Zeremi 26:5 - WẼNNAAM SEBRE 2014

⁵ la y ka kelg mam tʋmtʋmdbã sẽn yaa no-rɛɛsdbã mam sẽn tʋm yãmb nengẽ naoor wʋsg tɩ y ka kelg-bã,

SEBR SÕNGO

⁵ la reeg-y m bãngdba la m sõgen-kamba, sẽn togsd yãmba wa bũmb sẽn tog kelgre. M tʋm-b-la yãmb nengẽ wakat buud fãa la yãmb pa kelg-b ye.

Zeremi 26:5 Iomraidhean Croise

2 Rĩm-dãmba 17:13

Sẽn-Ka-Saab rag n kɩtame tɩ bãmb no-rɛɛsdbã ne b bãngdbã fãa keoog Israyɛll ne Zʋʋda nebã n yeel-b yaa: «Wẽnemd-y n bas-y y tʋʋm-wẽnsã, n sak mam tõodã ne m noyã, la y sak tõod nins fãa mam sẽn kɩt tɩ m tʋmtʋmdbã ne m no-rɛɛsdbã togs yãmb ba-rãmbã.»

2 Rĩm-dãmba 17:23

B maana woto hal tɩ Sẽn-Ka-Saab wa n wẽnemd b neng n bas-b wa b sẽn dag n kɩt bãmb no-rɛɛsdbã sẽn yaa b tʋmtʋmdbã togsã. La b yiisa Israyɛll nebã b tẽngẽ wã, n tall-b n kẽng Asiiri tẽngã, la b kell n paa be hal tɩ ta rũndã.

2 Rĩm-dãmba 24:2

Dẽ, Sẽn-Ka-Saab kɩtame tɩ Kalde ne Siiri la Moaab ne Amo nin-fãadbã na n wa zab ne a Yoyakim. Sẽn-Ka-Saab tʋma bãmb tɩ b kẽng n tɩ zab ne Zʋʋda nebã n sãam b tẽngã wa Sẽn-Ka-Saab sẽn dag n kɩt tɩ bãmb no-rɛɛsdbã togsã.

2 Rĩm-dãmba 9:7

Fo na n kʋʋ f soaal a Akaab buudã, tɩ mam tõe n dok m sũur ne a Zezabɛlle, yẽnda sẽn dag n daag maam a Sẽn-Ka-Saab no-rɛɛsdbã ne m tʋmtʋmdbã fãa zɩɩmã yĩnga.

Esdras 9:11

Yaa tõod nins yãmb sẽn dag n tũnug y no-rɛɛsdbã n yeel tɩ: Yãmb sẽn dabd n na n tɩ reeg tẽng ning n soogã yaa tẽn-dẽgdo, bala, neb nins sẽn be a pʋgẽ wã yaa rẽgdo. La b maana b tʋʋm-beedã n kɩt t'a pid ne rẽgd zĩiga fãa.

Zeremi 11:7

Bala, mam sẽn dag n yiis y yaab-rãmbã Ezɩptã, mam keooga bãmb n ka bas ye, n yeel-b tɩ b sak m goamã. La mam kell n sagla nebã hal tɩ ta rũndã.

Zeremi 29:19

b sẽn ka kelg mam goamã yĩnga. Maam a Sẽn-Ka-Saab n yeele. Mam yaool n tʋma m tʋmtʋmdbã sẽn yaa no-rɛɛsdbã yãmb nengẽ n ka bas ye. La yãmb ka kelg-b ye. Maam a Sẽn-Ka-Saab n yeele.› »

Zeremi 32:33

Bãmb ka wẽnemd n tees maam ye, b tuda maam b kãare. Mam ka yɛ ne bãmb zãmsg ye, la b yaool n kɩɩsa maam n ka sak m demsgã ye.

Zeremi 35:15

Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye.

Zeremi 35:17

Woto yĩnga, maam a Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: «Mam na n kɩtame tɩ toog ning mam sẽn dag n yeel t'a na n paama Zʋʋda ne Zeruzalɛm nebã fãa wã paam-ba, mam sẽn gom ne bãmb tɩ b ka kelgã yĩnga, la m sẽn bool bãmb tɩ b ka sakã yĩnga.»

Zeremi 44:4

Mam tʋma m tʋmtʋmdbã fãa sẽn yaa no-rɛɛsdbã yãmb nengẽ n ka base, tɩ b wa kos yãmb tɩ y ra maan yel-be-kãngã m sẽn kisã ye!

Zeremi 7:13

Maam a Sẽn-Ka-Saab yetame: «Yãmb sẽn maan bõn-kãens fãa wã yĩnga, mam sẽn gom ne yãmb n leb n gom n ka tol n bas tɩ yãmb ka kelgã, mam sẽn bool yãmb tɩ y ka sakã yĩnga,

Zeremi 7:25

Hal sẽn sɩng ne wakat ning y yaab-rãmbã sẽn yi Ezɩptã n tãag rũndã, mam tʋma m tʋmtʋmdbã fãa sẽn yaa m no-rɛɛsdbã yãmb nengẽ wakat fãa n ka bas ye.

Ezekiyɛl 38:17

Ade, maam a Zu-soab a Sẽn-Ka-Saab yetame: «Rẽ yĩnga, ka fo yell la mam sẽn dag n tũnug mam tʋmtʋmdbã sẽn yaa Israyɛll no-rɛɛsdbã n gom hal kʋdem-wẽndẽ wã sɩda? Wakat-kãense, bãmb dɩka yʋʋm wʋsg n wilg tɩ mam na n kɩtame tɩ fo wa zab ne mam nebã.

A Amoose 3:7

Sẽn-Ka-Saab ka maand bũmbu, tɩ b ka reng n vẽneg-a ne b tʋmtʋmdbã sẽn yaa bãmb no-rɛɛsdbã ye.

Zakari 1:6

La ne rẽ fãa, goam nins la noy nins mam sẽn dag n kɩt tɩ mam tʋmtʋmdbã sẽn yaa no-rɛɛsdbã togsã, ka ta y yaab-rãmbã sɩda?» Bãmb lebg n waame n wa yeel yaa: «Saasẽ-Pãng-Soaba maana tõnd wa b sẽn dag n yãk yam n na n maanã, b maana tõnd wa sẽn zems d nao-kẽndrã ne d yel-manesmã.»

Vẽnegre 10:7

La daar ning malɛɛk a yopoe soabã sẽn wat n segl n na n peeb baorgã, wakat-kãng la Wẽnnaam yel-solemdã na n paam pidsg wa b sẽn dag n togs b tʋmtʋmdbã sẽn yaa bãmb no-rɛɛsdbã koe-noogã.

Vẽnegre 11:18

Soolem toay-toayã rãmb ra yika b sũyã, la yãmb sũ-puugrã waame, la wakat taame tɩ y na n kao neb nins sẽn ki wã bʋʋdo, la y keo y no-rɛɛsdbã sẽn yaa yãmb tʋmtʋmdbã ne y nin-tũusdsã la neb nins sẽn zoet yãmb yʋʋrã, nin-tals la nin-kãsemse, la y sãam neb nins sẽn sãamd tẽngã.