Zeremi 24:9 - WẼNNAAM SEBRE 2014

⁹ Mam na n kɩtame tɩ b lebg pelen-yɩk la yel-beed dũniyã soolem-dãmbã fãa yĩnga. Zĩig ning fãa mam sẽn na n dig bãmb tɩ b kẽnge, b na n paooga bãmba, la b na n lebga yel-bũndi. B na n yaala bãmb la b kãab-b wẽnga.

SEBR SÕNGO

⁹ Woto dũni wã rĩunda na yãend a Sedesiyas n yɛɛse. M sẽn na n sẽeg-b zĩig ning fãa, yẽ yellã n na n lʋɩ taoore; al tɩ b sã n dat n la, bɩ n tʋ, bɩ n pʋd yɩɩlle, bɩ n kãab kãab beedo, yẽ bal la b bẽt n gomda.

Zeremi 24:9 Iomraidhean Croise

1 Rĩm-dãmbã 9:7

mam na n yiisa Israyɛll nebã tẽng ning mam sẽn kõ-bã pʋgẽ, la mam na n zãaga m meng ne roog ning mam sẽn welg toor m yʋʋrã yĩngã. Woto, Israyɛll nebã na n lebga wa bõn-yaalga, la buud a taabã na n yaala bãmba.

2 Kibayã 7:20

mam na n yiis-y-la m tẽngẽ wã, tẽng ning m sẽn dag n kõ y yaab-rãmba pʋgẽ, la ro-kãngã m sẽn welg toor m yʋʋrã yĩngã, m na n bas-a lame, la bu-zẽmsã fãa na n paoog-y lame, la b la-yã.

Yɩɩn‑sõamyã 69:11

Mam loee noor n yãbe, la rẽ waa ne tʋy mam zugu.

A Ezayi 43:28

Dẽ, mam kɩtame tɩ y zĩ-sõngẽ nanambsã lebg bõn-dẽgdo. Mam basame tɩ kãab-wẽng paam a Zakoob yagensã, la m bas tɩ Israyɛll nebã paam tʋʋsgo.

A Ezayi 65:15

Yãmb yʋʋrã na n yɩɩ kãab-wẽng bũmb tɩ neb nins mam sẽn yãkã tar n wẽend n yetẽ yaa: ‹Bɩ Wẽnnaam Sẽn-Ka-Saab kɩt tɩ f ki a woto!› La b na n pʋda b tʋmtʋmdbã yʋʋr a to.

Zeremi 15:4

Mam na n kɩtame tɩ dũniyã soolem-dãmbã fãa sã n yãnd bãmba, bɩ rabeem-kãseng yõk-ba, Zʋʋda rĩm a Ezekɩyaas sẽn yaa a Manaase biigã sẽn maan bũmb nins Zeruzalɛm pʋgẽ wã yĩnga.»

Zeremi 19:8

Mam na n kɩtame tɩ tẽn-kãngã lebg bõn-yɛɛsdga. So-loaadbã fãa na n yãnda a poglgã tɩ b pɛleng yɩke. Bãmb na n yɛɛsame n fɩɩle.

Zeremi 25:18

Mam sɩnga ne Zeruzalɛm ne Zʋʋda tẽmsã, ne Zʋʋda rĩm-dãmbã ne a nanambsã, n kɩt tɩ b lebg ra-boodo, la zĩ-vɩɩdo, tɩ nebã sã n yãnd-b bɩ b yɛɛs n fɩɩle, a kãab-wẽngã yĩnga. Yaa rẽ n kɩt t'a ket n yaa woto hal tɩ ta rũndã.

Zeremi 26:6

mam na n maana ro-kãngã wa m sẽn maan Sɩlo wã, la m kɩt tɩ tẽn-kãngã lebg kãab-wẽnga, buud nins fãa sẽn be dũniyã zugã yĩnga.› »

Zeremi 29:18

Mam na n diga bãmb ne zabr sʋʋga, la kom ne bã-longdse. Mam na n kɩtame tɩ dũniyã soolem-dãmbã fãa sã n yãnd bãmb bɩ rabeem-kãseng yõk-ba. Soolem nins fãa mam sẽn na n dig bãmb tɩ b kẽngã pʋsẽ, nebã na n gesa yãmb wa kãab-beedo, wall bũmb sẽn kẽesd rabeem, wall yãnd bũmbu,

Zeremi 29:22

B na n kɩtame tɩ Zʋʋda neb nins fãa sẽn be yembd Babilondã rɩk nin-bãmbã b yiibã yʋy n kãabd kãab-beedo, n yetẽ: Bɩ Sẽn-Ka-Saab maan foom wa b sẽn maan a Sedesiyaas ne a Akaab n kɩt tɩ b sẽ bãmb bugmẽ wã.

Zeremi 34:17

Bõn-kãng yĩnga, maam a Sẽn-Ka-Saab yetame: ‹Yãmb ned kam fãa rag n tog n kõ a yamb lohorem, t'a yaa y saam-biiga, la yãmb ka kelg maam ye.› Woto yĩnga, maam a Sẽn-Ka-Saab yetame: ‹Mam na n basame tɩ zabr sʋʋg ne bã-longds la kom kʋ yãmba, la mam na n kɩtame tɩ dũniyã soolem-dãmbã fãa sã n yãnd yãmba, bɩ rabeem-kãseng yõk-ba.

Zeremi 42:18

Bala, maam a Saasẽ-Pãng-Soabã sẽn yaa Israyɛll Wẽnnaamã yetame: «Yãmb naoor sã n tabg Ezɩpt tẽnga, mam sũur sẽn dag n yik ne Zeruzalɛm nebã to-to wã, m sũur na n puuga ne yãmb a woto me. Mam na n kɩtame tɩ nebã sã n yãnd yãmb bɩ rabeem-kãseng yõk-ba, b na n gesa yãmb wa kãab-beedo, wall bũmb sẽn kẽesd rabeem, wall paoogr bũmbu, la yãmb kõn tol n leb n yãnd zĩ-kãngã ye.»

Zeremi 44:12

Mam na n deega Zʋʋda bu-kellã, neb nins sẽn yãk yam n na n tɩ zĩnd sãand Ezɩptã fãa n kɩt tɩ b ki beenẽ. Zabr sʋʋg ne kom na n kʋʋ bãmba. Bãmb fãa na n kiime, sẽn sɩng ne nin-talsã tɩ ta nanambsã. Zabr ne kom n na n kʋ bãmba, la neb nins fãa sẽn na n yãnd bãmbã, rabeem-kãseng n na n yõk-ba. B na n geta bãmb wa bũmb sẽn kẽesd rabeem, kãab-beedo, la paoogr bũmbu.

Zeremi 44:13

Mam na n sɩbga neb nins sẽn be Ezɩptã ne zabr sʋʋga, la kom ne bã-longdse, wa m sẽn dag n sɩbg Zeruzalɛm nebã.

Zeremi 44:22

Sẽn-Ka-Saab yam dag n yii ne yãmb tʋʋm-wẽnsã ne yel-beed nins yãmb sẽn maanã. La yãmb tẽngã lebga raboogo, la zĩ-vɩʋʋgo, ne kãab-beedo, tɩ ned ba a yembr ka leb n be beenẽ ye. Yaa rẽ n kɩt t'a ya a woto hal tɩ ta rũndã.

Ezekiyɛl 23:46

Ad maam a Zu-soab a Sẽn-Ka-Saab sẽn yeta: «Tigim neb kʋʋng tɩ b wa zab ne-ba, n kẽes-b rabeem-kãseng la b fã-ba.»

Ezekiyɛl 25:3

Yeel Amo nebã tɩ b kelg Zu-soab a Sẽn-Ka-Saab koɛɛga! Ade, Zu-soab a Sẽn-Ka-Saab yetame: ‹Yãmb laa ha, ha, ha›, b sẽn dẽgem m sɛk zĩigã, la b sãam m tẽngã n tall Zʋʋda nebã n kẽng yembdã yĩnga.

Ezekiyɛl 26:2

«Ninsaala, Tɩɩr nebã goma Zeruzalɛm n yeel tɩ: ‹Ha, ha, ha! B wãa tẽng ning sẽn dag yaa nebã fãa rignoorã! Tõnd n na n deeg yẽnda zĩiga. D na n lebga arzegs rãmba, bala, Zeruzalɛm lebga raboogo!›

Ezekiyɛl 5:8

bõn-kãens yĩnga, Zu-soab a Sẽn-Ka-Saab yetame: ‹Gese, mam mengã zabda ne foom, la m na n kao-f bʋʋd buud toay-toayã nifẽ.›

Yaoolem 28:25

Sẽn-Ka-Saab na n kɩtame tɩ yãmb bɛɛbã tõog yãmba. Yãmb na n tũu sor a ye n tɩ zab ne-ba, la y bɛɛbã na n diga yãmb tɩ y tũ soay a yopoe n zoe. La yãmb na n kẽe dũniyã nebã fãa soolem pʋsẽ n lebg wa bõn-wẽnga.

Yaoolem 28:37

Sẽn-Ka-Saab sẽn na n tall yãmb n kẽng zĩig ning fãa, nebã na n yɛɛsame, la b rɩk yãmb yellã n maan yel-bũndi, la b yaal yãmba.