Zeremi 27:3 - WẼNNAAM SEBRE 2014

³ Maan a taab n tʋm koe-toagsdb nins sẽn wa Zeruzalɛm Zʋʋda rĩm a Sedesiyaas nengẽ wã, tɩ b tɩ kõ Edom dĩmã ne Moaab rĩmã, la Amo nebã rĩmã ne Tɩɩr dĩmã, la Sɩdõ rĩmã.»

SEBR SÕNGO

³ Dẽ poore; fo na n toola a taabã Edom dĩma, Moab dĩma, Amonitsa dĩma, Tir dĩma, la Sidõ dĩma. Woto wã fo na n dɩk-b lame n kɩs sẽn wa-b b dĩm bãmb zĩigẽ, Zerizalɛɛm ka, a Sedesiyas nengẽ, tɩ bãmb na taas-ba b zu-soaben-dãmba.

Zeremi 27:3 Iomraidhean Croise

2 Kibayã 36:13

Yẽnda tol n yik n zẽka a zug ne a Nebukatnedzaar n kɩɩs wẽeneg ning a Nebukatnedzaar sẽn dag n kɩt t'a wẽen ne Wẽnnaam yʋʋrã. Yẽnda kenga a sũurã n ka sak Sẽn-Ka-Saabã ye.

A Ezayi 23:4

Sɩdõ, fo sẽn yaa ko-kãseng pãng zĩigã, zoe yãnde! Bala, ko-kãsengã gomdame n yetẽ yaa: «Mam ka paam dogem toog ye, mam ka rog ye, la m ka wub kom-dibli wall kom-pugli ye.

Zeremi 27:12

Yaa koe-kãng me la mam dag n togs Zʋʋda rĩm a Sedesiyaase: Sak-y tɩ Babilond dĩmã balg y yublã. Sak-y tɩ yẽnda ne a nebã soog-yã, tɩ y paam n vɩɩmde!

Zeremi 27:4

Yeel koe-toagsdbã tɩ b tɩ yeel b soaadbã yaa: «Ad Saasẽ-Pãng-Soabã sẽn yaa Israyɛll Wẽnnaamã sẽn yeta: Kẽng-y n tɩ yeel-y y soaadbã yaa:

Zeremi 28:1

Yʋʋm-kãng pʋgẽ, Zʋʋda rĩm a Sedesiyaas naamã sɩngrẽ, a sẽn deeg a naamã tɩ yʋʋm naaslẽ, kiuug a nu soabã pʋgẽ, Gabawõ tẽng ned a Azʋʋr biig a Hananiya sẽn yaa no-rɛɛsã goma ne maam Sẽn-Ka-Saab roogẽ wã, maan-kʋʋdbã ne nebã fãa taoore, n yeele:

Ezekiyɛl 29:18

«Ninsaala, Babilond dĩm a Nebukatnedzaar kɩtame t'a tãb-biisã modg b meng n maan tʋʋmd sẽn yaa toogo, n na n zab ne Tɩɩr nebã. Bãmb fãa zutã wa n kõogame, tɩ b bãgdã fãa meede. La Babilond dĩmã woo, a tãb-biisã woo, bãmb ba a yembr ka paam yaood tʋʋmd ning b sẽn maan n zab ne Tɩɩr tẽngã yĩng ye.

A Amoose 1:9

Ade, Sẽn-Ka-Saab yetame: Fenisi nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bãmb yõga buud tõr nebã, n tɩ kẽes yembd Edom, la b ka tẽeg kaool ning b sẽn dag n maan ne Israyɛll nebã sẽn yaa b ba-biisã yell ye.