Zeremi 3:12 - WẼNNAAM SEBRE 2014

¹² Bãmb yeela maam tɩ m kẽng n zẽk m koɛɛg n tees rɩtg sẽnẽ, n togs gom-kãensã: «Israyɛll nebã sẽn yaa yoaadba, lebg-y n wa-y-yã! Bala, mam ka na n leb n gãnem m neng ne yãmb ye. Mam yaa nonglem soaba. Mam sũur ka na n yik n ka sigd ye. Maam a Sẽn-Ka-Saab n yeele.

SEBR SÕNGO

¹² Bɩ f tees goabga sẽnẽ n tãs woto: ‹Israyɛl, long rõaag long sɩɩga lɛɛg n wa tɩ m ka rat-f ne wẽnga la m kõn gãnem m neng ye. M ka mi beem tugb ye, Soaalã n yeele.

Zeremi 3:12 Iomraidhean Croise

Sɩngrẽ 4:7

Fo sã n maan sẽn yaa sõama, f na n tõog n zẽka f zugu, la f sã n ka maan sẽn yaa sõama, yel-wẽnã wũga fo rignoorẽ, la a rat n sooga foom, bee ne foom tɩ f tõog-a.»

2 Rĩm-dãmba 15:29

A Peka sẽn wa n yaa Israyɛll dĩmã wakate, Asiiri rĩm a Tɩlgat-Pilezɛɛr wa n zab n deega Iyon, Abɛll-Bɛt-Maaka, ne Yanoak la Kedɛɛse, la a reeg Hatsoor ne Galaad la Galɩle, n paas Neftali tẽngã zãnga, la a yõg tẽn-kãens nebã n tall n kẽng Asiiri.

2 Rĩm-dãmba 17:23

B maana woto hal tɩ Sẽn-Ka-Saab wa n wẽnemd b neng n bas-b wa b sẽn dag n kɩt bãmb no-rɛɛsdbã sẽn yaa b tʋmtʋmdbã togsã. La b yiisa Israyɛll nebã b tẽngẽ wã, n tall-b n kẽng Asiiri tẽngã, la b kell n paa be hal tɩ ta rũndã.

2 Rĩm-dãmba 17:6

La yaa a Ooze sẽn deeg naam tɩ yʋʋm wɛɛlẽ, la Asiiri rĩmã tõog n deeg Samaari tẽngã. Asiiri rĩmã yõga Israyɛll nebã n tall n kẽng a tẽngẽ wã. Yẽnda kɩtame tɩ Israyɛll nebã tɩ zĩnd Hala, ne Goozã kʋɩlg ning b sẽn boond tɩ Haboorã noore, la Meed rãmbã tẽmsẽ.

2 Rĩm-dãmba 18:1

A Ela biig a Ooze sẽn yaa Israyɛll dĩmã sẽn deeg naam tɩ yʋʋm tãablẽ, la a Akaaz biig a Ezekɩyaas me lebg Zʋʋda rĩmã.

2 Kibayã 29:10

Moasã mam dat n maana kaool ne Sẽn-Ka-Saab sẽn yaa Israyɛll Wẽnnaamã, tɩ bãmb tõe n zãag b sũ-puugrã ne-do.

2 Kibayã 30:9

Sɩda, yãmb sã n lebg n wa Sẽn-Ka-Saab nengẽ, bãmb na n kɩtame tɩ neb nins sẽn dag n yõg yãmb saam-biisã ne y kambã n kẽng yembdã, zoe bãmb nimbãaneg n bas-b tɩ b lebg n wa tẽn-kãngã pʋgẽ. Bala, Sẽn-Ka-Saab sẽn yaa yãmb Wẽnnaamã yaa nimbãan-zoɛta, yãmb sã n lebg n wa bãmb nengẽ, bãmb ka na n leb n bas yãmb ye.»

Yɩɩn‑sõamyã 103:17

La Sẽn-Ka-Saab nonglmã ne neb nins sẽn zoet bãmbã paada zamaan woo zamaane. Bãmb tɩrlmã yaa b zoɛtbã yagens yĩnga,

Yɩɩn‑sõamyã 103:8

Sẽn-Ka-Saab yaa nimbãan-zoeer soaba, la maan-neer soaba, bãmb tara sũ-maasem, la b nonglem yaa kãsenga.

Yɩɩn‑sõamyã 103:9

Bãmb ka zabd ne ned n zãage, la b ka yikd b sũur n ka basdẽ ye.

Yɩɩn‑sõamyã 145:8

Sẽn-Ka-Saab yaa sõmblem-soaba, la nimbãan-zoɛta, bãmb yaa sũ-mar soaba, la nonglem-kãseng soaba.

Yɩɩn‑sõamyã 79:5

Sẽn-Ka-Saabo, yãmb sũurã na n kell n yikame tɩ ta rabʋre? Yãmb sũ-kãbrã na n dɩta wa bugum tɩ ta dabʋre?

Yɩɩn‑sõamyã 86:15

Zu-soab a Wẽnnaam yãmb yaa nimbãan-zoeer soaba, la y yaa maan-neer soaba. Yãmb yaa sũ-maasem soaba, yãmb nonglmã yaa kãsenga, la y yaa sɩd soaba.

Yɩɩn‑sõamyã 86:5

Zu-soaba, yãmb yaa sõmblem soaba, la y kõta sugri. Yãmb nonglmã yaa kãsenga, neb nins fãa sẽn boond yãmbã yĩnga.

Yelbũna 28:13

Sẽn solgd-a a kongr ka na n paam tõogr ye. La ned sã n vẽneg n togs a kongr n bas-a, a paamda nimbãan-zoeere.

A Ezayi 31:6

Israyɛll nebã, lebg-y n wa-y yãmb sẽn kɩɩs a soab wʋsgã nengẽ!

A Ezayi 44:22

Mam yẽesa fo tʋʋm-beedã wa sawato, la m yiis f yel-wẽnã wa wulgu. Lebg n wa mam nengẽ, bala, maam n yaa fo fãagda.

Zeremi 11:6

Sẽn-Ka-Saab yeela maam: «Moon gom-kãens fãa Zʋʋda tẽmsã pʋsẽ ne Zeruzalɛm soayã zutu, n yeel-b tɩ b kelg kaool-kãngã goamã n sak-ba.

Zeremi 12:15

La m sã n yiis bãmb n sɛ, m na n leb n zoee bãmb nimbãanega, n kɩt tɩ ned kam fãa leb n leb a soolmẽ, la a tẽngẽ.

Zeremi 23:8

Fo na n yeelame: ‹Mam wẽenda ne Sẽn-Ka-Saab sẽn vɩ wã yʋʋre, soab ning sẽn dag n dig-a Israyɛll nebã tɩ b kẽng rɩtg sẽnẽ ne tẽms a taabã pʋsẽ, n yaool n lebg n tɩ tall bãmb n wa tɩ b zĩnd b tẽngã pʋgẽ wã.› »

Zeremi 3:1

Maam a Sẽn-Ka-Saab yetame: «Ned sã n dig a pag tɩ ned a to rɩk-a, a sɩdã tõe n leb n peeg-a lame sɩda? A sã n leb n peeg-a, a ka na n dẽgem tẽngã zãng sɩda? La yãmb a Israyɛll nebã, yãmb maana wa pʋg-yoodr sẽn tar dolsen-dãmb wʋsgo. Yãmb na n lebg n waa mam nengẽ sɩda?

Zeremi 3:14

Maam a Sẽn-Ka-Saab yetame yaa: «Kom-wegemse, lebg-y n wa-y-yã, bala yaa maam la y soaala. Mam na n yãka nin-yɛng-yɛng tẽng fãa pʋgẽ, la neb a yiib-yiib buud fãa pʋgẽ, n tall n kẽng Sɩyõ.

Zeremi 3:18

Wakat-kãense, Zʋʋda buudã na n naaga Israyɛll buudã, tɩ b tũ taab n yi tẽng ning sẽn be rɩtgã, n kẽng tẽng ning mam sẽn dag n kõ b yaab-rãmbã.»

Zeremi 3:22

Maam a Sẽn-Ka-Saab yetame: «Yãmb a nin-tõtse, lebg-y n wa-y tɩ m kɩt tɩ y lebg sɩd dãmba.» Bãmb yeelame: «Ad-y tõndo, d wata yãmb nengẽ, bala, yãmb a Sẽn-Ka-Saab n yaa tõnd Wẽnnaam.»

Zeremi 3:5

la y yetẽ: Bãmb na n pa b sũ-yikrã pʋg wakat fãa bɩ? Bãmb sũur na n kell n yika ne tõnd n ka basdẽ bɩ? Yaa woto la yãmb dag n gomda, la y baas n ket n maand wẽnga, la y sɩd tõogame me!»

Zeremi 3:7

La mam dag n tagsame tɩ b sã n maan yõwã fãa n sɛ, b na n lebgame n wa mam nengẽ, la bãmb ka lebg n wa ye. La bãmb saam-biisã sẽn yaa Zʋʋda nebã sẽn yaa zãmb dãmbã yãnda bãmba.

Zeremi 30:11

Bala, mam bee ne yãmba, n na n fãag-yã. Mam na n sãama buud nins fãa mam sẽn dig yãmb tɩ y sãeeg n be b sʋkã, la m ka na n sãam yãmb ye. M na n demsa yãmb ne tɩrlem, m ka na n bas-y taal n ka sɩbg-y ye. Maam a Sẽn-Ka-Saab n yeele.»

Zeremi 31:20

A Efrayiim yaa mam bi-nongre, Mam nonga yẽnda ne m sũur fãa. Mam sã n gomd a yelle, m ket n tagsda a yelle. Yaa rẽ n kɩt tɩ rogem yĩn-sidg tar maam a yĩnga. Yaa sɩda, a nimbãaneg tara maam. Maam a Sẽn-Ka-Saab n yeele.»

Zeremi 31:21

Israyɛll nebã, ning-y y bãnã, lug-y y sor wilgdsã! Ges-y y sorã, Tags-y sor ning yãmb sẽn tũudã yelle. Israyɛll tẽn-neere, lebg n wa tẽn-kãensã sẽn yaa fo rẽndã pʋse!

Zeremi 31:8

Mam tara bãmb n yit wĩntoog sẽn lʋɩtẽ dɩtg tẽngã n watẽ. Mam yiisa bãmb dũniyã kɩremsã fãa n wat n na n tigme. Bãmb sʋkã, zoense, koms-rãmba, pagb sẽn tʋte, ne pagb sẽn kũmd dogem na n zĩnda be. Yaa bu-kãseng n lebg n wat zĩ-kãngã.

Zeremi 33:26

Woto yĩnga, mam ka tõe n zãgs a Zakoob ne m tʋmtʋmd a Davɩɩd yagensã, n ka yãk a Davɩɩd yagensã sʋk neb nins sẽn na n soog a Abrahaam ne a Izak la Zakoob yagensã ye. Mam na n kɩtame tɩ b lebg n wa b tẽngẽ, bala mam zoeta b nimbãanega.

Zeremi 4:1

Maam a Sẽn-Ka-Saab yetame: «Israyɛll nebã, yãmb sã n lebg n wa mam nengẽ, yãmb sã n yiis bõn-naands nins mam sẽn kisã mam taoore, la y ka leb n saad n yeebdẽ,

Kʋʋr yɩɩla 3:22

Sẽn-Ka-Saab nonglmã ka sɛte, la bãmb nimbãan-zoeerã ka tar tɛk ye.

Ezekiyɛl 11:17

Yaa rẽ tɩ Zu-soab a Sẽn-Ka-Saab yetẽ yaa: «Ade, mam na n tigsa yãmb buud a taabã fãa sʋka, mam na n yiisa yãmb tẽms nins yãmb sẽn sãeeg n tɩ beẽ wã, la m leb n kõ yãmb Israyɛll tẽngã.

Ezekiyɛl 33:11

Yeel-b tɩ maam a Zu-soab a Sẽn-Ka-Saab sẽn vɩ wã wẽendame n yetẽ: ‹Dẽ yĩnga, mam daab yaa tɩ nin-wẽng na ki bɩ, yaa t'a na tek yam n bas a manesem-wẽngã n paam n vɩɩmde! Wẽnemd-y-yã! Wẽnemd-y n bas-y y manesem-wẽngã! Israyɛll buudu, bõe tɩ yãmb tog n ki?›

Ezekiyɛl 39:25

Bõn-kãens yĩnga, maam a Zu-soab a Sẽn-Ka-Saab yetame: «Mam na n lebsa a Zakoob yagensã b zĩigẽ, la m zoe Israyɛll buudã fãa nimbãanega, la m na n wilga m sũ-ki-kãsengã m yʋʋrã sẽn welg toorã yĩnga.

A Ooze 6:1

Dẽ, yãmb na n yeelame: «Wa-y tɩ d lebg n leb Sẽn-Ka-Saab nengẽ! Bala, bãmb n zendem tõndo, la bãmb n na n maag-do. Bãmb n pogl-do, la bãmb n na n tɩp d noadã.

Maan‑kʋʋre 26:40

La nin-bãmb vẽneg n togsa bãmb kongrã, ne b ba-rãmbã kongr b sẽn maan n beeg maamã, la kɩɩsg ning bãmb sẽn kɩɩs maamã.

Zakari 1:4

Saasẽ-Pãng-Soabã leb n yeelame: «Da yɩ-y wa y yaab-rãmbã ye. Wakat sẽn looge, no-rɛɛsdbã rag n moondame n yet bãmb tɩ Saasẽ-Pãng-Soabã yetame yaa: ‹M kot-y lame tɩ y bas y manesem-wẽnsã ne y tʋʋm-wẽnsã n lebg n wa mam nengẽ!› La bãmb ka kelg ye. Bãmb maana b toog kae ne maam ye. Maam a Sẽn-Ka-Saab n yeele.

Yaoolem 30:2

yãmb ne y kambã sã n lebg n leb Sẽn-Ka-Saab sẽn yaa yãmb Wẽnnaamã nengẽ, n sak n kelg bãmb koɛɛgã ne bũmb nins fãa mam sẽn wilgd yãmb dũndã wã ne y sũyã fãa, la ne y yamã fãa,