Zeremi 26:6 - WẼNNAAM SEBRE 2014

⁶ mam na n maana ro-kãngã wa m sẽn maan Sɩlo wã, la m kɩt tɩ tẽn-kãngã lebg kãab-wẽnga, buud nins fãa sẽn be dũniyã zugã yĩnga.› »

SEBR SÕNGO

⁶ Ad-y y sã n pa kelg-ba, m na n wãa wẽnd do-kãnga wala m sẽn wã Silo rẽnna la m na n kɩtame tɩ Zerizalɛɛm yɩ tẽng ning f sẽn wat n dat tɩ f bɛ tẽng fãa wẽneg a soab ne sãoongo.› »

Zeremi 26:6 Iomraidhean Croise

2 Rĩm-dãmba 22:19

Mam sẽn wilg m sẽn na n maan Zeruzalɛm ne a nebã bũmb ningã, la m sẽn yeel tɩ m na n sãam-a lame n kɩt t'a yɩ tẽng sẽn ka barkã yĩnga, fo sũurã sãamame, tɩ f sik f meng maam a Sẽn-Ka-Saab taoore. Fo pãrsa f futu, n yãb mam taoore. Woto, mam me wʋmame. Yaa Sẽn-Ka-Saab meng n gome.

A Ezayi 43:28

Dẽ, mam kɩtame tɩ y zĩ-sõngẽ nanambsã lebg bõn-dẽgdo. Mam basame tɩ kãab-wẽng paam a Zakoob yagensã, la m bas tɩ Israyɛll nebã paam tʋʋsgo.

A Ezayi 65:15

Yãmb yʋʋrã na n yɩɩ kãab-wẽng bũmb tɩ neb nins mam sẽn yãkã tar n wẽend n yetẽ yaa: ‹Bɩ Wẽnnaam Sẽn-Ka-Saab kɩt tɩ f ki a woto!› La b na n pʋda b tʋmtʋmdbã yʋʋr a to.

Zeremi 24:9

Mam na n kɩtame tɩ b lebg pelen-yɩk la yel-beed dũniyã soolem-dãmbã fãa yĩnga. Zĩig ning fãa mam sẽn na n dig bãmb tɩ b kẽnge, b na n paooga bãmba, la b na n lebga yel-bũndi. B na n yaala bãmb la b kãab-b wẽnga.

Zeremi 25:18

Mam sɩnga ne Zeruzalɛm ne Zʋʋda tẽmsã, ne Zʋʋda rĩm-dãmbã ne a nanambsã, n kɩt tɩ b lebg ra-boodo, la zĩ-vɩɩdo, tɩ nebã sã n yãnd-b bɩ b yɛɛs n fɩɩle, a kãab-wẽngã yĩnga. Yaa rẽ n kɩt t'a ket n yaa woto hal tɩ ta rũndã.

Zeremi 29:18

Mam na n diga bãmb ne zabr sʋʋga, la kom ne bã-longdse. Mam na n kɩtame tɩ dũniyã soolem-dãmbã fãa sã n yãnd bãmb bɩ rabeem-kãseng yõk-ba. Soolem nins fãa mam sẽn na n dig bãmb tɩ b kẽngã pʋsẽ, nebã na n gesa yãmb wa kãab-beedo, wall bũmb sẽn kẽesd rabeem, wall yãnd bũmbu,

Zeremi 29:22

B na n kɩtame tɩ Zʋʋda neb nins fãa sẽn be yembd Babilondã rɩk nin-bãmbã b yiibã yʋy n kãabd kãab-beedo, n yetẽ: Bɩ Sẽn-Ka-Saab maan foom wa b sẽn maan a Sedesiyaas ne a Akaab n kɩt tɩ b sẽ bãmb bugmẽ wã.

Zeremi 42:18

Bala, maam a Saasẽ-Pãng-Soabã sẽn yaa Israyɛll Wẽnnaamã yetame: «Yãmb naoor sã n tabg Ezɩpt tẽnga, mam sũur sẽn dag n yik ne Zeruzalɛm nebã to-to wã, m sũur na n puuga ne yãmb a woto me. Mam na n kɩtame tɩ nebã sã n yãnd yãmb bɩ rabeem-kãseng yõk-ba, b na n gesa yãmb wa kãab-beedo, wall bũmb sẽn kẽesd rabeem, wall paoogr bũmbu, la yãmb kõn tol n leb n yãnd zĩ-kãngã ye.»

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Kʋʋr yɩɩla 2:15

Neb nins fãa sẽn loogd be wã pãbda b nus yãmb wɛɛngẽ. Bãmb fɩɩndame, la b gõmsd b zut Zeruzalɛm tẽn-neerã wɛɛngẽ n yetẽ: «Tẽng ning b sẽn boond tɩ ‹neer zãngã› la dũniyã gill sũ-noogã la woto bɩ?»

Kʋʋr yɩɩla 2:16

Fo bɛɛbã fãa yaagda b noy n gomd foom wẽnga. Bãmb fɩɩndame, n wãbd b yẽna. Bãmb yetame: «Tõnd vela yẽnda. Yaa ra-kãngã la tõnd sɩd da gũuda. Tõnd ta-a lame! Tõnd yãnd-a lame!»

A Dãniyɛlle 9:11

Israyɛll nebã fãa kɩɩsa yãmb a Wẽnnaam tõogã, la b wẽnemdame n ka kelg yãmb koɛɛgã ye. Rẽ kɩtame tɩ kãab-wẽng ning b sẽn gʋls a Moyiis sẽn yaa yãmb tʋmtʋmdã tõod sebr pʋgẽ wã paam tõndo, tõnd sẽn beeg yãmbã yĩnga.

Zakari 5:3

Dẽ, Malɛɛkã yeela maam yaa: «Yaa kãab-wẽngã n yit n na n zab ne tẽngã zãngã. Sɩd me, kãab-wẽngã yetame tɩ b na n diga wagda wã fãa n yiis tẽngã, a leb n yeelame tɩ b na n diga sẽn wẽend-b zĩrẽ wẽenegã n yiis tẽngã.»

Zozuwe 18:1

Israyɛll nebã tigma taab Silo, n tilg b sɛk roogã beenẽ. Rẽ tɩ b zab n tõoga tẽngã zãnga.