Zeremi 26:3 - WẼNNAAM SEBRE 2014

³ Daarninga, b na n kelgame tɩ b ned kam fãa bas a manesem-wẽngã. Sã n yɩ a woto, mam na n basa wẽng ning m sẽn dag n saagd n dat n maan-b b tʋʋm-wẽnsã yĩngã.

SEBR SÕNGO

³ M saagdame tɩ b na kelge tɩ ned kam fãa bas a wẽnem. M dat n sɩbga b tʋʋm wẽnsã. La b sã n kelge, m na bas n ka sɩbg-b ye.

Zeremi 26:3 Iomraidhean Croise

1 Rĩm-dãmbã 21:27

Rĩm a Akaab sẽn wʋm Wẽnnaam no-rɛɛs a Eli sẽn gomã, a pãrsa a futu, n yeelg sũ-sãang futu, n loe noore. La a rag n gãee ne fu-kãense. La a sã n kẽnda, a kẽnda soaa-soaa.

1 Rĩm-dãmbã 21:29

«Fo yãnda a Akaab sẽn sik a meng to-to mam taoorã bɩ? Yẽnda sẽn sik a meng mam taoorã yĩnga, mam ka na n kɩt tɩ yel-beedã paam-a a sẽn ket n vɩ wã wakat ye. La yaa wakat ning yẽnda biig sẽn wat n dɩt naamã la mam na n kɩt tɩ yel-beedã paam a roogã.»

Zeremi 26:13

Moasã, bɩ y tek y yel-manesmã ne y tʋʋmã. Kelg-y Sẽn-Ka-Saab sẽn yaa yãmb Wẽnnaamã koɛɛgã, tɩ b bas toog ning b sẽn dag n saagd n na n kɩt tɩ wa yãmb zugã vaale.

Zeremi 26:19

Dẽ yĩnga, Zʋʋda rĩm a Ezekɩyaas ne Zʋʋda nebã fãa kʋʋ no-rɛɛs a Miise la? Ayo, rĩm a Ezekɩyaas zoee Sẽn-Ka-Saabo, n kos Sẽn-Ka-Saab tɩ b sik b sũuri. Dẽ, Sẽn-Ka-Saab basa toog ning b sẽn dag n saagd n na n kɩt tɩ wa bãmb zugã tɩ vaale. Tõnd na n maana yel-kãseng a woto n dogl yell d mens zut sɩda?»

Zeremi 36:3

Daarninga, Zʋʋda buudã na n bãnga toog ning mam sẽn segend b yĩngã, tɩ bãmb ned kam fãa tõe n wẽnemd n bas a manesem-wẽngã. Woto, mam na n kõ-b-la sugr b kongrã ne b yel-wẽnã yĩnga.»

Zeremi 36:7

Daarninga, b se-yõkrã na n taa Sẽn-Ka-Saab taoore, la b na n basa b manesem-wẽnsã. Bala, Sẽn-Ka-Saab sũ-yikrã ne b sũ-puugrã yaa kãseng nin-kãensã yĩnga.»

Ezekiyɛl 12:3

La foom a ninsaala, sẽb f teed yembd kẽnd yĩnga. Yi n loog yembd wĩnto-sʋk bãmb nifẽ! Yi zĩig ning fo sẽn beẽ wã n kẽng yembd zĩig a to, bãmb nifẽ. Daarninga, b na yãnd tɩ b yaa buud sẽn yaa tõata.

Ezekiyɛl 18:21

Nin-wẽng sã n bas yel-wẽn nins fãa a sẽn dag n maanã n sak m noyã fãa, n maan wa sẽn zemse, la sẽn yaa tɩrga, a na n vɩɩmdame, a ka na n ki ye.

A Ooze 11:9

Mam ka na n maan wa sẽn zems m sũ-puugrã ye, mam ka na n lebg n wa n sãam Efrayiim nebã ye, bala, mam ka ninsaal ye, mam yaa Wẽnnaam. Mam yaa pʋ-peelem soab n be yãmb sʋka, Mam ka na n lebg n wa tẽngã pʋg ne sũ-puugr ye.

A Zowɛlle 2:14

Ãnda n mi b sã n ka na n tek yam, wall b sã n ka na n ning bark b sã n wa pɩʋʋgdẽ? Wa-y ne bõn-koaadl kũuni, la bõn-yũudl kũuni, n wa kõ Sẽn-Ka-Saab sẽn yaa yãmb Wẽnnaamã.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.