Zeremi 3:21 - WẼNNAAM SEBRE 2014

²¹ B wʋmda Israyɛll neb yãbre, la b se-yõkr tãn-bɛɛlã zutu. Bala, bãmb bʋdgame n bas sorã, n yĩm Sẽn-Ka-Saab sẽn yaa bãmb Wẽnnaamã.

SEBR SÕNGO

²¹ Kɛleng n kelem tãmsa zutu. Yaa Israyɛl kamb n yãbd la b kũmdẽ, yaa b sẽn tudg sora yĩnga, ya b sẽn yĩm mam yelle, b sẽn yĩm maam b Soaala yelle.

Zeremi 3:21 Iomraidhean Croise

A. Zoobe 33:27

Yẽnda yɩɩnda nebã taoor n yetẽ: «Mam maana yel-wẽnã, mam golma sẽn yaa tɩrgã, la Wẽnnaam ka sɩbg-m wa sẽn zems m kongrã ye.

Yelbũna 10:9

Sẽn kẽnd-a ne burkĩnd vɩɩ ne bãane, la ned sã n dɩkd so-wẽnga, yẽnda soab yɛlã na n wa pukame.

Yelbũna 19:3

Yaa ninsaal yalemdã n wat ne a tudgri, la yaa ne Sẽn-Ka-Saab la yẽnda yikd a sũuri.

A Ezayi 15:2

B rabda pʋʋsg roogẽ wã ne Dibõ, la b kẽnd maoong kʋʋb zĩisẽ wã n na n tɩ yãbe. Moaab yãbd n wiisda Nebo tẽngã, ne Medba tẽngã yĩnga. Zutã fãa põngame, la toeemsã fãa wõrsame.

A Ezayi 17:10

Bala, fo yĩma Wẽnnaam ning sẽn fãag-a foomã yelle, la fo ka tẽeg pĩig ning sẽn yaa fo pãngã yell ye. Woto n kɩte, tɩ fo send tɩɩs sẽn yaa neeba, fo sela bu-zẽms tɩɩse.

A Ezayi 57:11

Ãnda soab la yãmb dag n zoeta, ãnda soab n yɛɛs yãmb tɩ y yag zĩrẽ, n ka leb n tẽr mam yelle, la y ka tagsd mam yelle? Rẽ yĩnga, ka mam sẽn sĩnd m noor hal daar zãrã sɩda? Sẽn paas me, yãmb ka zoet maam ye.

Zeremi 12:12

Sẽn sãamd-b fãa wã bee we-raoogã soayã fãa zut n watẽ. Bala, Sẽn-Ka-Saab sʋʋgã sãamda tẽngã zĩisã fãa, tɩ ned ba a yembr ka leb n tõe n vɩɩmd bãan yɛs ye.

Zeremi 13:25

Maam a Sẽn-Ka-Saab yetame: «Fo pʋɩɩr la woto, pʋɩɩr ning mam sẽn kõ foomã la woto, fo sẽn yĩm mam yelle, n tẽ zĩrẽ wã yĩnga.

Zeremi 18:15

Mam nebã yaool n yĩma mam yelle. Bãmb yõogda wisd n kõt belgr wẽnnaam-dãmba. B belga bãmb tɩ b bʋdg n bas b kʋdem-wẽndẽ soayã, n kɩt tɩ b tũ so-bugsi, la soay sẽn ka kõoge.

Zeremi 2:32

Pʋg-sad tõe n yĩma a fan-teed sɩda? Pʋg-paal tõe n yĩma a fuugu? La mam nebã yaool n yĩma mam yell hal daar zãra.

Zeremi 3:2

Zẽk-y y nens n ges tãn-bɛɛlã zutu. Rẽ yĩnga, tãng bee bãmb sʋkã yãmb sẽn ka maan wa yoaadb a zug sɩda? Yãmb yasa sor noor n gũud y rolsen-dãmba, wa Araab sẽn gũud neb we-raoog pʋgẽ. Yãmb dẽgma tẽngã ne y yoobã, la ne y wẽngã maanego.

Zeremi 31:9

Bãmb watame la b yãbda, la m tɛta bãmb b se-yõkrã pʋga Mam tɛta bãmb so-tɩrg b sẽn ka tõe n lak n lʋɩ zugu, n dabd ko-zoetem zĩisẽ. Bala, mam lebga ba Israyɛll nebã yĩnga, la a Efrayiim yaa mam bi-rẽenga.

Zeremi 7:29

Zeruzalɛm nebã, põng-y y zutã n lob y pʋleng zoobdã! Rʋ-y tãn-bɛɛlã zut n yãb n wiisi! Bala, Sẽn-Ka-Saab basa buud ning sẽn kɩt tɩ b sũurã yikã, la b zãgs-a.

Ezekiyɛl 23:35

Woto yĩnga, Zu-soab a Sẽn-Ka-Saab yetame: «Fo sẽn yĩm mam yellã, fo sẽn zãgs maam n tud maam f kudgã yĩnga, bɩ yãn-tʋʋmã ne f koos-m-mengã tʋʋm me leb-fo.»

Ezekiyɛl 7:16

Bãmb neb nins sẽn põsã zoet n dʋʋda tãmsã zut wa walã sẽn be londã pʋsã. Bãmb ned kam fãa wõosda a meng kongr yĩnga.

A Ooze 13:6

Bãmb paama yamd zĩig n wãb n tɩge. Bãmb sẽn bãng tɩ b wãb n tɩgame, b wuka b mens n yĩm mam yelle.

A Ooze 8:14

A Israyɛll nebã yĩma b naandã n me ro-bɛda. Zʋʋda nebã mee tẽn-bɛd wʋsg sẽn gũbg ne lalse. Mam na n kɩtame tɩ bugum dɩ pãng zĩisã.

A Miise 3:9

Zakoob yagensã taoor dãmba, Israyɛll buudã nanambse, m kot-y lame tɩ y kelge! Yãmb dãmb sẽn kis tɩrlem, la y golemd sẽn yaa tɩrgã!

Sõadga 22:32

Dẽ, malɛɛkã yeela a Balaam yaa: «Bõe yĩng tɩ fo pãbd f bõangã hal naoor a tãab fãa? Ade, mam waame n na gɩdg foom tɩ f ra kẽng ye. Bala, sor ninga fo sẽn dɩkã rabda sãoong zĩigẽ.

2 Korẽnt rãmba 7:10

Sɩd me, sũ-sãang ning sẽn yit Wẽnnaam nengẽ wã kɩtdame tɩ ned tek yam n kos sugr n paam fãagre, la ned ka maand a bãngẽ rẽ yĩng ye. La dũni wã sũ-sãang wata ne kũum.