Zeremi 3:13 - WẼNNAAM SEBRE 2014

¹³ Sak-y n deeg-y bal tɩ y kongame. Yaa Sẽn-Ka-Saab sẽn yaa yãmb Wẽnnaamã la y zãgs yã. Yãmb kẽngame n tɩ waoog bu-zẽms wẽnnaam-dãmb tɩɩs sẽn tar maasem tẽngre, n ka kelg mam goamã ye. Maam a Sẽn-Ka-Saab n yeele.»

SEBR SÕNGO

¹³ Fo we n sak n deeg f kongre, n deeg tɩ f zaba ne Soaala-Wẽnde, n deeg tɩ f saa zĩis fãa n pʋg wẽn-sãamse, tãmsa zutu la tɩɩg sẽn tob tẽngre; fo ka kelg mam koɛɛg ye. Maam n yeele, maam a Wẽnde.›

Zeremi 3:13 Iomraidhean Croise

A Neemi 9:2

Neb nins sẽn yaa Israyɛll buudã welga toor n bas sãambã, n na n tɩ kos bãmb yel-wẽnã ne b yaab-rãmbã kongrã sugri.

Yelbũna 28:13

Sẽn solgd-a a kongr ka na n paam tõogr ye. La ned sã n vẽneg n togs a kongr n bas-a, a paamda nimbãan-zoeere.

A Ezayi 57:5

Yãmb bee tɩ-bɛd tẽngr n wɩngd ne wẽngã ratem, la y be tɩɩs nins fãa sẽn tar maasmã tẽngre, n koot kom-bãoonegã ko-soayã pʋs ne tãmsã sẽgsẽ.

Zeremi 14:10

Sẽn-Ka-Saab gomda nin-kãensã wɛɛngẽ n yetẽ: «Bãmb nong n saada zĩig fãa, n ka zĩ zĩ-yend ye! Woto, bãmb ka ta maam a Sẽn-Ka-Saab yam ye. Moasã m na n tẽega b yel-wẽnã yell n sɩbg-ba.»

Zeremi 14:20

Sẽn-Ka-Saabo, d miime tɩ d maana sẽn ka neere, d deegame tɩ d ba-rãmbã kongame. Tõnd fãa beega yãmba.

Zeremi 2:20

Yãmb zẽkda y zug ne maam hal daar zãra, n yetẽ tɩ y ka leb n dat yembdã ye. Kũnkub-bɛdã zut ne tɩɩsã tẽngre, yãmb pɛɛlma wa pʋg-yoodre.

Zeremi 2:25

Israyɛll nebã, gũus-y y mense, sã n ka rẽ, yãmb na n wa zoee nao-zaala, la y koeesã me na n kʋɩɩme! La yãmb yeelame tɩ rẽ ka yell ye, tɩ y nonga bu-zẽms wẽnnaam-dãmba, la y na n pʋg-b lame.

Zeremi 3:2

Zẽk-y y nens n ges tãn-bɛɛlã zutu. Rẽ yĩnga, tãng bee bãmb sʋkã yãmb sẽn ka maan wa yoaadb a zug sɩda? Yãmb yasa sor noor n gũud y rolsen-dãmba, wa Araab sẽn gũud neb we-raoog pʋgẽ. Yãmb dẽgma tẽngã ne y yoobã, la ne y wẽngã maanego.

Zeremi 3:25

Bɩ d gãand d yãndã zugu, la bɩ d paoogrã pil-du. Bala, tõnd ne d yaab-rãmbã maana yel-wẽn n beeg Sẽn-Ka-Saab sẽn yaa tõnd Wẽnnaamã hal d yãadem wakat tɩ ta rũndã. Tõnd ka sak n deeg bãmb koɛɛgã ye.

Zeremi 3:6

Rĩm a Zoziyaas zamaanẽ, Sẽn-Ka-Saab yeela maam yaa: «Fo yãnda Israyɛll nebã sẽn maan wa pʋg-yoodrã bɩ? Bãmb basa maam n dʋ tãms nins fãa sẽn yaa lug-lugã zutu, la b kẽng tɩɩs nins fãa sẽn tar maasmã tẽngre, n tɩ maan yoobo.

Zeremi 7:24

La bãmb ka sak n kelge, bãmb yẽda b tʋba. Bãmb maana wa sẽn zems b sũ-keglmã, n tõdg b na ges maam n tud b kudga.

Zeremi 7:26

La bãmb ka sak n kelg ye, bãmb yẽda b tʋba. Bãmb kenga b sũur n maan sẽn yaa wẽng n yɩɩd b yaab-rãmbã.

Ezekiyɛl 16:15

«La fo kɩsa sɩd ne f neermã n maan yoobo, f yʋʋrã sẽn saagã yĩnga. Fo maana yoob ne so-loaad fãa, n bas t'a soog foom.

A Ooze 5:15

Maam a Sẽn-Ka-Saab na n loogame, la m na n lebg n wa m zĩigẽ wã, hal tɩ b sak n deeg tɩ b kongame, n bao maam. Bãmb yel-pakrã pʋga, b na n baoo maam ne b sũyã fãa.

Yaoolem 12:2

Menes-y zĩis ninsi, wall buud nins yãmb sẽn na n tõogã sẽn pʋʋsd b wẽnnaam-dãmbã, sẽn be tãms ne kunkub zutã, la tɩɩs sẽn tar maasem tẽngrã.