Zeremi 26:16 - WẼNNAAM SEBRE 2014

¹⁶ Dẽ, nanambsã ne nebã fãa yeela maan-kʋʋdbã ne no-rɛɛsdbã yaa: «Rao-kãngã ka tog ne kũum ye. Bala, yaa ne Sẽn-Ka-Saab sẽn yaa tõnd Wẽnnaamã yʋʋre, la a gom ne tõndo.»

SEBR SÕNGO

¹⁶ B sẽn wʋm woto, nanamsa la neba fãa gilli yeela maan-kʋʋdba la bãngdba: «Nin-kãnga ka tog ne kũum ye, t'a sẽn gom ne tõndã, yaa Soaala, tõnd Wẽnnaama yʋʋr yĩnga la a gom yã!»

Zeremi 26:16 Iomraidhean Croise

A Ɛstɛɛre 4:14

Bala, fo sã n sĩnd f noor yel-kãngã pʋga, Zʋɩf-rãmbã yolsg ne b fãagrã na n yii zĩig a to n wa, la foom ne f ba wã zak-rãmb na n sãama zãnga. Sẽn paase, ãnda n mi sã n ka yell a woto yĩng la fo sẽn lebg rĩm-poakã.»

Yɩɩn‑sõamyã 94:16

Ãnd n na n yik n sõng maam n zab ne tʋʋm-wẽns maandbã? Ãnd n na n yik n yals n sõng-m n zab ne nin-wẽnsã?

Yelbũna 16:7

Ned yel-manesem sã n tat Sẽn-Ka-Saab yam, b kɩtdame tɩ zems-n-taar zĩnd yẽ ne a bɛɛbã sʋka.

Zeremi 26:11

Dẽ, maan-kʋʋdbã ne no-rɛɛsdbã goma ne nanambsã la nebã fãa n yeel-b yaa: «Rao-kãngã toga ne kũum, bala, a togsa pĩnd-n-bãngr gom-toos sẽn kẽed ne tẽn-kãngã wɛɛngẽ, wa yãmb sẽn wʋmã.»

Zeremi 34:10

Dẽ, Zeruzalɛm nanambsã fãa ne neb nins fãa sẽn dag n maan kaoolã sakame n kõ b yem-daadã ne b yem-pogsã lohorem, n ka leb n dɩk-b n maan yembs ye. B sakame n bas-b tɩ b looge.

Zeremi 36:19

La nanambsã yeela a Baruk tɩ yẽnda ne a Zeremi kẽng n tɩ soonde, la b ra sak tɩ ned bãng b sẽn soond zĩig ningã ye.»

Zeremi 36:25

La ba a Ɛlnatan ne a Delaya la a Gemariya sẽn gɩdg t'a ra yõog sebrã bugmã, yẽnda ka kelg bãmb ye.

Zeremi 37:15

Nanambsã sũy yika ne a Zeremi tɩ b pãb-a n kẽes seb-gʋlsd a Zonatã roogẽ wã. Bala, b rag n deega ro-kãng n maan bi-bees roogo.

A Matiye Sõng 27:54

Sodaas koabg naabã ne neb nins sẽn dag be ne yẽnda n gũud a Zeezi wã sẽn yã tẽn-digimdgã ne bũmb ning sẽn maanã, rabeem kãseng yõka bãmb tɩ b yeele: «Hakɩɩka, dao-kãngã yaa Wẽnnaam Bi-ribla.»

A Luk Sõng 23:41

Tõnd yẽ sɩbgrã zemsame. Bala, tõnd deegda sẽn zems d tʋʋmã. La nin-kãngã ka maan bũmb sẽn yaa wẽng ye.»

A Luk Sõng 23:47

Sodaas koabg naabã sẽn yã bũmb ning sẽn maana, a waooga Wẽnnaam n yeel tɩ: Hakɩɩka rao-kãngã rag n yaa nin-tɩrga.

Tʋʋma 23:29

La mam mikame tɩ b sẽn dõt yẽnda wã yaa nokoɛɛm sẽn kẽed ne bãmb mens tõoga yell wɛɛngẽ, la rao-kãngã ka maan bũmb sẽn zems tɩ b kʋ-a wall b kẽes-a bi-bees roog ye.

Tʋʋma 23:9

La bʋr-kãseng yikame, la tõog karen-saam-dãmb kẽer sẽn be Fariizẽ-dãmbã sullẽ wã yikame n kɩɩs ne pãng n yeel tɩ bãmb ka yã bõn-wẽng ne rao-kãngã ye, la tɩ tõeeme tɩ yaa sɩɩg wall malɛɛk n gom ne-a.

Tʋʋma 25:25

La ne maam, mam mikame t'a ka maan tʋʋm wẽng sẽn zems ne kũum ye. La yẽnda meng sẽn yet t'a ratame tɩ rĩm‑kãsengã kaoo a bʋʋdã, mam yãka yam n na n tʋm-a rĩm‑kãsengã nengẽ.