Zeremi 24:7 - WẼNNAAM SEBRE 2014

⁷ Mam na n kõo bãmb yam tɩ b bãng tɩ mam yaa Sẽn-Ka-Saabo. Bãmb sã n lebg n wa mam nengẽ ne b sũur fãa, b na n yɩɩ mam neba, la mam na n yɩɩ bãmb Wẽnnaam.› »

SEBR SÕNGO

⁷ M na kɩt tɩ b bãng tɩ maam la Soaala. B na n lɛɛg n wa kẽe maam ne b sũur fãa. B na lebg m buudu tɩ m lebg b Wẽnnaam.»

Zeremi 24:7 Iomraidhean Croise

2 Kibayã 6:38

Bãmb sã n zĩnd b yembdã tẽng pʋg n wẽnemd n bao yãmb ne b sũyã fãa, ne b yamã fãa, la b sã n wẽnemd n tees soolem ning yãmb sẽn kõ b yaab-rãmbã, la tẽng ninga, la roog ning mam sẽn me yãmb yʋʋrã yĩngã n pʋʋse,

Yɩɩn‑sõamyã 119:2

Bark bee neb nins sẽn sakd bãmb no-tũudsã zutu, neb nins sẽn baood bãmb ne b sũyã fãa wã!

A Ezayi 51:16

Mam ninga mam goamã fo noorẽ, la m luda foom ne mam nugã maasem, n yɛdg sa-gãong la m kɩt tɩ tẽn-gãong beẽ, la m yeel Sɩyõ yaa: «Yãmb yaa mam nebã!»

Zeremi 11:4

Yaa kaool ning mam sẽn maan ne y yaab-rãmbã daar ning mam sẽn yiis bãmb Ezɩpt tẽngã sẽn dag n yaa toog wa kut boaagã. Mam yeela bãmb tɩ b kelg maam, la b maan bũmb nins fãa mam sẽn yeel-bã. Woto, bãmb na n yɩɩ mam nebã, la mam na n yɩɩ bãmb Wẽnnaam.

Zeremi 29:10

Maam a Sẽn-Ka-Saab yetame: «Yãmb sẽn na n zĩnd Babilondã sã n wa pid yʋʋm pis-yopoe, mam na n sõnga yãmba, n pids kãab-noog ning m sẽn dag n kãab yãmbã, n kɩt tɩ y lebg n wa zĩ-kãngã.

Zeremi 3:10

La ne rẽ fãa, Zʋʋda nebã sẽn yaa Israyɛll nebã saam-biisã sẽn yaa zãmb dãmbã ka lebg n wa mam nengẽ ne b sũyã fãa ye. B rag n ka be sɩdã pʋg ye. Maam a Sẽn-Ka-Saab n yeele.»

Zeremi 30:22

Yãmb na n leb n yɩɩ mam neba, la mam na n yɩɩ yãmb Wẽnnaam.

Zeremi 7:23

Ad mam sẽn kõ bãmb noor ninga: «Sak m koɛɛgã tɩ m na n yɩɩ yãmb Wẽnnaam, tɩ yãmb yɩ mam nebã. Sak-y n maan-y bũmb nins fãa mam sẽn yeel bãmb tɩ y maanã tɩ y vɩɩm yɩ noogo.»

Ezekiyɛl 11:17

Yaa rẽ tɩ Zu-soab a Sẽn-Ka-Saab yetẽ yaa: «Ade, mam na n tigsa yãmb buud a taabã fãa sʋka, mam na n yiisa yãmb tẽms nins yãmb sẽn sãeeg n tɩ beẽ wã, la m leb n kõ yãmb Israyɛll tẽngã.

Ezekiyɛl 14:11

sẽn na n yɩlẽ tɩ Israyɛll buudã ra leb n kẽ moog n zãag ne maam, la b ra leb n maan yel-wẽn nins fãa b sẽn maanã, n dẽgem b mens ye. Dẽ, bãmb na n yɩɩ mam neba, la mam na n yɩɩ bãmb Wẽnnaam. Maam a Zu-soab a Sẽn-Ka-Saab n yeele.»

Ezekiyɛl 16:62

Mam na n leb n maana kaool ne foom, la fo na n bãngame tɩ mam yaa Zu-soab a Sẽn-Ka-Saabo,

Ezekiyɛl 37:23

Bãmb kõn leb n dẽgem b mens ne b wẽn-naandsã, la b yel-yoodã, la ne b beegrã buud fãa ye. Mam na n fãaga bãmb ne zĩis nins fãa bãmb sẽn zĩnd n maan yel-wẽnã, la m yɩlg-ba. Bãmb na n yɩɩ mam neba, la maam, mam na n yɩɩ bãmb Wẽnnaam.

Ezekiyɛl 37:27

Mam na n zĩnda b sʋka. Mam na n yɩɩ bãmb Wẽnnaam, la bãmb na n yɩɩ mam nebã.

Ezekiyɛl 39:22

Sẽn sɩng ne badaare, Israyɛll buudã na bãng tɩ mam yaa Sẽn-Ka-Saab sẽn yaa bãmb Wẽnnaam.› »

A Ooze 2:22

Fo na n yɩɩ mam pag maan-sɩd pʋga, la fo na n bãnga maam a Sẽn-Ka-Saabo.

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

Zakari 8:8

Mam na n lebg n tall-b lame n wa, la bãmb na n zĩnda Zeruzalɛm pʋgẽ. Bãmb na n yɩɩ mam neba, la mam na n yɩɩ bãmb Wẽnnaam, n yaa sɩd soaba, la tɩrlem soaba.»

Rom Dãmba 6:17

La Wẽnnaam sõngr yĩnga, yãmb sẽn dag n ya yel-wẽnã yembsã, yãmb saka tẽeb yẽbgr noyã b sẽn togs yãmbã ne yamleoogo.

Ebre rãmba 11:16

La sɩd-sɩdã, b rat n paama ba-yir sẽn yaa sõama n yɩɩd pĩnd soabã, sẽn be yĩngri. Dẽnda n kɩt tɩ yãnd ka tar Wẽnnaam, nebã sã n yet tɩ Wẽnnaam yaa bãmb Wẽnnaam ye. Bala, Wẽnnaam segla tẽng b yĩnga.

Ebre rãmba 8:10

Zu-soabã yeelame yaa: Ad kaool ning mam sẽn na n maan ne Israyɛll buudã da-kãsemsã loogr zugẽ: Mam na n ninga m tõodã b yamẽ wã, mam na n gʋls-b-la b sũyẽ wã. Mam na n yɩɩ bãmb Wẽnnaam, la bãmb na n yɩɩ mam nebã.

1 Sãmwɛlle 7:3

La a Sãmwɛll yeela Israyɛll buudã fãa yaa: «Sã n mikame tɩ yaa ne y sũyã fãa la y rat n lebg n tũ Sẽn-Ka-Saabo, bɩ y yiis bu-zẽmsã wẽnnaam-dãmbã, ne Astarte wẽn-naandsã yãmb sʋka. La y wẽnemd y sũyã n kõ Sẽn-Ka-Saabo, la y tũ bãmb b yembr bala. Woto, bãmb na n fãaga yãmb Filistẽ-dãmbã nusẽ.»