Zeremi 3:16 - WẼNNAAM SEBRE 2014

¹⁶ Maam a Sẽn-Ka-Saab yetame yaa: «Yãmb sã n lebg wʋsg n dog kamb tẽn-kãng pʋgẽ wakat-kãense, b ka na n leb n gom y kaoolã koglgã yell ye. Bãmb ka na n tags a yelle, wall b tẽeg a yell ye. B ka na n bao-a, wall b maan a to ye.

SEBR SÕNGO

¹⁶ Wakat ning sẽn watã, Soaala n gomde, y na n doga kamba n lebg bu-yalengo. Wẽnd zooda kaset sẽn pag koglgo ninga pʋgã, y kõn le sok a yell ye. Ned ba a ye kõn le tẽeg a yelle ye. B na n yĩma a yelle, b kõn le bao a zĩig ye, b kõn le maan a taar ye.

Zeremi 3:16 Iomraidhean Croise

A Ezayi 60:22

Ned ning sẽn yaa-a bilfã na n lebga neb tusri, la sẽn paood-a n yɩɩdã na n lebga buud sẽn tar pãnga. Maam a Sẽn-Ka-Saab na n kɩtame t'a wakatã sã n ta bɩ yɩ tao-tao.

A Ezayi 61:4

Bãmb na n lebs n mee kʋdem-wẽndẽ raboodã, la b lebs n maneg hal pĩnd zĩis nins sẽn dag n sãamã. Bãmb na n kɩtame tɩ tẽms nins sẽn dag n yaa we-rasempʋɩɩsã leb n paam meebo, yaa tẽms nins sẽn dag n sãam n dɩg zamaan woo zamaanã.

A Ezayi 65:17

Sɩd me, mam na n maana yĩngr-paalga, la dũni-paalga. B kõn tol n leb n tẽeg sẽn zĩnd pĩndã yell ye, b kõn leb n tags a yell ye.

Zeremi 3:17

Wakat-kãnga, b na n boola Zeruzalɛm tɩ ‹Sẽn-Ka-Saab naam geere.› Bu-zẽmsã fãa na n tigma be ne mam yʋʋre, la b na n basa b sũ-keglmã.

Zeremi 30:19

Bãmb na n yɩɩla pẽgr yɩɩla. B na n wʋma bãmb laad be. Mam na n kɩtame tɩ b fɩɩg n lebg wʋsgo, la bãmb sõorã kõn leb n boog ye. Neb a taabã na n waooga bãmba, b kõn leb n paoog bãmb ye.

Zeremi 31:27

Maam a Sẽn-Ka-Saab yetame: «Wakat n wate, tɩ mam na n pids Israyɛll ne Zʋʋda tẽmsã ne neb la rũmsi.

Zeremi 31:8

Mam tara bãmb n yit wĩntoog sẽn lʋɩtẽ dɩtg tẽngã n watẽ. Mam yiisa bãmb dũniyã kɩremsã fãa n wat n na n tigme. Bãmb sʋkã, zoense, koms-rãmba, pagb sẽn tʋte, ne pagb sẽn kũmd dogem na n zĩnda be. Yaa bu-kãseng n lebg n wat zĩ-kãngã.

Zeremi 7:4

Ra teeg-y zĩrẽ goamã nebã sẽn togsdã ye. B yetame tɩ Sẽn-Ka-Saab roogã la woto, Sẽn-Ka-Saab roogã la woto!»

Ezekiyɛl 15:5

Ade, a sẽn wa n ket n yaa mumdã, b rag n ka tõe n dɩk-a n pees bũmb tɩ b ka sokd bugum sẽn dɩ-a ye.»

Ezekiyɛl 37:26

Mam na n maana vɩ-bãan kaool ne bãmb wakat fãa yĩnga, la a na n yɩɩ kaool sẽn paad wakat fãa. Mam na n vigla bãmba, n kɩt tɩ b fɩɩge, la m vigl m zĩig ning sẽn welg toorã b sʋk wakat fãa yĩnga.

A Amoose 9:9

Mam na n kõo bɛ wã noore, n yeel-a t'a miim Israyɛll buudã buud a taabã fãa sʋka, wa b sẽn tar goaadg n good koodo, la kugr ba a yembr ka na n lʋɩ tẽng ye.

Sofoni 3:11

«Badaare, mam nebã! Yãnd kõn leb n yõk yãmba, tʋʋm nins yãmb sẽn maan n kɩɩs maamã yĩng ye. Bala, wakat-kãnga, mam na n yiisa wuk-m-mens rãmbã, dẽ, fo kõn leb n maan f tɩtaamã mam tãn-sõngã zug ye.

A Matiye Sõng 1:11

t'a Zoziyaas dog a Zekoniyaas ne a ba-biisi. Zemsa wakat ning b sẽn yõg Israyɛll nebã n kẽng Babilondã.

A Matiye Sõng 3:9

la y ra tags t'a Abrahaam sẽn yaa yãmb ba wã sekame ye. Bala, mam yeta yãmb tɩ Wẽnnaam tõe n dɩka kug-kãensã n kɩt tɩ b lebg a Abrahaam kamba.