Zeremi 24:10 - WẼNNAAM SEBRE 2014

¹⁰ Mam na n kɩtame tɩ zabr sʋʋg ne kom la bã-longds kʋ bãmb tɩ b menem dũniyã, n ka leb n zĩnd tẽng ning mam sẽn kõ bãmb ne b yaab-rãmbã pʋgẽ ye.»

SEBR SÕNGO

¹⁰ Yel-beed ka tɛk na n lʋɩ-la b zugu: zabr-sʋʋga, kom, la bã-longdem, n wa menes-b zãnga tẽng ning m sẽn da reeg n kõ b yaab rãmba la bãmb mense.

Zeremi 24:10 Iomraidhean Croise

1 Rĩm-dãmbã 14:15

Sẽn-Ka-Saab na n sɩbga Israyɛlle, la b miim-a wa tãnwĩig sẽn be koom noore. Sẽn-Ka-Saab na n yiisa Israyɛll nebã tẽn-sõng-kãngã bãmb sẽn dag n kõ b yaab-rãmbã pʋgẽ, n kɩt tɩ b sãeeg n kẽng hal Efrat kʋɩlgã rʋʋnde. Bala, bãmb peesa ra-lugds wẽn-naan-poak a Aseera yĩng n kɩt tɩ Sẽn-Ka-Saab sũurã puugi.

A Ezayi 51:19

Yel-bãmbã b yiibã sẽn paam foomã, ãnda soab n na n yãb foom? Wãabo, la sãoong paama foom, kom la tẽn-kũum paama foom. Ãnda soab n na n bels foom?

Zeremi 14:12

Ba b sã n loe noore, mam ka na n kelg b sũ-sãang kelemsã ye. Ba b sã n wa ne maand sẽn yõogd bugum ne bõn-koaadl kũuni, mam ka na n deeg ye. Mam na n kʋ b fãa gill ne zabr sʋʋga, la ne kom la bã-longdse.»

Zeremi 15:2

Ba b sã n sok foom tɩ yɛɛnẽ la b na n kẽnge, bɩ f leok-b tɩ maam a Sẽn-Ka-Saab yetame: Sẽn tog-a ne kũum, bɩ a ki! Sẽn tog n pa-a tãpẽ, bɩ a pa tãpẽ! Sẽn tog n ki-a kom, bɩ a ki kom! Sẽn tog-a ne yembdo, bɩ a loog yembdo!»

Zeremi 16:4

Bãas n na n kʋ-ba, la neb ka na n yãb b yĩnga, wall b mum-b ye. Bãmb na n yɩɩ birg tẽn-gãongã yĩnga. B na n paa tãpẽ, la kom na n kʋʋ bãmb tɩ b lebg yĩngr bõn-yɩgdɩ ne we-rũms rɩɩbo.»

Zeremi 19:7

Mam na n kɩtame tɩ bũmb nins Zʋʋda nebã ne Zeruzalɛm nebã sẽn dat n maanã lebg zaalem zĩ-kãngã pʋgẽ. La bãmb mensã, zabr sʋʋg n na n kʋ b nebã. B bɛɛb na n tõog-b lame tɩ b pa tãp pʋgẽ. La mam na n kɩtame tɩ b lebg yĩngr bõn-yɩgdɩ ne we-rũms rɩɩbo.

Zeremi 21:9

Ned sã n pa tẽn-kãngã pʋgẽ, zabr sʋʋg wall kom bɩ bã-loangdg n na n kʋ a soaba. La soab ning sẽn na n yi n dɩk a meng n kõ Kalde neb nins sẽn gũbg Zeruzalɛm tẽngã, b ka na n kʋ a soab ye, a na n vɩɩmdame.

Zeremi 27:8

Buud wall soolem sã n yeel t'a ka sak t'a Nebukatnedzaar soog-a, mam na n sɩbga bu-kãng ne zabr sʋʋga, la ne kom la bã-longdse. Mam na n sãam-a-la zãng ne mam mengã nugu. Maam a Sẽn-Ka-Saab n yeele.

Zeremi 29:17

«Saasẽ-Pãng-Soabã yetame: ‹Mam na n tʋma zabr sʋʋg ne kom la bã-longds b yĩnga, la m kɩt tɩ b lebg wa kankam-põaas ned sẽn ka tõe n dɩ ye, b põogrã keelem.

Zeremi 29:18

Mam na n diga bãmb ne zabr sʋʋga, la kom ne bã-longdse. Mam na n kɩtame tɩ dũniyã soolem-dãmbã fãa sã n yãnd bãmb bɩ rabeem-kãseng yõk-ba. Soolem nins fãa mam sẽn na n dig bãmb tɩ b kẽngã pʋsẽ, nebã na n gesa yãmb wa kãab-beedo, wall bũmb sẽn kẽesd rabeem, wall yãnd bũmbu,

Zeremi 32:24

B zamda tom-dʋy n na n deeg tẽngã. B na n basa tẽngã Kalde rãmbã sẽn zabd ne-a wã nugẽ. B na n tõog-a-la ne zabr sʋʋga, la ne kom la bã-longdse. Yãmb meng neeme tɩ y sẽn dag n gom bũmb ning yellã pidsg wakat taame.

Zeremi 32:25

La ne rẽ fãa, yãmb a Sẽn-Ka-Saab yeela maam tɩ m da pʋʋg ne ligdi, kaset dãmb taoore, baa ne tẽngã sẽn be Kalde rãmbã nugẽ wã!»

Zeremi 34:17

Bõn-kãng yĩnga, maam a Sẽn-Ka-Saab yetame: ‹Yãmb ned kam fãa rag n tog n kõ a yamb lohorem, t'a yaa y saam-biiga, la yãmb ka kelg maam ye.› Woto yĩnga, maam a Sẽn-Ka-Saab yetame: ‹Mam na n basame tɩ zabr sʋʋg ne bã-longds la kom kʋ yãmba, la mam na n kɩtame tɩ dũniyã soolem-dãmbã fãa sã n yãnd yãmba, bɩ rabeem-kãseng yõk-ba.

Zeremi 42:17

Neb nins fãa sẽn na n yãk yam n kẽng n tɩ zĩnd sãand Ezɩptã, zabr ne kom la bã-longds n na n kʋ-ba, la bãmb ned ba a yembr kõn põs toog ning mam sẽn na n kɩt tɩ wa b zugã ye.»

Zeremi 42:22

Rẽ yĩngã, bãng-y tɩ moasã, zabr ne kom la bã-longds na n kʋʋ yãmb zĩig ning y sẽn dat n kẽng n tɩ zĩnd sãandã pʋgẽ.»

Zeremi 5:12

Bãmb kɩɩsame tɩ b ka mi Sẽn-Ka-Saab ye. Bãmb yeelame: «Sẽn-Ka-Saab ka tõe n maan fɩ ye. Toog ka na n paam tõnd ye. Tõnd ka na n yãnd zabr bɩ kom ye!

Zeremi 9:15

Mam na n kɩtame tɩ b sãeeg n kẽng bu-zẽms bãmb ne b yaab-rãmbã sẽn ka mi sʋka. La m na n kɩtame tɩ b rig bãmb ne zabr sʋʋga, hal tɩ m menes-b zãnga.»

Zeremi 9:16

Saasẽ-Pãng-Soabã yetame: Tags-y-yã! Bool-y pagb sẽn mi yãbrã tɩ b wa. Kẽng-y n tɩ bool-y sẽn mi-b yãbr sõamã wã tɩ b wa!

Ezekiyɛl 33:27

Ad fo sẽn na n yeel tɩ bũmb ninga: ‹Zu-soab a Sẽn-Ka-Saab yetame: Hakɩɩka! Mam wẽenda ne m menga, tɩ neb nins sẽn be tẽngã rabood pʋsẽ wã fãa na n paa tãpẽ, la mam na n kɩtame tɩ sẽn be-b wetẽ wã lebg we-rũms rɩɩbo, la bã-loangdg na n kʋʋ sẽn be-b tãms sẽgsẽ wã, ne sẽn be-b tãms bogdẽ wã.

Ezekiyɛl 6:11

Ad Zu-soab a Sẽn-Ka-Saab sẽn yeta: «Mobg f noor n gir f zug Israyɛll buudã yel-beedã yĩnga, la ne bãmb sẽn na n ki ne zabr sʋʋgã yĩnga, la kom ne bãn-longdsã yĩng n yeel tɩ kayto!

Ezekiyɛl 7:15

Yɩnga, zabr sʋʋga! Pʋgẽ, bã-longds la kom! Sẽn be-a weoogẽ na n kii ne zabr sʋʋga. La sẽn be-a tẽngã pʋga, kom la bã-loangdg n na n kʋ-a.

Yaoolem 28:21

Sẽn-Ka-Saab na n kɩtame tɩ bã-loangdg yõk yãmb hal n sãam-y zãng n kɩt tɩ y wa menem tẽng ning yãmb sẽn na n kẽ n soogã pʋgẽ.

Vẽnegre 6:8

Mam gesame la mam yãnda wed-moaag t'a kõbgã yaa kẽeg-kẽega. Sẽn dag n zao-a yẽnda wã yʋʋr boondame t'a kũum, la kɩɩm-kulg rag n pʋgda yẽnda. La b kõo bãmb pãn-tõog tɩ b tõog dũniyã ned a yembr neb a naas fãa sʋk n kʋ-b ne zabr sʋʋga, la kom, la bãase, la ne dũniyã we-rũmsi.