da waoogd b rãmb kunkuba zutã, ne kaasg ning sẽn da kaasd tãmsa zutã. Yaa d Soaala-Wẽnd nengẽ bala la a Israyɛl tõe n paam fãagre.

Zeremi 3:23 Iomraidhean Croise

Yɩɩn‑sõamyã 3:8

Mam Sẽn-Ka-Saabo, yik-y-yã! Wẽnnaam, fãag-y maam! Yãmb pãbda mam bɛɛbã fãa pegse, yãmb kaooda nin-wẽnsã yẽna.

Yɩɩn‑sõamyã 62:7

N-yẽe! Bãmb bal n yaa mam pĩiga, la m fãagda. B yaa mam pãng zĩiga, mam kõn tol n miim ye.

Yelbũna 21:31

B segenda weef zabr daar yĩnga, la yaa Sẽn-Ka-Saab n kõt tõogre.

A Ezayi 10:20

Badaare, Israyɛll bu-kellã ne a Zakoob buudã neb nins sẽn põsã ka na n leb n teeg soab ning sẽn dag n pãbd-a bãmbã ye. Bãmb na n teega Sẽn-Ka-Saab sẽn yaa Israyɛll Pʋ-Peelem-Soabã ne sɩda.

A Ezayi 12:2

Gese, Wẽnnaam yaa mam fãagda, mam maanda tẽebo, la m kõn zoe rabeem ye. Bala, Sẽn-Ka-Saab yaa mam pãnga, la b yaa mam pãn-kãsenga. Bãmb yaa mam fãagda.»

A Ezayi 43:11

Yaa maam bala, maam m yembr bal n yaa Sẽn-Ka-Saabo. Sã n ka maam, fãagd a to ka be ye.

A Ezayi 44:9

Neb nins sẽn naand-b bõn-naandsã fãa yaa zaalem. La bãmb tʋʋm nins ligd sẽn yaa toogã ka na n leb n tall nafr ye. Bãmb yaa b bõn-naandsã kaset dãmba, bõn-naandsã ka tar nini, b ka tar bãngre, la rẽ n na n yɩ b yãnde.

A Ezayi 45:15

Israyɛll Wẽnnaam sẽn yaa fãagda, yãmb sɩd yaa Wẽnnaam sẽn solg y menga!

A Ezayi 45:17

La Israyɛll paama Sẽn-Ka-Saab fãagr wakat sẽn kõn sa yĩnga. Yãmb kõn tol n leb n paam yãnde, y kõn tol n leb n paam paoogre.

A Ezayi 45:20

Bɩ yãmb dãmb fãa sẽn põs n yi bu-zẽmsã sʋkã tigim taab n wa! Naag-y taab n kolge! Neb nins sẽn zãad bõn-naands sẽn yaa raad sẽn peesã ka tar bãngr ye. Bãmb pʋʋsda wẽnnaam sẽn ka tõe n fãag-b ye.

A Ezayi 63:1

Yaa ãnda la sẽn yit Edomã, ãnda n yit Botsra sẽn yaa Edom na-tẽngã, n yer fu-miid sẽn yaa neer wʋsgã? A kẽnda ne raoodo la ne pãnga. Yaa maam n gomd ne tɩrlem, la m tara pãn-tõog tɩ fãage.

A Ezayi 63:16

Bala, yãmb n yaa tõnd baaba, tõnd yaab a Abrahaam ka mi tõnd ye, la Israyɛll me ka mi tõnd tiir ye. Yaa yãmb a Sẽn-Ka-Saab n yaa tõnd ba. Yãmb yʋʋr boondame tɩ tõnd fãagda, la yãmb yʋʋrã yaa woto wakat fãa.

Zeremi 14:8

Sẽn-Ka-Saab sẽn yaa Israyɛll tẽebo, la Israyɛll fãagd yel-pakr wakate, bõe yĩng tɩ y maand wa sãan tẽn-kãngã pʋgẽ, la wa so-toagd sẽn tũ tẽngẽ n na n yõg gãag-sobendo?

Zeremi 17:14

Sẽn-Ka-Saabo, bɩ y maag maam tɩ m paam laafɩ. Fãag-y maam tɩ m paam yolsgo, bala, yãmb la m pẽgda.

Zeremi 17:2

Woto yĩnga, bãmb kambã na n tẽegda b tẽn-kugã yelle, ne b wẽn-naan-poak a Aseera ra-lugdsã sẽn be kunkubã zut tɩɩs nins sẽn tar-b maasmã tẽngrã.

Zeremi 3:6

Rĩm a Zoziyaas zamaanẽ, Sẽn-Ka-Saab yeela maam yaa: «Fo yãnda Israyɛll nebã sẽn maan wa pʋg-yoodrã bɩ? Bãmb basa maam n dʋ tãms nins fãa sẽn yaa lug-lugã zutu, la b kẽng tɩɩs nins fãa sẽn tar maasmã tẽngre, n tɩ maan yoobo.

Zeremi 31:7

Bala, ad Sẽn-Ka-Saab sẽn yeta: Kaas-y ne sũ-noog a Zakoob yagensã yĩnga. Kɩdm-y n yɩɩg-y buud toay-toayã fãa! Zẽk-y y koees n pẽg Sẽn-Ka-Saab n yeele: Sẽn-Ka-Saabo, fãag-y y nebã! Fãag-y Israyɛll bu-kellã!

Ezekiyɛl 20:28

Mam talla bãmb n ta tẽng ning mam sẽn dag n zẽk m nug n wẽen tɩ m na n kõo bãmbã pʋga, la bãmb wẽnemd n gesa kunkub nins fãa sẽn zẽkã, la b ges tɩɩg ning sẽn tar maasem wʋsgã. Bãmb maana b maandã beenẽ, la b wa ne b kũun n yik m sũuri. Bãmb waa ne kũun toor-toor sẽn tar yũ-noogo, la b raag b bõn-yũudl kũunã.

A Ooze 1:7

La mam na n zoee Zʋʋda nebã nimbãanega. Maam a Sẽn-Ka-Saab sẽn yaa bãmb Wẽnnaamã na n fãag-b lame. La ka na n yɩ ne tãp wall zabr sʋʋga, wall ne zabr bɩ ne wiidi, wall ne saar-dãmba, la mam na n fãag bãmb ye.

A Zã Sõng 4:22

Yãmb pʋʋsda y sẽn ka mi. Tõnd pʋʋsda d sẽn mi, bala, fãagrã yita Zʋɩf-rãmbã nengẽ.