Zeremi 27:8 - WẼNNAAM SEBRE 2014

⁸ Buud wall soolem sã n yeel t'a ka sak t'a Nebukatnedzaar soog-a, mam na n sɩbga bu-kãng ne zabr sʋʋga, la ne kom la bã-longdse. Mam na n sãam-a-la zãng ne mam mengã nugu. Maam a Sẽn-Ka-Saab n yeele.

SEBR SÕNGO

⁸ Tẽng ninga fãa, bɩ rĩung ninga fãa sẽn ka na n kẽ a Nabikodonozor, Babilon dĩma, la a tẽeg a yubla tɩ Babilon dĩma palg nag-koodsa raoogã, m na n kɩtame tɩ b pa zabrẽ, tɩ kom lʋɩ b tẽngẽ, tɩ bã-longdem yõk-ba. M na kɩt tɩ Babilon dĩma sõng-ma tɩ m menes tẽn-kãnga.

Zeremi 27:8 Iomraidhean Croise

Zeremi 24:10

Mam na n kɩtame tɩ zabr sʋʋg ne kom la bã-longds kʋ bãmb tɩ b menem dũniyã, n ka leb n zĩnd tẽng ning mam sẽn kõ bãmb ne b yaab-rãmbã pʋgẽ ye.»

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 27:11

La tẽng ning sẽn na n sak-a tɩ Babilond dĩmã balg a yublã la a sak n tũ a raabo, mam na n bas-a lame t'a zĩnd a tẽngẽ ne bãane, n ko. Maam a Sẽn-Ka-Saab n yeele.› »

Zeremi 27:13

Bõe yĩng tɩ f na n bas tɩ zabr sʋʋg ne kom la bã-longds kʋ foom ne f nebã? Bõn-kãens n yaool n na n paam buud ning sẽn na n zãgs-a n ka sak tɩ Babilond dĩmã soog-a wã, wa Sẽn-Ka-Saab sẽn yeelã.

Zeremi 28:14

Bala, Saasẽ-Pãng-Soabã sẽn yaa Israyɛll Wẽnnaamã yetame: «Mam ninga kut balgr buud toay-toayã fãa yublẽ, tɩ b sak Babilond dĩm a Nebukatnedzaare, la yẽnda na n sooga bãmba. Mam kɩtame tɩ yẽnda soog baa ne we-rũmsã.»

Zeremi 28:4

Mam na n kɩtame tɩ b tall Zʋʋda rĩm a Yoyakim biig a Zekoniya, ne Zʋʋda neb nins fãa b sẽn dag n yõg n tall n kẽng Babilondã n wa, bala, mam na n kaoo Babilond dĩmã balgrã. Maam a Sẽn-Ka-Saab n yeele.

Zeremi 29:17

«Saasẽ-Pãng-Soabã yetame: ‹Mam na n tʋma zabr sʋʋg ne kom la bã-longds b yĩnga, la m kɩt tɩ b lebg wa kankam-põaas ned sẽn ka tõe n dɩ ye, b põogrã keelem.

Zeremi 29:18

Mam na n diga bãmb ne zabr sʋʋga, la kom ne bã-longdse. Mam na n kɩtame tɩ dũniyã soolem-dãmbã fãa sã n yãnd bãmb bɩ rabeem-kãseng yõk-ba. Soolem nins fãa mam sẽn na n dig bãmb tɩ b kẽngã pʋsẽ, nebã na n gesa yãmb wa kãab-beedo, wall bũmb sẽn kẽesd rabeem, wall yãnd bũmbu,

Zeremi 40:9

A Safan biig a Ayikam biig a Gedaliya wẽena ne bãmb la ne b nebã n yeele: Sak-y Kalde nebã n da zoe rabeem ye. Kell-y n pa-y tẽngã pʋga, n sak Babilond dĩmã tɩ y na n vɩɩmda bãane.

Ezekiyɛl 14:21

N-yẽe! Zu-soab a Sẽn-Ka-Saab yetame: «Baa ne mam sẽn kɩt tɩ m sɩbg-kãsems a naasã sẽn yaa zabr sʋʋg la kom la rũm-toos ne bã-longds paam Zeruzalɛmã, n na n menes ninsaalbã ne rũmsã,