Zeremi 24:1 - WẼNNAAM SEBRE 2014

¹ Babilond dĩm a Nebukatnedzaar sẽn yõk Zʋʋda rĩm a Yoyakim biig a Zekoniya, ne Zʋʋda nanambsã la tʋʋm-mitbã ne sãabã n yiis Zeruzalɛm n tall n kẽng Babilondã poore, Sẽn-Ka-Saab wilga maam kankam pet a yiib sẽn dɩg Sẽn-Ka-Saab roogã noore.

SEBR SÕNGO

¹ Soaala-Wẽnd wilga maam pet a yi sẽn pid ne kankama n dɩg wẽnd dooga noore. Dẽ t'a Nabikodonozor, Babilon dĩma, talla yembsã n zãag ne Zerizalɛɛm. Yɩ-la a Yekoniya, Zɩɩda dĩma, a Zoakim biiga, n paas kug-zĩidba, tʋʋm-mitba la Zerizalɛɛm kʋɩlensa pagdsa manegdb, la a tall n kẽng Babilon.

Zeremi 24:1 Iomraidhean Croise

2 Rĩm-dãmba 24:10

La wakat-kãnga, Babilond rĩm a Nebukatnedzaar nebã kẽnga Zeruzalɛm n na n tɩ zab ne-a, la b gũbg-a lame.

2 Kibayã 36:10

Yʋʋmdã sẽn wa n na n baasã, a Nebukatnedzaar kɩtame tɩ b tall a Zozakẽ ne Sẽn-Ka-Saab roogã te-sõamy wã fãa n kẽng Babilonde. La a kɩt t'a Sedesiyaas lebg rĩm n soog Zʋʋda ne Zeruzalɛm.

A Ezayi 13:1

Woto yaa Sɩbgr koɛɛg Babilond tẽngã yĩnga. Yaa koɛɛg a Amots biig a Ezayi sẽn deege.

Zeremi 13:19

B paga Negɛɛv tẽmsã rignoy tɩ ned ka tõe n pak-b ye. B yõga Zʋʋda tẽngã neb fãa n tall n kẽng yembdo. B talla b fãa n tɩ kẽes yembdo. Ned ba a yembr ka pa ye.»

Zeremi 27:20

Yaa teed nins Babilond dĩm a Nebukatnedzaar sẽn dag n base, wakat ning a sẽn yõk Zʋʋda rĩm a Zekoniya sẽn yaa a Yoyakim biigã, la Zʋʋda ne Zeruzalɛm kãsem-dãmbã fãa, n tall n kẽng Babilondã.

Zeremi 28:4

Mam na n kɩtame tɩ b tall Zʋʋda rĩm a Yoyakim biig a Zekoniya, ne Zʋʋda neb nins fãa b sẽn dag n yõg n tall n kẽng Babilondã n wa, bala, mam na n kaoo Babilond dĩmã balgrã. Maam a Sẽn-Ka-Saab n yeele.

Zeremi 29:1

No-rɛɛs a Zeremi zĩnda Zeruzalɛm n tʋm sebr tɩ b tɩ kõ kãsem-dãmb nins sẽn kellã ne maan-kʋʋdbã, la no-rɛɛsdbã ne neb nins fãa a Nebukatnedzaar sẽn dag n kɩt tɩ b yõg Zeruzalɛm n tall n kẽng Babilondã.

Zeremi 29:2

B sẽn tʋm sebrã yɩɩ wakat ning b sẽn yiis rĩm a Zekoniya ne a ma wã, la zakã tʋmtʋmdbã, ne Zʋʋda ne Zeruzalɛm nanambsã, la tʋʋm-mitbã ne sãabã Zeruzalɛm n tall-b n kẽng yembdã zugẽ.

Zeremi 37:1

Babilond dĩm a Nebukatnedzaar rɩka Zʋʋda rĩungã n kõ a Zoziyaas biig a Sedesiyaase, t'a led a Yoyakim biig a Koniya zĩigẽ.

Ezekiyɛl 17:4

Yẽnda kaooga a will ning sẽn sãd n yɩɩd a taabã, n tall n kẽng toandbã tẽngẽ, n tɩ sela lɛɛbdbã tẽngẽ.

Ezekiyɛl 19:9

Bu-zẽmsã gaaga yẽnda ne bãng n ning yʋk pʋga. B talla yẽnda n kẽng Babilond dĩmã nengẽ. B tall-a lame n tɩ pag pãng zĩis pʋga, tɩ b ra leb n tol n wʋm yẽnda koɛɛg Israyɛll tãmsã zut ye.»

A Amoose 3:7

Sẽn-Ka-Saab ka maand bũmbu, tɩ b ka reng n vẽneg-a ne b tʋmtʋmdbã sẽn yaa bãmb no-rɛɛsdbã ye.

A Amoose 7:1

Ad bũmb ning Zu-soab a Wẽnnaam sẽn wilg maam vẽnegr pʋgẽ: Daar a yembre, moodã sẽn wa n leb n sɩngd yiibã wakate, sʋy n dag n wekde. Rag n yaa rĩmã bɩle tigsg loogr zugẽ.

A Amoose 7:4

Ad bũmb a to Zu-soab a Wẽnnaam sẽn leb n wilg maam: Zu-soab a Wẽnnaam rag n kaooda bʋʋdã ne bugum, la bugmã rag n dɩta ko-kãsengã sẽn be tẽn-gãongã tẽngrã ne pʋtã.

A Amoose 7:7

Dẽ poore, ad bũmb a to Zu-soabã sẽn leb n wilg maam: B rag n yasa namd lalg zugu, n zãad makdga.

Zakari 3:1

Sẽn-Ka-Saab wilga maam maan-kʋʋr kãsem a Zozoe sẽn yas Sẽn-Ka-Saab malɛɛkã taoore. La a Sʋtãan dag n yasa malɛɛkã nug-rɩtg n na n dõd-a.