Zeremi 27:5 - WẼNNAAM SEBRE 2014

⁵ ‹Yaa maam n tẽeg m nug n naan dũniyã ne ninsaalbã la rũmsã sẽn be a pʋgẽ wã ne m pãn-kãsengã, la m dɩkda dũniyã n kõt soab ning sẽn ta-a mam yam.

SEBR SÕNGO

⁵ M wilga m pãnga, n wilg tɩ m mii tʋʋmde la m naana tẽnga, n naan ninsaalba la rũmsa sẽn vɩ wã. Mam sẽn naana m dɩkd-b lame n kõt m sẽn dat a soaba.

Zeremi 27:5 Iomraidhean Croise

Sɩngrẽ 1:25

Wẽnnaam naana we-rũms buud toor-toore, yir rũmsã buud toor-toore, la b naan bõn-bãooneg nins sẽn saagd tẽngã wa sẽn zems b buudu. Wẽnnaam yãame tɩ bõn-kãng yaa sõama.

Sɩngrẽ 9:6

La ninsaal sã n daag a to zɩɩm, ninsaal me n na n daag yẽnda zɩɩm. Bala, Wẽnnaam naana ninsaal wa bãmb mengã wẽnego.

1 Rĩm-dãmbã 8:42

b sẽn wʋm tɩ yãmb yʋʋrã yaa kãseng n tar pãngã, la y maanda tʋʋm-kãsemsã yĩnga, b sã n kẽ ro-kãngã pʋg n pʋʋs yãmba,

Esdras 1:2

Ade, Pɛrs-rãmbã rĩm a Siruus yetame: «Sẽn-Ka-Saab sẽn yaa saasẽ Wẽnnaamã kõo maam pãng tɩ m soog dũniyã soolmã fãa. La b kõo maam tʋʋmd tɩ m me roog Zeruzalɛm, Zʋʋda soolmã pʋg n kõ-ba.

A Neemi 9:22

Yãmb kɩtame tɩ b tõog tẽmse, la buud toay-toaya. Bãmb sooga soolem toay-toaya. Bãmb deega Ɛsbon dĩm a Sihon tẽngã, ne Basan dĩm a Oog tẽngã.

Yɩɩn‑sõamyã 102:25

Rẽ n kɩt tɩ m yeele: «Mam Wẽnnaam, yãmb vɩɩ zamaan woo zamaane! Dẽ wã, bɩ y ra reeg m vɩɩmã a sẽn wat n be a pʋɩ-sʋkã ye.»

Yɩɩn‑sõamyã 96:5

Bala, buud a taabã wẽnnaam-dãmbã fãa yaa zĩrẽ wẽnnaam-dãmbã, la yaa Sẽn-Ka-Saab n naan saasã.

Yikri 20:11

Bala, yaa rasem a yoobã pʋgẽ, la Sẽn-Ka-Saab naan yĩngr la tẽngã, la ko-kãsengã ne bũmb nins fãa sẽn be b pʋsã. La rasem a yopoe wã daare, bãmb vʋʋsame. Yaa rẽ n kɩt tɩ Sẽn-Ka-Saab ning vʋʋsg daarã bark n kɩt t'a yɩ daar sẽn welg toore.

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

A Ezayi 42:5

Ade, Wẽnnaam Sẽn-Ka-Saab sẽn naan saasẽ n ning a zĩigẽ wã, la b yɛdg tẽn-gãongã ne a pʋgẽ teedã, n yaa soab ning sẽn kõt nebã sẽn be a pʋgẽ wã vɩɩmã, la b kɩt tɩ bũmb nins sẽn saagd tẽn-gãongã zugã tar vʋʋsmã yetame:

A Ezayi 44:24

Sẽn-Ka-Saab sẽn yaa yãmb fãagdã, sẽn naan-a yãmb y ma pʋgẽ wã yetame: «Mam yaa Sẽn-Ka-Saabo, maam n naan bũmb fãa. Maam m yembr n yɛdg sa-gãongã, yaa maam n naan tẽn-gãongã.

A Ezayi 45:12

Yaa maam n naan dũniyã, la m naan ninsaalbã sẽn be a pʋgẽ wã. Yaa mam meng nus n yɛdg sa-gãongã, la yaa maam n kɩt t'a ãdsã fãa beẽ.

A Ezayi 48:13

Mam meng nug n vigl dũniyã, la mam nug-rɩtg n yɛdg saagã. Mam sã n bool-ba, b naagda taab n wa mam taoore.

A Ezayi 51:13

Fo yĩmda Sẽn-Ka-Saab yelle, yaool n yaa bãmb n naan foom! Bãmb n yɛdg sa-gãongã la b naan dũniyã! Wakat fãa fo zoeta rabeem sẽn namsd-a foomã sũ-puugrã yĩnga, wa a na n pukame n sãam foom, la namsdã sũ-puugrã bee yɛ?

Zeremi 27:4

Yeel koe-toagsdbã tɩ b tɩ yeel b soaadbã yaa: «Ad Saasẽ-Pãng-Soabã sẽn yaa Israyɛll Wẽnnaamã sẽn yeta: Kẽng-y n tɩ yeel-y y soaadbã yaa:

Zeremi 32:17

«Wẽnnaam Sẽn-Ka-Saabo, yãmb n tẽeg y nug n naan yĩngr la tẽng ne y pãn-kãsengã. Bũmb ka be yãmb sẽn ka tõe ye.

Zeremi 51:15

Sẽn-Ka-Saab naana tẽngã ne b meng pãnga. Bãmb yamã kɩtame tɩ dũniyã beẽ, la b yɛdga sa-gãongã ne b bãngrã.

A Dãniyɛlle 2:38

Wẽnnaam rɩka ninsaalbã fãa, ne we-rũmsã ne liuuli wã sẽn yɩgd yĩngrã, n ning yãmb nugẽ, ba b sẽn be zĩig ning fãa. La b kɩt tɩ yãmb soog bãmb fãa. Dẽ, yaa yãmb la zugã sẽn yaa sãnemã.

A Dãniyɛlle 4:14

Yam-yãk-kãngã yaa noor gũudbã sẽn kõ, La no-kãng yaa malɛgsã yam-yãkre. Sẽn na yɩlẽ tɩ bõn-vɩɩsã bãnge, tɩ yaa Wẽnnaam Sẽn-Ka-To wã n so ninsaalbã rĩungã fãa, bãmb kõt-a-la b sũur sẽn noom ne a soaba. La yaa bãmb n tõe n kɩt tɩ nin-talg wa lebg naaba.

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 4:22

‹B na n diga yãmb n yiis ninsaalbã sʋka, tɩ yãmb tɩ vɩɩmd ne we-rũmsi. La b na n kɩtame tɩ yãmb wãbd yamd wa niigã. Meenem na n dʋʋga yãmba, la yãmb na n vɩɩmda a woto tɩ ta yʋʋm a yopoe, hal tɩ yãmb wa n bãng tɩ yaa Sẽn-Ka-To n so ninsaalbã naamã fãa, la bãmb kõt-a-la b sẽn dat-a soaba.

A Dãniyɛlle 4:25

Bũmb nins fãa a Dãniyɛll sẽn togs rĩm a Nebukatnedzaar wɛɛngẽ wã paama pidsgu.

A Dãniyɛlle 5:18

N-na! Wẽnnaam Sẽn-Ka-To wã rag n kõo yãmb ba a Nebukatnedzaar rĩungã, n kɩt tɩ b yɩ rĩm-kãseng sẽn tar waoogre, la ziiri.

Tʋʋma 14:15

Daopa, yaa bõe tɩ y maand a woto? Tõnd me yaa ninsaalb wa yãmb bala. Tõnd moonda yãmb koe-noog n yet-y tɩ y bas wẽn-naan-kãens sẽn ka tar yõodã la y wẽnemd n sak Wẽnnaam ning sẽn vɩ wã la sẽn naan yĩngr la tẽngã, la ko-kãsengã ne bũmb nins fãa sẽn be a pʋgẽ wã.

Tʋʋma 17:24

Wẽnnaam ning sẽn naan-a dũni wã ne bũmb nins fãa sẽn be a pʋgẽ wã, bãmb yaa yĩngr la tẽng Zu-soaba, la b ka kẽed pʋʋsg rot ninsaalb nus sẽn me pʋsẽ,

Tʋʋma 17:26

Wẽnnaam talla nin-yend n kɩt tɩ ninsaalbã buud fãa zĩnd dũni zug tɛk fãa, la b welga wakat n kõ ninsaalbã, la b ning b soolmã tods n kõ-ba.

Yaoolem 2:19

Yãmb sã n kẽ Amo nebã tẽngẽ, ra zab-y ne-ba, la y ra bao b noor ye. Bala, mam ka na n kõ yãmb bãmb tẽngã baa bilf tɩ y soog ye. Yaa a Lot yagensã la mam kõ tẽn-kãng tɩ b sooge.

Yaoolem 2:21

Bãmb dag n yaa buud sẽn tar pãnga, n yaa wʋsgo, la b yaa nin-wobd wa Anak buudã nebã. Sẽn-Ka-Saab kɩtame tɩ Amo nebã kʋ bãmb n deeg b soolmã n zĩndi.

Yaoolem 2:7

Bala, Sẽn-Ka-Saab sẽn yaa yãmb Wẽnnaamã ninga bũmb ning fãa yãmb sẽn maandã barka. B yãnda y kẽnã fãa we-raoogã pʋgẽ ka. Yʋʋm pis-naas la woto, Sẽn-Ka-Saab sẽn yaa yãmb Wẽnnaamã sẽn be ne yãmba, la bũmb ka paoog yãmb ye.»

Yaoolem 2:9

Sẽn-Ka-Saab yeela maam yaa: Ra yik zabre, la f ra bao Moaab nebã noor ye. Bala, mam ka na n kõ yãmb bãmb tẽngã baa bilf ye. Yaa a Lot yagensã la mam kõ Aar tɩ b sooge.

Yaoolem 32:8

Wakat ning Sẽn-Ka-To sẽn kõ bu-zẽmsã zĩisã, n welg ninsaalbã, bãmb ninga soolmã tods wa sẽn zems Israyɛll nebã sõore.

Yaoolem 4:17

wall rũng sẽn be tẽng zug wẽnego, wall liuuli sẽn yɩgd yĩngrã wẽnego,

Yaoolem 4:25

Yãmb sã n wa rog kamb n paam yagense, la y zĩnd tẽngã pʋgẽ n kaoose, yãmb sã n wa maan wẽnga, n maan bũmb wẽneg t'a yɩ bõn-naandg n kɩɩs Sẽn-Ka-Saab sẽn yaa yãmb Wẽnnaamã, n maan sẽn ka noom bãmba,

Yaoolem 4:32

«M kot-y lame tɩ y sok n bãng bũmb ning sẽn zĩnd wakat nins sẽn loog tɩ yãmb dag n nan ka beẽ wã yelle, sẽn sɩng ne wakat ning bãmb sẽn naan ninsaalbã n ning tẽngã zugã, la y tags n ges zĩigã fãa sẽn be tẽng zugã yell n gese, bõn-kãseng a woto zoe n zĩndame, wall b zoe n wʋma bũmb a woto yell sɩda?

Yaoolem 4:35

B wilga yãmb tɩ y bãng tɩ yaa Sẽn-Ka-Saab n yaa Wẽnnaam. B ka tar to ye.

Yaoolem 5:16

Waoog f ba la f ma, wa Sẽn-Ka-Saab sẽn yaa fo Wẽnnaamã sẽn yeel foomã, n tõog n paam yõ-wok la sũ-noog tẽng ning Sẽn-Ka-Saab sẽn yaa fo Wẽnnaamã sẽn kõ foomã pʋgẽ.

Yaoolem 9:29

Bãmb yaa yãmb mengã nebã, n yaa yãmb soolem y sẽn yiis Ezɩpt tẽng ne y pãn-kãsenga, la ne yãmb nugã sẽn tẽegã pãnga.

Kolos Rãmba 1:16

Bala, bãmb n naan bũmb nins fãa sẽn be yĩngr wall tẽng zugu, sẽn be yãab la sẽn ka tõe n yã, naam gɛyã, rĩm-dãmba, pãn-soaadba, la noyã. Bãmb n naan fãa b mengã yĩnga.

Ebre rãmba 1:2

wakat-kãngã sẽn yaa yaoolem dayã, bãmb tũnuga b Bi-riblã n gom ne tõndo. Wẽnnaam kɩtame tɩ b soog bũmb fãa, la yaa b Bi-riblã la Wẽnnaam tall n naan dũni fãa.

Vẽnegre 4:11

Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.