Zeremi 26:13 - WẼNNAAM SEBRE 2014

¹³ Moasã, bɩ y tek y yel-manesmã ne y tʋʋmã. Kelg-y Sẽn-Ka-Saab sẽn yaa yãmb Wẽnnaamã koɛɛgã, tɩ b bas toog ning b sẽn dag n saagd n na n kɩt tɩ wa yãmb zugã vaale.

SEBR SÕNGO

¹³ Sẽn ya woto wã marsã, bɩ y maneg n dɩk soy-sõma, maan-y tʋʋm sõma, kelg-y Soaala sẽn togse. Woto b kõn bas yel-beedã b sẽn togsã t'a lʋɩ y zug ye.

Zeremi 26:13 Iomraidhean Croise

Yikri 32:14

Dẽ, Sẽn-Ka-Saab basame n ka maan bãmb nebã wẽng ning bãmb sẽn dag n yeel tɩ b na n maaname wã.

A Ezayi 1:19

Yãmb sã n sak n kelg maam, yãmb na n dɩɩ tẽngã bõn-sõamyã fãa.

A Ezayi 55:7

Bɩ nin-wẽng bas sor ning a sẽn tũudã, la bɩ tʋʋm-wẽns maandã bas a tags wẽnsã, n lebg n wa Sẽn-Ka-Saab nengẽ, tɩ tõnd Wẽnnaamã sẽn kõt sugr wʋsgã, tõe n zoe yẽnda nimbãanega.

Zeremi 11:4

Yaa kaool ning mam sẽn maan ne y yaab-rãmbã daar ning mam sẽn yiis bãmb Ezɩpt tẽngã sẽn dag n yaa toog wa kut boaagã. Mam yeela bãmb tɩ b kelg maam, la b maan bũmb nins fãa mam sẽn yeel-bã. Woto, bãmb na n yɩɩ mam nebã, la mam na n yɩɩ bãmb Wẽnnaam.

Zeremi 18:11

La moasã, mam kota foom tɩ f yeel Zʋʋda ne Zeruzalɛm nebã yaa: Ade, Sẽn-Ka-Saab yetame: «Mam segenda toog y yĩnga, mam saagda zabr y yĩnga. Dẽ, bɩ yãmb ned kam fãa tek yam n bas a manesem-wẽnsã. Tek-y y manesmã ne y tʋʋmã!»

Zeremi 18:8

t'a tek yam n bas wẽng ning a sẽn dag n maandã, mam me na n teka yam n bas wẽng ning m sẽn dag n saagd a yĩngã.

Zeremi 26:19

Dẽ yĩnga, Zʋʋda rĩm a Ezekɩyaas ne Zʋʋda nebã fãa kʋʋ no-rɛɛs a Miise la? Ayo, rĩm a Ezekɩyaas zoee Sẽn-Ka-Saabo, n kos Sẽn-Ka-Saab tɩ b sik b sũuri. Dẽ, Sẽn-Ka-Saab basa toog ning b sẽn dag n saagd n na n kɩt tɩ wa bãmb zugã tɩ vaale. Tõnd na n maana yel-kãseng a woto n dogl yell d mens zut sɩda?»

Zeremi 26:3

Daarninga, b na n kelgame tɩ b ned kam fãa bas a manesem-wẽngã. Sã n yɩ a woto, mam na n basa wẽng ning m sẽn dag n saagd n dat n maan-b b tʋʋm-wẽnsã yĩngã.

Zeremi 35:15

Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye.

Zeremi 36:3

Daarninga, Zʋʋda buudã na n bãnga toog ning mam sẽn segend b yĩngã, tɩ bãmb ned kam fãa tõe n wẽnemd n bas a manesem-wẽngã. Woto, mam na n kõ-b-la sugr b kongrã ne b yel-wẽnã yĩnga.»

Zeremi 38:20

La a Zeremi leokame: «B ka na n bas yãmb bãmb nugẽ ye. M kot-y lame tɩ y kelg Sẽn-Ka-Saab sẽn yeel maam tɩ m togs-y koɛɛg ningã. Woto, bũmb kõn maan yãmba, la y na n vɩɩmdame.

Zeremi 42:10

‹Yãmb sã n kell n pa tẽn-kãngã pʋgẽ, mam na n vigl-y lame, m ka na n sãam-y ye. Mam na n sel-y lame, m ka na n võ-y ye. Bala, mam sũur sãama ne mam sẽn kɩt tɩ toog ning paam yãmbã.

Ezekiyɛl 33:11

Yeel-b tɩ maam a Zu-soab a Sẽn-Ka-Saab sẽn vɩ wã wẽendame n yetẽ: ‹Dẽ yĩnga, mam daab yaa tɩ nin-wẽng na ki bɩ, yaa t'a na tek yam n bas a manesem-wẽngã n paam n vɩɩmde! Wẽnemd-y-yã! Wẽnemd-y n bas-y y manesem-wẽngã! Israyɛll buudu, bõe tɩ yãmb tog n ki?›

A Zowɛlle 2:14

Ãnda n mi b sã n ka na n tek yam, wall b sã n ka na n ning bark b sã n wa pɩʋʋgdẽ? Wa-y ne bõn-koaadl kũuni, la bõn-yũudl kũuni, n wa kõ Sẽn-Ka-Saab sẽn yaa yãmb Wẽnnaamã.

A Zonaase 3:9

Bala, ãndã n mi Wẽnnaam sã n ka na n sik b sũuri, tɩ d paam n põse?»

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.

Yaoolem 32:36

N-yẽe! Sẽn-Ka-Saab n na n kao b nebã bʋʋdo. Bãmb sã n yãnd tɩ b nebã pãng sɛɛme, tɩ yembs ne burkĩmb ka leb n beẽ, bãmb na n zoee b tʋmtʋmdbã nimbãanega.

Ebre rãmba 5:9

La b sẽn wa n kɩt tɩ bãmb zems zãnga, bãmb waa ne fãagr sẽn kõn sa, neb nins fãa sẽn sakd bãmbã yĩnga.

Bʋ-kaoodba 2:18

Sẽn-Ka-Saab sã n dag n yãk bʋ-kaood n kõ Israyɛll nebã, Sẽn-Ka-Saab meng n dag n be ne bʋ-kaoodã a vɩɩm tɛka, n sõngd-a t'a tõogd n fãagd Israyɛll nebã ne b bɛɛbã. Bala, bãmb wõosgã pʋga, la neb nins sẽn maand bãmb pãng n namsd-bã yĩnga, Sẽn-Ka-Saab zoeta bãmb nimbãanega.