Zeremi 26:18 - WẼNNAAM SEBRE 2014

¹⁸ «Wakat ning a Ezekɩyaas sẽn dag n yaa Zʋʋda rĩmã, Moresɛt dao a Miise rag n togsa Zʋʋda nebã fãa pĩnd-n-bãngr goam n yeele: ‹Ad Saasẽ-Pãng-Soabã sẽn yeta: Sɩyõ na n lebga wa pʋʋg b sẽn gudgi. Zeruzalɛm na n lebga raboogo, la tãng ning Sẽn-Ka-Saab roogã sẽn be-a zugã na n lebga kãgre.›

SEBR SÕNGO

¹⁸ «Zɩɩda dĩma a Ezekiyas wakato, bãngd a ye n zĩnd Moresɛt n boond t'a Mise. A Mise waa n yeela Zɩɩda nebã: ‹Dũni fãa Wẽnda tɩ m wilg-y woto: Siõ na n lebga pʋʋgo tɩ b kooda, Zerizalɛɛm na n lebga raboogo, la wẽnd dooga tãnga na n wuka ne tuudu.›

Zeremi 26:18 Iomraidhean Croise

2 Rĩm-dãmba 19:25

Fo ka bãng tɩ yaa hal daar zãr la mam segl bõn-kãense, tɩ mam maana bãmb hal kʋdem-wẽndẽ? Moasã, mam kɩtdame tɩ b paamd pidsgu, fo tʋʋmd yaa f kɩt tɩ tẽms nins sẽn tar pãngã lebg raboodo.

2 Kibayã 32:26

La baa ne a Ezekɩyaas sẽn da zẽk a mengã, yẽnda ne Zeruzalɛm nebã lɛɛg n sika b mense. Dẽ kɩtame tɩ Sẽn-Ka-Saab sũurã sig tɩ b ka sɩbg bãmb a Ezekɩyaas vɩɩmã wakat ye.

A Neemi 4:2

La bãmb seda ne taab n na n wa zab ne Zeruzalɛm tẽngã n sãam-a.

Yɩɩn‑sõamyã 79:1

A Azaf yɩɩlle. Wẽnnaam, bu-zẽmsã reega yãmb pʋɩɩrã, bãmb dẽgmã yãmb ro-sõngã, bãmb kɩtame tɩ Zeruzalɛm lebg raboogo.

Zeremi 17:3

Mam na n kɩtame tɩ b wʋk y arzegsã ne y paoongã, y yel-wẽn nins yãmb sẽn maan y tẽngã fãa pʋgẽ wã yĩnga.

Zeremi 51:37

Babilond na n lebga kug-rʋre, a na n lebga we-baas yiri, la zĩ-vɩʋʋgo. A na n lebga bõn-yɛɛsdga, la ned kõn leb n zĩnd a pʋgẽ ye.

Zeremi 9:11

Ãnda soab n tar yam n tõe wʋm bõn-kãensã võore? Bɩ Sẽn-Ka-Saab sẽn kõ ned ning bõn-kãens bilgrã togse. Bõe yĩng tɩ tẽngã sãame, n lebg wa we-raoog sẽn dɩ bugum tɩ ned ka leb n tũud be n loogdẽ?

A Miise 1:1

Ad koɛɛg ning Sẽn-Ka-Saab sẽn kõ a Miise sẽn yaa Moresɛt tẽng nedã, Zʋʋda rĩm-dãmb a Zotam, ne a Akaaze, la a Ezekɩyaas sẽn wa n dɩt-b naamã wakatã, la ad vẽnegr ning yẽnda sẽn yã sẽn kẽed ne Samaari la Zeruzalɛm wɛɛngẽ wã:

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.

A Miise 4:1

Wakat n wate, tɩ tãng ning Sẽn-Ka-Saab roogã sẽn tilg a zugã na n lug n yɩɩg tãms taabã, la a na n zẽkame t'a zãntlmã yɩɩg kunkubã zãntlem, La nebã na n zoe n waa beenẽ.

Zakari 8:3

Sẽn-Ka-Saab yetame: «Mam na n lebg n waa Sɩyõ, la m na n zĩnda Zeruzalɛm pʋgẽ. B na n pʋda Zeruzalɛm tɩ «pʋ-peelem Tẽnga» la Saasẽ-Pãng-Soabã tãn-sõngo.»