Zeremi 27:9 - WẼNNAAM SEBRE 2014

⁹ La sã n yaa ne yãmba, ra kelg-y no-rɛɛsdbã ne y bagbã la neb nins sẽn bilgd-b yãmb y zãmsd toay-toayã võorã, ne sẽn sogsd-b kɩɩmsã, la sẽn boond-b sɩɩsã ye. Bãmb yeta yãmb tɩ Babilond dĩmã ka na n soog yãmb ye.

SEBR SÕNGO

⁹ La yãmba, da kelg-y yãmb bãngdba ye, bɩ bagba sẽn lobd kuga, bɩ neb sẽn wilgd zãmsd võore, n wilgd sawat sẽn yɛdg võore, sẽn tar yel-bãn-tɩto. Bãmb fãa togsd-y lame tɩ ka Babilon dĩma n na n soog yãmb ye.

Zeremi 27:9 Iomraidhean Croise

Yikri 22:18

Ned sã n gãand rũng bɩ b kʋ-a.

Yikri 7:11

La Faarõ me boola yam dãmba ne tɩtã-rãmbã. Dẽ, Ezɩpt tɩtã-rãmb me maana woto ne bãmb tɩɩmã.

Yelbũna 19:27

M biiga, fo sã n ka sak remsgo, f na n zãaga f meng ne bãngre.

A Ezayi 8:19

B sã n wa yeel yãmba: «Kẽng-y n tɩ bao-y neb sẽn sogsd kɩɩmse, la y sok kinkir-bagbã sẽn walemd la b yẽgemdẽ wã. Buud fãa ka sokd a Wẽnnaam sɩda? B ka sokd kɩɩms nin-vɩɩs yĩng sɩda?»

Zeremi 14:14

Sẽn-Ka-Saab yeela maam yaa: «No-rɛɛsdbã yagda zĩrẽ n yetẽ tɩ yaa ne mam yʋʋr la b gomda. Mam ka tʋm-ba, m ka kõ-b noor tɩ b gome, m ka gom ne-b me ye. B sẽn togsd yãmbã yaa zĩrẽ vẽnegre, ne bagre, la zĩrẽ pĩnd-n-bãngr gom-zaala, la belgr bõn-naandse!

Zeremi 23:16

Saasẽ-Pãng-Soabã yetame: «Da kelg-y pĩnd-n-bãngr goam nins no-rɛɛsdbã sẽn togsd yãmbã ye. Bãmb belgda yãmb ne gom-vɩɩdo. Bãmb sẽn togsd goam ninsã ka yit Sẽn-Ka-Saab noorẽ ye. Yaa bãmb mensã sũy tagsgo.»

Zeremi 23:25

Mam wʋma bũmb nins no-rɛɛsdbã sẽn yetã. Bãmb yagda zĩrẽ, n yetẽ tɩ yaa ne mam yʋʋr la b gomda. Bãmb yetame tɩ b zãmsa zãmsdo, tɩ b paama vẽnegre.

Zeremi 23:32

Sẽn-Ka-Saab yetame: «Mam na n zaba ne no-rɛɛsdb nins sẽn togsd zĩrẽ zãmsdo, n tudgd mam nebã ne b zĩrẽ wã, la ne b gom-vɩɩdã, tɩ yaool n ka maam n tʋm-ba, la m ka kõ-b noor me ye. Bãmb ka tar yõod ne m nebã ye.»

Zeremi 29:8

Ad Saasẽ-Pãng-Soabã sẽn yaa Israyɛll Wẽnnaamã sẽn yeta: Da sak-y tɩ no-rɛɛsdbã ne bag-bʋgdbã sẽn be yãmb sʋkã tudg-y ye. Da rɩk-y y zãmsdã wa bũmb sẽn yaa sɩd ye.

Ezekiyɛl 21:29

Bõn-kãng yĩnga, Zu-soab a Sẽn-Ka-Saab yetame: «Yaa yãmb sẽn puk y beegrã, la y yel-manesmã fãa sẽn wilg y yel-wẽnã yĩng n kɩt tɩ b tẽeg y kongrã yelle, bala, tẽeg-kãng na n waa ne sɩbgr yãmb zugu. Yãmb na n lʋɩ Babilond dĩmã nugẽ.

A Dãniyɛlle 4:7

Ad bũmb nins mam sẽn yã m zãmsdã pʋga. Wakat ningã mam sẽn wa n gãe m gãagẽ wã: Mam yãnda tɩ-wok bedr sẽn yas dũniyã tẽn-sʋka.

A Miise 3:7

Bãngdbã fãa na n paama yãnde, la bagbã na n paama paoogre, bãmb fãa na n luda b nemsã, yãndã yĩnga. Bala, Wẽnnaam ka na n leb n leokd-b ye.»

Zakari 10:2

Bala, bõn-naandsã sẽn yetã yaa wẽnse. La bagbã vẽnegr yaa zĩrẽ-beed bala. Bãmb zãmsdã yaa belgr zãmsdo, bãmb belsg goamã yaa zaalem. Yaa rẽ n kɩt tɩ nebã yeebd wa piisi. Bãmb sũyã sãamame, b sẽn ka tar pe-kɩɩmã yĩnga.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

Tʋʋma 8:11

Nebã ra kelgda yẽnda neere, bala, yaa daar zãr la a maand a tɩɩmã n yɛɛsd bãmba.

Efɛɛz Rãmba 5:6

Da sak-y tɩ ned belg yãmb ne gom-vɩɩd ye. Bala, yaa bõn-kãens yĩng la Wẽnnaam sũ-puugr sigd kɩɩsdbã zutã.

Yaoolem 13:2

No-rɛɛsa, wall ned sẽn paam vẽnegr zãmsd pʋg sã n wa yik n togs yãmb bãnd wall bõn-bãnde,

Yaoolem 18:14

Bala, buud nins yãmb sẽn na n digã kelgda kinkir bagb ne tɩɩm dãmba. La Sẽn-Ka-Saab sẽn yaa yãmb Wẽnnaamã ka kõt yãmb noor tɩ y maan a woto ye.

Zozuwe 13:22

Israyɛll nebã sẽn kʋ neb nins ne zabr sʋʋgã sʋka, a Bewoor biig a Balaam sẽn yaa bagã rag n naaga be.

Vẽnegre 18:23

Fɩtl vẽenem kõn leb n yãg be ye, la ned kõn leb n wʋm pʋg-paal sɩd ne a pʋg-paalã koees beenẽ yɛs ye. Bala, fo toandbã dag n yaa dũni nin-kãsemse, fo belga soolem dãmbã fãa ne f bagrã.

Vẽnegre 21:8

La sã n yaa ne rabɛɛmbã, la ka-tẽeb rãmbã, la tʋʋm-dẽgd maandbã, la nin-kʋʋdbã, la nin-yoaadbã, la tɩ-maandbã, la wẽn-naands pʋʋsdbã, la zĩrẽ‑be‑nebã fãa, bãmb pʋɩɩr na n yɩɩ tɩ kẽ bugum mogrẽ wã, zĩig ning kidbr sẽn dɩtã. Rẽ yaa kũum a yiib soabã.

Vẽnegre 22:15

Ninsaan-baasã, tɩ-rɩtbã, nin-yoaadbã, nin-kʋʋdbã, wẽnd-naands pʋʋsdbã, la ned ning fãa sẽn nong zĩrẽ la sẽn yagd zĩrẽ paada yɩnga, n ka kẽ tẽngã pʋg ye.

Vẽnegre 9:21

Bãmb ka kos sugr b nin-kʋʋrã la b bag-bʋgrã ne b yoobã la b wagdmã yĩng ye.